લદ્દાખથી ચીનને પીએમ મોદીનો જવાબ, આ વિસ્તારવાદનો યુગ નહીં વિકાસવાદનો યુગ છે

ચીન બોર્ડર પર તણાવની સ્થિતી વચ્ચે વડાપ્રધાન મોદી લેહ પહોંચ્યા. વડાપ્રધાન અચાનક લેહ પહોંચી ગયા, જેનાથી દરેક લોકો ચોંકી ઉઠ્યા. વડાપ્રધાન મોદીની સાથે  ચીફ ઓફ ડિફેન્સ સ્ટાફ બિપિન રાવત પણ હાજર રહ્યા. વડાપ્રધાન મોદીએ જવાનોને સંબોધિત કરતાં કહ્યું કે જ્યારે દેશની રક્ષા તમારા હાથમાં છે.

તમારા મજબૂત ઈરાદામાં છે તો માત્ર મને જ નહીં પણ સમગ્ર દેશને અતૂટ વિશ્વાસ છે. તમારી ઈચ્છાશક્તિ આસપાસના પર્વતોની જેમ અટલ છે. જવાનોનું શોર્ય અને મા ભારતીના માન-સન્માનની રક્ષા માટે તમારૂ સમર્પણ અતુલનીય છે. જે મુશ્કેલ પરિસ્થિતીઓમાં ઉંચાઈ પર તમે મા ભારતીની ઢાલ બની તેની રક્ષા, સેવા કરો છો. તેનો મુકાબલો સમગ્ર વિશ્વમાં કોઈ નથી કરી શકતું. લદાખ સરહદેથી ચીનને પીએમ નરેન્દ્ર મોદીએ જવાબ આપતા કહ્યું કે ગલવાન ખીણ પ્રદેશ ભારતનો, હવે ચીનનો વિસ્તારવાદ નહી ચાલે. વાસંળી અને સુદર્શન ધરાવતા કૃષ્ણના બંન્ને સ્વરૂપો પુજનીય (શાંતિના સમયે વાંસળી અને યુધ્ધના સમયે સુદર્શન) તમારી વિરતા-પરાક્રમથી ભારતીયોની છાતી ગજ ગજ ફુલે છે, કમજોર શાંતિની પહેલ ના કરે, વિરતા જ શાંતિની પહેલી શરત, જલ, થલ, નભ, અતંરિક્ષમાં તાકાત વધારી છે. આ તાકાત વધારવાનું લક્ષ્ય મનુષ્ય કલ્યાણનું પણ જરૂર પડ્યે આત્મરક્ષણ. ઈતિહાસ સાક્ષી છે વિસ્તારવાદ વાળી તાકાત મરી ચૂકી છે. વિશ્વએ ફરી વિસ્તારવાદની વિરુદ્ધ મન બનાવ્યુ છે. વિકાસવાદનું સ્વાગત થાય છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો