PM મોદી આજે અનેક જિલ્લાના ડીએમ સાથે વાતચીત કરશે, સરકારી યોજનાઓ અને કાર્યક્રમોના ફીડબેક લેશે

PM Modi : વડાપ્રધાન નરેન્દ્ર મોદી (Narendra Modi)આજે સવારે 11 વાગે વીડિયો કોન્ફરસ (video conferencing)દ્વારા વિવિધ જિલ્લાના ડીએમ સાથે વાતચીત કરશે. આ દરમિયાન વડા પ્રધાન મોદી જિલ્લાઓમાં સરકારી યોજનાઓ (government schemes) અને કાર્યક્રમોના અમલીકરણની પ્રગતિ અને વર્તમાન સ્થિતિ વિશે પ્રતિસાદ લેશે. આ જાણકારી વડાપ્રધાન કાર્યાલય દ્વારા આપવામાં આવી છે.

તેનો ઉદ્દેશ્ય તમામ હિસ્સેદારો સાથે જિલ્લાઓમાં વિવિધ વિભાગો દ્વારા મિશન મોડમાં વિવિધ યોજનાઓની સંતૃપ્તિ પ્રાપ્ત કરવાનો છે. પીએમ મોદીના નેતૃત્વમાં સરકારે દેશભરમાં વૃદ્ધિ અને વિકાસની અસમાનતાને દૂર કરવા માટે સતત અનેક પગલાં લીધાં છે. આ તમામ નાગરિકોના જીવનધોરણને ઉંચુ લાવવા અને તમામ માટે સમાવેશી વિકાસ સુનિશ્ચિત કરવાની સરકારની પ્રતિબદ્ધતાને અનુરૂપ છે.

PM મોદીનો ડંકો દુનિયામાં વાગ્યો, અમેરિકી રાષ્ટ્રપતિને પાછળ છોડી દીધા

મોર્નિંગ કન્સલ્ટ પોલિટિકલ ઇન્ટેલિજન્સ દ્વારા હાથ ધરવામાં આવેલા સર્વે અનુસાર, પીએમ મોદી 71 ટકાના એપ્રુવલ રેટિંગ સાથે સૌથી લોકપ્રિય વૈશ્વિક નેતા તરીકે ટોચ પર છે. તેણે આ મામલે અમેરિકી રાષ્ટ્રપતિ જો બાઈડન, બ્રિટનના પીએમ બોરિસ જોન્સન અને અન્ય અનેક રાજકીય હસ્તીઓને પાછળ છોડી દીધા છે. પીએમ મોદી પછી, મેક્સીકન રાષ્ટ્રપતિ આન્દ્રે મેન્યુઅલ લોપેઝ ઓબ્રાડોર આ યાદીમાં બીજા ક્રમે છે, જેમનું રેટિંગ 66% છે. આ પછી ત્રીજો નંબર ઈટાલીના વડાપ્રધાન મારિયો દ્રાઘીનો આવે છે. તેને 60% રેટિંગ મળ્યું છે.

2021માં જાહેર કરાયેલા એપ્રુવલ રેટિંગની સરખામણીમાં આ વખતે પીએમ મોદીનું એપ્રુવલ રેટિંગ સુધર્યું છે. ભલે પીએમ આ વખતે પણ સૌથી વધુ એપ્રુવલ રેટિંગ મેળવીને નંબર વન પર રહ્યા, પરંતુ વર્ષ 2020ની સરખામણીમાં તેમનું રેટિંગ હજુ પણ નીચે આવ્યું છે. મોર્નિંગ કન્સલ્ટે તેના મે 2020ના રિપોર્ટમાં પીએમ મોદીને 84% એપ્રુવલ રેટિંગ આપ્યું છે. આ વખતે 13 થી 19 જાન્યુઆરી, 2022 વચ્ચે એકત્રિત કરવામાં આવેલા ડેટાના આધારે વૈશ્વિક નેતાઓની મંજૂરી રેટિંગ નક્કી કરવામાં આવી છે. આ રેટિંગ દરેક દેશના પુખ્ત નાગરિકોની 7-દિવસની મૂવિંગ એવરેજ પર આધારિત છે.