Good News : દેશમાં 543 દિવસ બાદ કોરોનાના સૌથી ઓછા નોંધાયા કેસ, એક્ટિવ કેસ પણ 20 મહિનામાં સૌથી ઓછા
દેશમાં હાલ, કોરોનાના સક્રિય કેસ સતત 1 ટકાથી નીચે રહ્યા છે, જે કુલ કેસના 0.33 ટકા હિસ્સો ધરાવે છે, જે માર્ચ 2020 પછી સૌથી નીચો છે. કોવિડ-19માંથી સાજા થતા લોકોનો રાષ્ટ્રીય પુનઃપ્રાપ્તિ દર (રિકવરી રેટ) વધીને 98.32 ટકા થઈ ગયો છે, જે ગયા વર્ષના માર્ચ પછી સૌથી વધુ છે.
ભારતમાં કોવિડ-19ના ( covid 19) એક દિવસમાં નવા 7,579 કેસ નોંધાયા છે, જે છેલ્લા 543 દિવસમાં સૌથી ઓછા કેસ છે. આ સાથે, કોરોના (Corona) સંક્રમણના કુલ કેસોની સંખ્યા 3,45,26,480 પર પહોંચી ગઈ છે. જ્યારે આ સમયગાળા દરમિયાન સક્રિય કેસોની સંખ્યા ઘટીને 1,13,584 થઈ ગઈ છે. છેલ્લા 24 કલાક દરમિયાન, કોરોનાને કારણે 236 લોકોના મોત થયા છે, જેમાં એકલા કેરળ (Kerala) રાજ્યમાં જ 75 લોકોના મોતનો સમાવેશ થાય છે. કેરળમાં છેલ્લા 24 કલાકમાં કોરોનાના 3,698 નવા કેસ નોંધાયા છે.
મંગળવારે સવારે કેન્દ્રીય આરોગ્ય મંત્રાલય (Union Ministry of Health) દ્વારા જાહેર કરવામાં આવેલા આંકડા અનુસાર, 236 દર્દીઓના મોત સાથે, આ રોગચાળાને કારણે સમગ્ર દેશમાં જીવ ગુમાવનારા દર્દીઓની સંખ્યા વધીને 4,66,147 થઈ ગઈ છે. છેલ્લા 24 કલાકમાં સારવાર હેઠળ દર્દીઓની સંખ્યામાં નોંધપાત્ર ઘટાડો થયા પછી, સક્રિય કેસોની સંખ્યા પણ ઘટીને 1,13,584 પર આવી ગઈ છે, જે છેલ્લા 536 દિવસમાં સૌથી નીચો આંક છે.
હાલમાં, સક્રિય કેસ સતત 1 ટકાથી નીચે રહ્યા છે, જે કુલ કેસના 0.33 ટકા હિસ્સો ધરાવે છે, જે માર્ચ 2020 પછી સૌથી નીચો છે. કોવિડ-19માંથી સાજા થતા લોકોનો રાષ્ટ્રીય પુનઃપ્રાપ્તિ દર (Recovery rate) વધીને 98.32 ટકા થઈ ગયો છે, જે ગયા વર્ષના માર્ચ પછી સૌથી વધુ છે.
સ્વાસ્થ્ય મંત્રાલય દ્વારા જારી કરાયેલા આંકડા…
કોરોનાના નવા કેસ – 7,579
24 કલાકમાં સાજા થયેલા દર્દીઓની સંખ્યા – 12,202
24 કલાકમાં મૃત્યુ – 236
કુલ કેસ- 3,45,26,480
સક્રિય કેસ- 1,13,584
કુલ રિકવરી – 3,39,46,749
કુલ મૃત્યુ – 4,66,147
કુલ રસીકરણ- 1,17,63,73,499
કેન્દ્રીય આરોગ્ય મંત્રાલયના જણાવ્યા અનુસાર, અત્યાર સુધીમાં રાજ્યોને 131 કરોડ (1,31,45,03,460) રસીના ડોઝ (vaccine Dosage) મોકલવામાં આવ્યા છે. હાલમાં, 21.92 કરોડ (21,92,56,121) ડોઝ હજુ પણ રાજ્યો પાસે છે. તે જ સમયે, દેશભરમાં 117.63 કરોડ ડોઝ લાગુ કરવામાં આવ્યા છે.
છેલ્લા 50 દિવસથી દૈનિક સંક્રમણ દર (પોઝિટિવિટી રેટ) 2 ટકા (0.79%) થી નીચે રહ્યો છે. તે જ સમયે, સાપ્તાહિક સંક્રમણ દર છેલ્લા 60 દિવસથી 2 ટકા એટલે કે 0.93 ટકાથી નીચે રહ્યો છે. દેશમાં અત્યાર સુધીમાં કોરોનાના કુલ 63.34 કરોડ ટેસ્ટ કરવામાં આવ્યા છે.
આ પણ વાંચોઃ
IND vs NZ: કાનપુર પહોંચેલી ન્યુઝીલેન્ડ અને ભારતીય ટીમના કાફલામાં અજાણી કાર ઘૂસી જતા સનસનાટી મચી ગઇ! સુરક્ષા ટીમોમાં દોડધામ થઇ ગઇ
આ પણ વાંચોઃ