આ ગાળો જ મારો ખોરાક છે, તેલંગાણામાં વડાપ્રધાન મોદીએ નામ લીધા વગર સીએમ KCR પર કર્યા આકરા પ્રહાર
વડાપ્રધાને કહ્યું કે તેલંગાણા એ માહિતી ટેકનોલોજીનો કિલ્લો છે. PMએ કહ્યું, કેટલાક લોકો નિરાશા અને હતાશાના કારણે સવાર-સાંજ મોદીને ગાળો આપતા રહે છે.
પીએમ મોદી આજે દક્ષિણ ભારતના પ્રવાસે છે. અહીં તેમણે વિશાખાપટ્ટનમના નવા ગ્રીન કોમ્પ્લેક્સના પ્રથમ તબક્કા અને બંદર પર ક્રુઝ ટર્મિનલનું ઉદ્ઘાટન કર્યું. તેલંગાણાના બેગમપેટમાં એક સભાને સંબોધિત કરતા પીએમ મોદીએ કહ્યું કે તે દુ:ખની વાત છે કે જેઓ તેલંગાણાના નામે સત્તામાં આવ્યા તેમણે રાજ્યને પાછળ ધકેલી દીધું. તેમણે કહ્યું કે તેલંગાણા એ માહિતી ટેકનોલોજીનો કિલ્લો છે. PMએ કહ્યું, કેટલાક લોકો નિરાશા અને હતાશાના કારણે સવાર-સાંજ મોદીને ગાળો આપતા રહે છે. પરંતુ તેના વિશે ચિંતા કરવાની જરૂર નથી. એ ગાળોને ચા પર હસીમજાક કરો. બીજા દિવસે કમળ ખીલવાનું છે, આ ખુશીમાં આગળ વધો.
સીએમ કેસીઆર પીએમ મોદીને રિસીવ કરવા પહોંચ્યા ન હતા. આ પહેલા બીઆરએસ કાર્યકર્તાઓએ પીએમની મુલાકાતના વિરોધમાં શહેરમાં અનેક પોસ્ટર પણ લગાવ્યા હતા. કારણ કે તેમની પાસે ગાળો આપવા સિવાય બીજું કંઈ બચ્યું નથી. પરંતુ આ આધુનિક શહેરમાં અંધશ્રદ્ધાને પ્રોત્સાહન આપવામાં આવી રહ્યું છે, જેનાથી ખુબ જ દુઃખ થાય છે. પીએમએ કહ્યું કે તેલંગાણાનો વિકાસ કરવો છે, તેને પછાતપણું દૂર કરવું પડશે, તેથી સૌથી પહેલા આપણે અહીંથી અંધશ્રદ્ધા દૂર કરવી પડશે.
బీజేపీ కార్యకర్తలకు నా విజ్ఞప్తి pic.twitter.com/tSLDabkj7K
— Narendra Modi (@narendramodi) November 12, 2022
પીએમ આવાસ યોજનામાં ખલેલ પહોંચાડે છે કેસીઆર: પીએમ મોદી
પીએમ મોદીએ કહ્યું કે જો મને અને બીજેપીને ગાળો આપવાથી તેલંગાણાની સ્થિતિ અને લોકોનું જીવન સુધરે છે તો અમને ગાળો આપતા રહો. પરંતુ જો મારો વિરોધી એવું વિચારે છે કે તે તેલંગાણાના લોકો સાથે દુર્વ્યવહાર કરી શકે છે, તો તે સહન કરવામાં આવશે નહીં. તેમણે કહ્યું કે કેન્દ્રના તમામ પ્રયાસો છતાં તેલંગાણા સરકાર પીએમ આવાસ યોજનાને ખોરવી રહી છે. આ સરકારે તેલંગાણાના લોકોને તેમના માથા પર છતની ખુશીથી વંચિત રાખ્યું છે.
ક્યારેક લોકો મને પૂછે છે કે શું હું થાકતો નથી: પીએમ મોદી
પીએમે કહ્યું, ક્યારેક લોકો મને પૂછે છે કે શું હું થાકતો નથી. ગઈકાલે સવારે હું દિલ્હીમાં હતો, પછી કર્ણાટક અને તામિલનાડુમાં અને પછી સાંજે આંધ્રપ્રદેશમાં અને હવે તેલંગાણામાં હતો. હું તેમને કહું છું કે મને રોજેરોજ જે ગાળો મળે છે તે વાસ્તવમાં પોષણનું કામ કરે છે અને હું તેનો ઉપયોગ લોકોના ભલા માટે કરું છું. વડાપ્રધાન નરેન્દ્ર મોદીએ કહ્યું કે ભારત વિશ્વ માટે આકર્ષણનું કેન્દ્ર બન્યું છે અને પીએમ ગતિ શક્તિ જેવી યોજનાઓ મોટા પાયે વિદેશી રોકાણોને આકર્ષી રહી છે.
પીએમએ બ્લુ ઈકોનોમીનો કર્યો ઉલ્લેખ
પીએમ મોદીએ કહ્યું કે, ઈન્ફ્રાસ્ટ્રક્ચર વિકાસ માટે સર્વગ્રાહી અભિગમ સૌથી મહત્વપૂર્ણ છે. ભૂતકાળમાં અપનાવવામાં આવેલ અભિગમથી દેશને મોટું નુકસાન થયું છે. તેમણે કહ્યું કે સપ્લાય-ચેન અને લોજિસ્ટિક્સ મલ્ટી-લેવલ કનેક્ટિવિટી પર આધાર રાખે છે અને મલ્ટિ-મોડલ ટ્રાન્સપોર્ટ સિસ્ટમ તમામ શહેરોનું ભવિષ્ય હશે. વડાપ્રધાન મોદીએ રેખાંકિત કર્યું હતું કે બ્લુ ઇકોનોમી પ્રથમ વખત ટોચની પ્રાથમિકતા બની છે. તેમણે કહ્યું હતું કે પોર્ટ સંચાલિત વિકાસ હવે મહત્વપૂર્ણ બની ગયો છે.
Latest News Updates
