Madhya Pradesh: PM મોદીએ ઈન્દોરમાં બાયો-CNG પ્લાન્ટનું કર્યું ઉદ્ઘાટન, કહ્યું- ઈન્દોરનું નામ લેતા જ મનમાં આવે છે સ્વચ્છતાનો વિચાર

વડાપ્રધાન નરેન્દ્ર મોદી (Prime Minister Narendra Modi) એ આજે ​​મધ્યપ્રદેશના ઈન્દોર (Indore, Madhya Pradesh) ઔદ્યોગિક શહેરને બાયો ગેસ પ્લાન્ટ (Bio Gas Plant) ભેટમાં આપ્યો. પીએમ મોદીએ વીડિયો કોન્ફરન્સિંગ દ્વારા ઈન્દોરમાં શહેરી ભીના કચરામાંથી બાયો-સીએનજી બનાવવા માટે એશિયાના સૌથી મોટા ગોબર-ઘન પ્લાન્ટનું ઉદ્ઘાટન કર્યું. આ સાથે જ પોતાના સંબોધનમાં પીએમ મોદીએ કહ્યું કે ઈન્દોર જિલ્લાનું નામ આવતાં જ સ્વચ્છતાનો ખ્યાલ આવે છે. તેમણે ઈન્દોરના લોકોની પ્રશંસા કરતા કહ્યું કે ઈન્દોરના લોકો જેટલા સારા છે, તેમણે ઈન્દોરને પણ એટલું જ સારું બનાવ્યું છે. પીએમ મોદીએ ભારપૂર્વક કહ્યું કે આ પહેલ દેશના શહેરોને સ્વચ્છ, પ્રદૂષણ મુક્ત બનાવવામાં અને તેમને સ્વચ્છતા તરફ લઈ જવામાં મદદ કરશે.

તાજેતરમાં, “વેસ્ટ ફ્રી સિટી” બનાવવા માટે દેશમાં સ્વચ્છ ભારત મિશન અર્બન 2.0 શરૂ કરવામાં આવ્યું છે અને આ મિશન હેઠળ “વેસ્ટ ટુ વેલ્થ” બનાવવાના પ્રયાસો કરવામાં આવી રહ્યા છે. માહિતી અનુસાર, આ પ્લાન્ટમાં પ્રતિ દિવસ 550 ટન ભીનો કાર્બનિક કચરો અલગ કરવાની ક્ષમતા છે અને તે દરરોજ આશરે 17,000 કિલો સીએનજી અને દરરોજ 100 ટન ઓર્ગેનિક ખાતરનું ઉત્પાદન કરે તેવી અપેક્ષા છે.

ઈન્દોર મ્યુનિસિપલ કોર્પોરેશને પ્લાન્ટ શરૂ કર્યો છે

માહિતી અનુસાર, બાયો પ્લાન્ટ ઝીરો-લેન્ડફિલ મોડલ પર આધારિત છે અને આ પ્રોજેક્ટથી ઘણા ફાયદાની અપેક્ષા છે. કહેવામાં આવી રહ્યું છે કે આ પ્લાન્ટની શરૂઆતથી જ ગ્રીનહાઉસ ગેસના ઉત્સર્જનમાં ઘટાડો, ખાતરના રૂપમાં જૈવિક ખાતર સાથે ગ્રીન એનર્જી ઉપલબ્ધ થશે. આ પ્રોજેક્ટના અમલીકરણ માટે ઈન્દોર ક્લીન એનર્જી પ્રાઈવેટ લિમિટેડની રચના કરવામાં આવી છે અને તેની રચના ઈન્દોર મ્યુનિસિપલ કોર્પોરેશન (IMC) અને ઈન્ડો એન્વિરો ઈન્ટિગ્રેટેડ સોલ્યુશન્સ લિમિટેડ (IEISL) દ્વારા કરવામાં આવી છે.

ઈન્દોર મ્યુનિસિપલ કોર્પોરેશન 50 ટકા ગેસ ખરીદશે

મળતી માહિતી મુજબ પ્લાન્ટમાં ઉત્પાદિત ગેસ ઈન્દોર મ્યુનિસિપલ કોર્પોરેશન ખરીદશે. કોર્પોરેશન પ્લાન્ટમાં ઉત્પાદિત સીએનજી ગેસનો ઓછામાં ઓછો 50 ટકા ખરીદશે અને જિલ્લામાં સીએનજી આધારિત 400 સિટી બસો ચલાવશે. સાથે જ પ્લાન્ટમાંથી નીકળતો ગેસ પણ ખુલ્લા બજારમાં વેચવામાં આવશે. જ્યારે કૃષિ અને બાગાયત હેતુઓ માટે રાસાયણિક ખાતરોને બદલવામાં સેન્દ્રીય ખાતર મદદ કરશે.

આ પણ વાંચો: બિહારના આ વ્યક્તિએ ટાટા નેનોનું બનાવ્યું હેલિકોપ્ટર ! આટલા રૂપિયાનો થયો ખર્ચ

આ પણ વાંચો: હવે રાજકીય પક્ષોના ‘વાયદાઓ’ પર લાગશે લગામ ! જો પૂર્ણ ન થાય તો સુપ્રીમ કોર્ટ લઈ શકે છે આ પગલાં