દિલ્હીમાં પીએમ મોદી સાથે થયેલી બેઠકમાં થઈ આ મુદ્દે વાત, શરદ પવારે પ્રેસ કોન્ફરન્સમાં કર્યો ખુલાસો

એનસીપી વડા શરદ પવાર (Sharad Pawar) આજે (બુધવાર, 6 એપ્રિલ) પીએમ નરેન્દ્ર મોદીને (PM Narendra Modi) મળ્યા હતા. બંને મોટા નેતાઓ વચ્ચે લગભગ 20 થી 25 મિનિટ સુધી વાતચીત થઈ હતી. આ વાતચીત પીએમના સંસદના કાર્યાલયમાં થઈ હતી. આ પછી શરદ પવારે તેમના દિલ્હી સ્થિત નિવાસસ્થાને પ્રેસ કોન્ફરન્સનું (Sharad Pawar Press Conference) આયોજન કર્યું હતું. આ પ્રેસ કોન્ફરન્સમાં શરદ પવારે કહ્યું કે આ બેઠક લક્ષદ્વીપના એનસીપી સાંસદ મોહમ્મદ ફૈઝલના આગ્રહ પર ત્યાંના કેટલાક મુદ્દાઓને લઈને થઈ હતી. લક્ષદ્વીપના પ્રશાસક પ્રફુલ કે પટેલના કેટલાક નિર્ણયોની ચર્ચા કરવામાં આવી હતી. આ સાથે મહારાષ્ટ્રમાં રાજ્યપાલને મોકલવામાં આવેલી 12 ધારાસભ્યોની યાદી પર તેમના દ્વારા નિર્ણય ન લેવાના મુદ્દે પણ ચર્ચા થઈ હતી.