દિલ્હીમાં શ્રદ્ધા મર્ડર કેસના આરોપી આફતાબ અમીન પૂનાવાલાનું ઉત્તરાખંડ કનેક્શન પણ સામે આવ્યું છે. સૂત્રો પાસેથી પ્રાપ્ત માહિતી અનુસાર, શ્રદ્ધાના શરીરના ટુકડા કર્યા પછી, આફતાબ કેટલાક ટુકડાઓ સાથે ઉત્તરાખંડ ગયો હતો. ત્યાં તેણે તે ટુકડાઓ ટેકરીઓ પરથી ફેંકી દીધા. હવે દિલ્હી પોલીસ પણ આફતાબ સાથે ઉત્તરાખંડ જઈ શકે છે. જો ફેંકેલા ટુકડા દિલ્હી પોલીસને મળી જાય તો પોલીસ માટે આ એક મોટી સફળતા હશે. રાજ્યની દેહરાદૂન પોલીસે શુક્રવારે કહ્યું કે તે શ્રદ્ધા વાકર કેસમાં દિલ્હી પોલીસને તમામ શક્ય મદદ પૂરી પાડશે. આફતાબે પોલીસને જણાવ્યું હતું કે તેણે દેહરાદૂનમાં પણ શરીરના કેટલાક ભાગો ફેંક્યા હતા. તેની પુષ્ટિ કરવા માટે, દિલ્હી પોલીસ આરોપીને રાજ્યની રાજધાની લાવી શકે છે.
દેહરાદૂનના વરિષ્ઠ પોલીસ અધિક્ષક (એસએસપી) દલીપ સિંહ કુંવરે જણાવ્યું કે તેમને આ મામલે હજુ સુધી દિલ્હી પોલીસ તરફથી કોઈ ફોન આવ્યો નથી. દલિપ કુંવરે કહ્યું કે જો તેઓ દેહરાદૂનમાં કેસની તપાસમાં સંકલન માટે અમારો સંપર્ક કરશે તો અમે અમારા તરફથી શક્ય તમામ મદદ કરીશું.
સ્થાનિક પોલીસ સૂત્રોના જણાવ્યા અનુસાર, દિલ્હી પોલીસની તપાસ ટીમ હિમાચલ પ્રદેશ અને ઉત્તરાખંડના હોટેલ માલિકોનો સંપર્ક કરશે જ્યાં આફતાબ અમીન પૂનાવાલા શ્રદ્ધા સાથે રોકાયા હતા. દિલ્હી પોલીસ વધુ તપાસ માટે આફતાબને આ સ્થળોએ લઈ જઈ શકે છે.
અન્ય એક પોલીસ અધિકારીએ નામ ન આપવાની શરતે જણાવ્યું હતું કે જો આફતાબ અમીન પૂનાવાલાએ પોલીસને જે કહ્યું તે સાચું હોય તો સંભવ છે કે તેણે દેહરાદૂનમાં લોહીના ડાઘવાળા કપડાનો નિકાલ કરવાનો પ્રયાસ કર્યો હોઈ શકે નહી કે શ્રદ્ધાના શરીરના ટુકડાનો, કારણ કે ગુનેગાર સામાન્ય રીતે તેના રહેઠાણની આસપાસના વિસ્તારોમાં કપડાં ફેંકતો નથી ત્યાંથી કપડાં મળવાના ચાન્સ વધુ રહે છે.
Published On - 9:39 am, Sat, 19 November 22