NIAએ યુકેમાં ભારતીય હાઈ કમિશનની બહાર હિંસક પ્રદર્શન કરનાર ખાલિસ્તાનીઓનો Videoને જાહેર કર્યો

New Delhi: નેશનલ ઈન્વેસ્ટિગેશન એજન્સી (NIA) એ હિંસક વિરોધ પ્રદર્શન દરમિયાન લંડનમાં ભારતીય હાઈ કમિશનમાં તોડફોડ કરી રહેલા ખાલિસ્તાની સમર્થકોનો માર્ચ 19નો વીડિયો જાહેર કર્યો છે.

રાષ્ટ્રીય સ્તરની તપાસ એજન્સીએ લોકોને અપીલ કરી છે કે તેઓ સીસીટીવી ફૂટેજમાં દેખાતા લોકો વિશે કંઈપણ જાણતા હોય તો તરત જ જાણ કરે. જાહેર કરવામાં આવેલો વીડિયો લગભગ ત્રણ મિનિટનો છે, જેમાં ખાલિસ્તાની સમર્થકોની ભીડ લગભગ 1.46 વાગ્યે હાઈ કમિશનર પાસે પહોંચતી જોવા મળે છે.

Web Stories View more

શિયાળામાં સ્ટાર ફ્રુટ ખાવાથી થાય છે અઢળક લાભ

આજનું રાશિફળ તારીખ : 23-11-2024

યુદ્ધના ભણકારા વચ્ચે કિમ જોંગે મોકલ્યા સૈનિક, બદલામાં પુતિને આપી ખાસ 70 ભેટ, જુઓ

23 નવેમ્બર, કાલ ભૈરવ જયંતીના દિવસે કરો આ બે કામ, જીવનની નકારાત્મકતા થશે દૂર, ઈચ્છાઓ થશે પૂરી

અદિતિ મિસ્ત્રીની બહેન દિવ્યા મિસ્ત્રી પણ ખુબ હોટ છે, જુઓ ફોટો

Winter Tips : ધાબળામાં આવતી વાસ થશે છૂમંતર, અપનાવો આ ટિપ્સ

આ પણ વાચો: Canada: કેનેડામાં ખાલિસ્તાની સમર્થકોને ખુલ્લું સમર્થન, ઈન્દિરા ગાંધીની હત્યાની ઝાંખી કાઢવામાં આવી, જુઓ Video

જણાવી દઈએ કે હાઈ કમિશન પર હુમલાના મામલામાં NIA તપાસકર્તાઓની એક ટીમ ગત મહિનાથી બ્રિટનમાં હાજર છે અને તપાસ કરી રહી છે. તમને જણાવી દઈએ કે 18 માર્ચે ભારતમાં ખાલિસ્તાની સમર્થક વારિસ પંજાબ દેના વડા અમૃતપાલ સિંહ વિરુદ્ધ પોલીસે મોટી કાર્યવાહી કરી હતી, જેમાં અમૃતપાલ ભાગી ગયો હતો. વિશ્વના ઘણા દેશોમાં ખાલિસ્તાની સમર્થકોએ તેનો વિરોધ કર્યો હતો. આ દરમિયાન બ્રિટનમાં ભારતીય હાઈ કમિશનની ઓફિસની બહાર હિંસક પ્રદર્શન થયું હતું.

CCTV footage of the 19th March attack by anti-national elements on the High Commission of India in London, UK as released by the National Investigation Agency (NIA).

NIA has appealed to the public to provide information regarding the people seen in the CCTV footage. pic.twitter.com/cU3PVoHwCb

— ANI (@ANI) June 12, 2023

અહીં ખાલિસ્તાની સમર્થકોએ ખાલિસ્તાન તરફી નારા લગાવ્યા અને ઝંડા પણ બતાવ્યા હતા. આ દરમિયાન હાઈ કમિશનની બાલ્કનીમાં ઉભેલા એક પ્રદર્શનકારીએ થાંભલા પરથી ભારતીય ત્રિરંગો હટાવી દીધો હતો. વીડિયોમાં દેખાઈ રહ્યું છે કે ખાલિસ્તાની સમર્થકો હાથમાં ઝંડા લઈને અમૃતપાલ સિંહને આરોપમાંથી મુક્ત કરવા માટે પ્રદર્શન કરી રહ્યા છે. આ હિંસક પ્રદર્શન દરમિયાન બ્રિટિશ પોલીસ ત્યાં પહોંચી અને દેખાવકારોને ત્યાંથી હટાવ્યા હતા.

ભારત વિરુદ્ધ આતંકવાદી ગતિવિધિઓની તપાસ કરી રહી છે

આ દરમિયાન વિરોધીઓ નારા લગાવતા અને અપશબ્દો બોલતા જોવા મળે છે. તમને જણાવી દઈએ કે 2019માં કેન્દ્ર સરકારે NIA એક્ટમાં ફેરફાર કર્યા હતા. આ સુધારા બાદ NIAને વધુ શક્તિશાળી બનાવવામાં આવી હતી. આ પછી NIA હવે ભારત વિરુદ્ધ આતંકવાદી ગતિવિધિઓની તપાસ કરી રહી છે. હિન્દુસ્તાન ટાઈમ્સના સમાચાર અનુસાર, અવતાર સિંહ ખાંડા આ હિંસાનો માસ્ટરમાઈન્ડ છે. કહેવાય છે કે તે બ્રિટનમાં બેવડી જિંદગી જીવી રહ્યો છે. સમાચાર અનુસાર, અવતાર સિંહ ખાંડા જ રણજોધ સિંહ છે, જે ખાલિસ્તાન લિબરેશન ફોર્સનો વડો છે.

આંતરરાષ્ટ્રીય તમામ સમાચાર વાંચવા માટે અહીં ક્લિક કરો