છત્તીસગઢના(Chhattisgarh) જાંજગીર-ચંપા જિલ્લામાં સૂકા બોરવેલમાં (Borwell) પડેલા 11 વર્ષના છોકરા રાહુલ સાહુને 105 કલાક સુધી ચાલેલા બચાવ અભિયાન બાદ બચાવી લેવામાં આવ્યો હતો. તેમણે જણાવ્યું કે બાળકને હોસ્પિટલમાં દાખલ કરવામાં આવી રહ્યો છે. શુક્રવારે સાંજે શરૂ થયેલા વિશાળ બચાવ અભિયાનમાં નેશનલ ડિઝાસ્ટર રિસ્પોન્સ ફોર્સ (NDRF), આર્મી, સ્થાનિક પોલીસ અને વહીવટીતંત્રના અધિકારીઓ સહિત 500 થી વધુ કર્મચારીઓ સામેલ હતા.
તમને જણાવી દઈએ કે, છતીસગઢના પિહરીડ ગામમાં એક બાળક ઘરની પાછળ આવેલા 80 ફૂટ ઊંડા બોરવેલમાં પડી ગયો હતો. તે લગભગ 60 ફૂટની ઊંડાઈએ ફસાઈ ગયો હતો અને તેને ઓક્સિજન મળી રહે તે માટે વ્યવસ્થા કરવામાં આવી હતી.
બોરવેલમાં ફસાયેલા રાહુલ સાહુના (Rahul Sahu) સફળ બચાવ પર, મુખ્યમંત્રી ભૂપેશ બઘેલે(CM Bhupesh Baghel) તેને ઝડપથી સ્વસ્થ થવાની શુભેચ્છા પાઠવી છે. હેલ્થ ચેકઅપ માટે રાહુલને ગ્રીન કોરિડોર બનાવીને બિલાસપુરની અપોલો હોસ્પિટલમાં મોકલવામાં આવ્યો છે. મુખ્યમંત્રી બઘેલે કહ્યુ હતુ કે, લગભગ 105 કલાક સુધી બોરવેલમાં ફસાયેલા હોવા છતાં રાહુલે ઘણી હિંમત બતાવી. આ બચાવ કામગીરી ખૂબ જ પડકારજનક હતી, જેને બચાવ ટુકડીઓએ ઘણી ધીરજ, સમજણ અને હિંમત સાથે પૂર્ણ કરી છે. બઘેલે જણાવ્યું હતું કે NDRF, SDRF, SECL, છત્તીસગઢ રાજ્ય પોલીસ, ભારતીય સેના, તબીબી ટીમ અને વહીવટી અધિકારીઓ સહિત બચાવ ટીમમાં સામેલ દરેક ટીમ અને દરેક વ્યક્તિએ સંયુક્ત રીતે ફરજ બજાવતા રાહુલને બોરવેલમાંથી બહાર કાઢવાનું કપરું કાર્ય પાર પાડ્યુ.
माना कि चुनौती बड़ी थी
हमारी टीम भी कहाँ शांत खड़ी थीरास्ते अगर चट्टानी थे
तो इरादे हमारे फौलादी थेसभी की दुआओं और रेस्क्यू टीम के अथक, समर्पित प्रयासों से राहुल साहू को सकुशल बाहर निकाल लिया गया है।
वह जल्द से जल्द पूर्ण रूप से स्वस्थ हो, ऐसी हमारी कामना है। pic.twitter.com/auL9ZMoBP7
— Bhupesh Baghel (@bhupeshbaghel) June 14, 2022
બોરવેલમાં ફસાયેલા રાહુલ સાહુના સુરક્ષિત બચાવ પર ખુશી વ્યક્ત કરતા મુખ્યમંત્રી બઘેલે ટ્વીટમાં(TWEET) લખ્યું છે કે, પડકાર મોટો હતો અને રસ્તાઓ ખડકાળ હતા, પણ અમારો ઇરાદો મક્કમ હતો. તેમણે કહ્યું કે દરેકની પ્રાર્થના અને બચાવ ટીમના અથાક, સમર્પિત પ્રયાસોને કારણે રાહુલ સાહુને સુરક્ષિત રીતે બહાર કાઢવામાં આવ્યો છે. અમારી ઈચ્છા છે કે તે જલદીથી સંપૂર્ણ સ્વસ્થ થઈ જાય.
Published On - 7:34 am, Wed, 15 June 22