New Parliamentના ઉદ્ઘાટન સમયે નરેન્દ્ર મોદી ફરી એકવાર ધોતી-કુર્તામાં જોવા મળ્યા, સેંગોલને કર્યું દંડવત્ત-પ્રણામ, જુઓ VIDEO

દેશને નવી સંસદ ભવન મળ્યું છે. વડાપ્રધાન નરેન્દ્ર મોદીએ આજે ​​એટલે કે રવિવારે સંસદ ભવનનું ઉદ્ઘાટન કર્યું છે. ઉદ્દઘાટન સમારોહની શરૂઆત પૂજાથી થઈ હતી. આ પૂજામાં વડાપ્રધાન નરેન્દ્ર મોદી પરંપરાગત ધોતી-કુર્તામાં જોવા મળ્યા હતા. સામાન્ય રીતે પીએમ મોદી કુર્તા સાથે ચૂડીદાર પાયજામા પહેરેલા જોવા મળે છે.

नए संसद भवन के लोकार्पण के शुभ अवसर पर प्रधानमंत्री श्री @narendramodi जी ने किया साष्टांग दंडवत प्रणाम!#MyParliamentMyPride pic.twitter.com/2OpJsnU4og

— Sambit Patra (@sambitswaraj) May 28, 2023

પૂજામાં હાજરી આપવા માટે નવા સંસદ ભવન સંકુલમાં પહોંચ્યા ત્યારે પીએમ મોદી સફેદ કુર્તા અને સફેદ ધોતી પહેરેલા જોવા મળ્યા હતા. સાથે જ ગળામાં રૂમાલ પણ જોવા મળ્યો હતો. આ બીજી વખત છે જ્યારે પીએમ મોદી ધોતી-કુર્તામાં જોવા મળ્યા છે. આ પહેલા અયોધ્યામાં રામ મંદિરનો શિલાન્યાસ કરતી વખતે પીએમ મોદી પરંપરાગત પોશાકમાં જોવા મળ્યા હતા.

સંસદ ભવનનું ઉદ્ઘાટન પૂર્ણ વિધિ સાથે કરવામાં આવ્યું હતું. પૂજા કાર્યક્રમમાં સામેલ થયા બાદ પીએમ મોદીએ રાજદંડ સેંગોલને પ્રણામ કર્યા હતા. આ પછી સેંગોલ તેને સોંપવામાં આવ્યો. આ પછી પીએમ મોદીએ લોકસભામાં સ્પીકરની ખુરશીની બાજુમાં રાજદંડ સેંગોલ સ્થાપિત કર્યો. આ દરમિયાન પીએમ મોદીની સાથે લોકસભા સ્પીકર પણ હાજર રહ્યા હતા.

બાંધકામમાં યોગદાન આપનારા કામદારોને પણ મળ્યા

ઉદ્ઘાટન બાદ પીએમ મોદીએ સંસદ ભવનનાં નિર્માણમાં યોગદાન આપનારા કામદારોને પણ મળ્યા અને સન્માનિત કર્યા. ઉદ્ઘાટન સમયે સંસદભવનમાં સર્વધર્મ સમભાવ પથ પણ કરવામાં આવી રહ્યો છે. ઉદ્ઘાટન કાર્યક્રમમાં અમિત શાહ સહિત કેન્દ્ર સરકારના અનેક મંત્રીઓ પણ હાજર રહ્યા હતા.

ભારતીય બંધારણની મૂળ નકલ નવી સંસદમાં રાખવામાં આવી છે. સભ્યોની બેઠકો પર ટેબલેટ લગાવવામાં આવ્યા છે. લોકસભાની સાથે સાથે રાજ્યસભાની ક્ષમતા પણ વધારવામાં આવી છે. નવી સંસદમાં દરેક સભ્યને પોતાનું કાર્યાલય મળશે. આ સિવાય એક મીટિંગ હોલ પણ બનાવવામાં આવ્યો છે જેમાં પીએમ અથવા સ્પીકર મીટિંગ કરી શકે છે. અલગ અલગ કમિટીઓ માટે મીટીંગ રૂમ પણ બનાવવામાં આવ્યા છે.