Breaking News : જમ્મુ-કાશ્મીરના કિશ્તવાડમાં સેના અને આતંકવાદીઓ વચ્ચે અથડામણ, 8 સૈનિકો ઘાયલ, ઓપરેશન ત્રશી-1 ચાલુ કરાયુ
જમ્મુ-કાશ્મીરના કિશ્તવાડમાં મોટુ ઓપરેશન ચાલી રહ્યુ છે. સેના અને જૈશ-એ-મોહમ્મદ (JeM) ના આતંકવાદીઓ વચ્ચે થયેલી અથડામણમાં આઠ સૈનિકો ઘાયલ થયા છે. ઓપરેશન ત્રશી-1 હેઠળ સોનાર વિસ્તારમાં ડ્રોન અને સ્નિફર ડોગ્સનો ઉપયોગ કરીને સર્ચ ઓપરેશન ચાલી રહ્યું છે. આતંકવાદીઓએ ગ્રેનેડ ફેંક્યા અને ભારે ગોળીબાર કર્યો.
જમ્મુ અને કાશ્મીરમાં આતંકી ગતિવિધી બંધ થવાનું નામ નથી લઇ રહી. એક પછી એક આતંકી ગતિવિધિઓના સમાચાર સામે આવતા રહે છે. કિશ્તવાડમાં રવિવારે (18 જાન્યુઆરી) બપોરે સેના અને આતંકવાદીઓ વચ્ચે અથડામણ થઈ હતી. સેના અને આતંકીઓ વચ્ચે થયેલા બપોરના આ એન્કાઉન્ટરમાં સેનાના 8 જવાન ઘાયલ થયા છે. આ સમગ્ર ઘટના કિશ્તવાડના ઉપરના ભાગમાં આવેલા જંગલ વિસ્તાર સોનારમાં બની હતી.
સેનાના વ્હાઇટ નાઈટ કોર્પ્સ દ્વારા આતંકવાદીઓ વિરુદ્ધ ઓપરેશન ત્રશી-1 અહીં ચાલુ રાખવામાં આવી છે. એવું માનવામાં આવે છે કે આ આતંકવાદીઓ JeM ના છે. સેનાના અધિકારીઓના જણાવ્યા અનુસાર, ઘાયલ થયેલા ત્રણ સૈનિકોને સારવાર માટે એરલિફ્ટ કરવામાં આવ્યા છે.સેનાના અધિકારીઓએ જણાવ્યું હતું કે રવિવારે જમ્મુ અને કાશ્મીરના કિશ્તવાડ જિલ્લાના ઉપરના ભાગમાં આવેલા એક દૂરના જંગલ વિસ્તારમાં આતંકવાદીઓ સાથેની અથડામણમાં આઠ સૈનિકો ઘાયલ થયા હતા. ઘણા કલાકો સુધી ભારે અથડામણ ચાલી હતી, જે આખરે શાંત થઈ ગઈ છે.
જમ્મુ અને કાશ્મીરના કિશ્તવાડમાં અથડામણ બાદ સુરક્ષા દળો દરેક સ્થળે વાહનોની તપાસ કરી રહ્યા છે. અથડામણ બાદ સોનાર વિસ્તારમાં વધારાના સુરક્ષા દળો તૈનાત કરવામાં આવ્યા છે. આ સાથે જ સ્નિફર ડોગ્સ પણ તૈનાત કરવામાં આવ્યા છે.
સેનાની કાર્યવાહી રવિવારે શરૂ થઈ હતી
આતંકવાદીઓ સામે “ઓપરેશન ત્રશી-I” નામની સેનાની કાર્યવાહી રવિવારે શરૂ થઈ હતી. આ કામગીરીમાં સેનાના જમ્મુ સ્થિત વ્હાઇટ નાઈટ કોર્પ્સે શોધખોળ હાથ ધરી છે. જમ્મુ અને કાશ્મીર પોલીસ, સેના અને CRPF શોધખોળ કરી રહ્યા છે. સમગ્ર વિસ્તાર પર જમીન પરથી અને ડ્રોન દ્વારા નજર રાખવામાં આવી રહી છે.
આતંકવાદીઓએ સેના પર ગ્રેનેડ ફેંક્યા હતા
સેનાના અધિકારીઓએ પણ આ કાર્યવાહી વિશે માહિતી આપી છે, જેમાં જણાવ્યું છે કે સૈનિકોએ લગભગ કેટલાક આતંકવાદીઓને પકડી લીધા હતા. જો કે આ દરમિયાન તેમની બાજુથી એક ગ્રેનેડ ફેંકવામાં આવ્યો હતો, જેના પરિણામે સૈનિકો ઘાયલ થયા હતા. સેના જે આતંકવાદીઓને શોધી રહી છે તેઓ પાકિસ્તાનના જૈશ-એ-મોહમ્મદ (JeM) સાથે જોડાયેલા હોવાનું કહેવાય છે.
વર્ષનું ત્રીજું એન્કાઉન્ટર
જમ્મુ અને કાશ્મીરમાં આ ત્રીજું એન્કાઉન્ટર છે, જે ફક્ત 20 દિવસમાં થયું છે. આનો અર્થ એ થયો કે 2026માં સેના અને આતંકવાદીઓ ત્રણ વખત આમને-સામને થયા છે. પહેલું એન્કાઉન્ટર 7 અને 13 જાન્યુઆરીએ કઠુઆ જિલ્લાના બિલ્લાવર વિસ્તારના કહોગ અને નજોટે જંગલોમાં થયું હતું. ગયા વર્ષે 15 ડિસેમ્બરે, ઉધમપુર જિલ્લાના મજલતા વિસ્તારના સોન ગામમાં આતંકવાદીઓ સાથેના એન્કાઉન્ટરમાં એક પોલીસ અધિકારી શહીદ થયા હતા.
દેશભરના સમાચાર વાંચવા માટે અહીં ક્લિક કરો
