Breaking News: લાલુ યાદવે પુત્ર તેજ પ્રતાપને 6 વર્ષ માટે પાર્ટીમાંથી હાંકી કાઢ્યો ! પરિવારમાંથી પણ કર્યો બેદખલ

RJD વડા લાલુ યાદવે તેમના મોટા પુત્ર તેજ પ્રતાપ યાદવ અંગે મોટો નિર્ણય લીધો છે. તેમણે તેમના પુત્રને 6 વર્ષ માટે પાર્ટીમાંથી હાંકી કાઢ્યો છે. એટલું જ નહીં, લાલુએ તેજ પ્રતાપને પરિવારમાંથી પણ હાંકી કાઢ્યો છે. આ અંગે લાલુ યાદવે કહ્યું કે તેની પરિવારમાં કોઈ જગ્યા નથી.  RJD વડાએ સોશિયલ મીડિયા પર એક પોસ્ટ શેર કરી છે, જેમાં તેમણે આ વિશે માહિતી આપી છે, જેમાં તેમણે સ્પષ્ટપણે કહ્યું છે કે હવે તેજ પ્રતાપનો પરિવાર અને પાર્ટીમાં કોઈ રોલ નથી.

निजी जीवन में नैतिक मूल्यों की अवहेलना करना हमारे सामाजिक न्याय के लिए सामूहिक संघर्ष को कमज़ोर करता है। ज्येष्ठ पुत्र की गतिविधि, लोक आचरण तथा गैर जिम्मेदाराना व्यवहार हमारे पारिवारिक मूल्यों और संस्कारों के अनुरूप नहीं है। अतएव उपरोक्त परिस्थितियों के चलते उसे पार्टी और परिवार…

— Lalu Prasad Yadav (@laluprasadrjd) May 25, 2025

લાલુ યાદવનો મોટો નિર્ણય

આરજેડી વડાએ તેમની પોસ્ટમાં કહ્યું છે કે, ‘વ્યક્તિગત જીવનમાં નૈતિક મૂલ્યોનું અનાદર સામાજિક ન્યાય માટેના આપણા સામૂહિક સંઘર્ષને નબળો પાડે છે. મોટા દીકરાની પ્રવૃત્તિઓ, જાહેર વર્તન અને બેજવાબદાર વર્તન આપણા કૌટુંબિક મૂલ્યો અને સંસ્કારો અનુસાર નથી. તેથી, ઉપરોક્ત સંજોગોને કારણે, હું તેને પાર્ટી અને પરિવારમાંથી દૂર કરું છું. હવેથી, તેને પાર્ટી અને પરિવારમાં કોઈ પણ પ્રકારની ભૂમિકા રહેશે નહીં. તેને 6 વર્ષ માટે પાર્ટીમાંથી હાંકી કાઢવામાં આવે છે.

વધુમાં, લાલુ યાદવે કહ્યું, ‘તે પોતે પોતાના અંગત જીવનના સારા અને ખરાબ અને ગુણદોષો જોવા માટે સક્ષમ છે. જે કોઈ તેની સાથે સંબંધ રાખશે તેણે પોતાની વિવેકબુદ્ધિથી નિર્ણય લેવો જોઈએ. હું હંમેશા જાહેર જીવનમાં જાહેર શરમનો હિમાયતી રહ્યો છું. પરિવારના આજ્ઞાકારી સભ્યોએ જાહેર જીવનમાં આ વિચાર અપનાવ્યો છે અને તેનું પાલન કર્યું છે.’

તેજ પ્રતાપે રિલેશનશીપમાં હોવાની જાહેરાત કરી

હકીકતમાં, તેજ પ્રતાપે ગઈકાલે (શનિવાર, 25 મે) કોઈ યુવતી સાથે 12 વર્ષથી રિલેશનશીપમાં હોવાની જાહેરાત કરી હતી. તેણે અનુષ્કા યાદવ નામની તેની ગર્લફ્રેન્ડ સાથે એક તસવીર શેર કરી હતી અને જણાવ્યું હતું કે તે છેલ્લા 12 વર્ષથી અનુષ્કા સાથે સંબંધમાં છે.

તેજ પ્રતાપે તે પોસ્ટમાં કહ્યું હતુ કે હું તમને ઘણા સમયથી આ કહેવા માંગતો હતો પરંતુ તે કેવી રીતે કહેવું તે સમજી શકતો ન હતો. એટલા માટે આજે હું આ પોસ્ટ દ્વારા મારા હૃદયની લાગણીઓ તમારી સાથે શેર કરી રહ્યો છું! મને આશા છે કે તમે બધા સમજી શકશો કે હું શું કહી રહ્યો છું.”