દેશમાં 1994 પછી આ ચોમાસામાં નોંધાયો સૌથી વધુ વરસાદ, વરસાદના કહેરથી 148 લોકોના મોત

છેલ્લા કેટલાક દિવસોથી વરસાદને કારણે બિહાર અને ઉત્તર પ્રદેશના ઘણા વિસ્તારો પૂરથી પ્રભાવીત થયા છે. એક એહવાલ પ્રમાણે દેશભરમાં ભારે વરસાદને લગતી ઘટનાઓમાં 148 લોકોના મોત નીપજ્યા છે. ગયા અઠવાડિયાથી ઉત્તર પ્રદેશમાં 111 લોકો અને બિહારમાં 28 લોકોના મોત થયા હતા.

આ પણ વાંચો: દેશભરમાં મેઘતાંડવ, જાણો સપ્ટેમ્બર મહિનામાં કેમ પડી રહ્યો છે ભારે વરસાદ?

1994 પછી આ ચોમાસામાં સૌથી વધુ વરસાદ નોંધાયો છે. હવામાન વિભાગે આગાહી કરી છે કે પટનામાં વધુ વરસાદની આગાહી કરી છે. પટનામાં છેલ્લા ત્રણ દિવસથી ભારે વરસાદને કારણે ઘણા વિસ્તારો પાણીમાં ગરકાવ થઈ ગયા છે. ભારતીય હવામાન વિભાગે (IMD) જણાવ્યું કે 1994 પછી દેશમાં આ વખતે ચોમાસામાં સૌથી વધુ વરસાદ વરસ્યો છે. હવામાન વિભાગના 36 પેટા વિભાગો પૈકી પશ્ચિમ મધ્યપ્રદેશ, સૌરાષ્ટ્ર અને કચ્છમાં ખૂબ વધારે વરસાદ નોંધાયો છે.