સમુદ્રમાં પણ ધ્રૂજશે ભારતના દુશ્મનો, ભારત આજે રાફેટ જેટના દરિયાઈ વર્ઝનનું પરીક્ષણ કરશે

Fighter Aircraft Rafale :આ વર્ષે ભારતીય નૌકાદળને બીજું એરક્રાફ્ટ કેરિયર INS વિક્રાંત મળશે. ભારતના પોતાના બનાવેલા વિક્રાંત ઓગસ્ટમાં નેવીમાં જોડાશે. તેના પર કયું ફાઈટર એરક્રાફ્ટ તૈનાત કરવામાં આવશે, તે હજુ નક્કી થયું નથી. આ માટે ફ્રાન્સની ડેસોલ્ટ એવિએશન કંપની દ્વારા બનાવવામાં આવેલ રાફેલ M અને અમેરિકન કંપની બોઇંગની F/A-18 વચ્ચે સ્પર્ધા છે.

રાફેલ એમ F18 હોર્નેટ કરતાં વધુ સારું

એક વેબસાઈટના જણાવ્યા અનુસાર રાફેલ એમ અનેક કારણોસર અમેરિકાના F18 હોર્નેટ ફાઈટર એરક્રાફ્ટ કરતાં એરક્રાફ્ટ કેરિયર્સ પર ઉપયોગ માટે વધુ યોગ્ય છે.  તેના કદના આધારે, વિક્રમાદિત્યના ડેકમાં F18s ના 10 અથવા 11 એરક્રાફ્ટ ફિટ થઈ શકે છે, જ્યારે વધુ (14) Rafale M એરક્રાફ્ટ રાખી શકાય છે.

રાફેલ એમ ઘણી રીતે સક્ષમ

તેમણે એમ પણ કહ્યું કે, F18sથી વિપરીત, જેમાં કેરિયર્સને નવી ઓપ્ટિકલ લેન્ડિંગ સિસ્ટમ સાથે ફીટ કરવાની જરૂર છે, Rafale M વર્તમાન પરિસ્થિતિમાં વિક્રમાદિત્યની સાથે કામ કરી શકે છે.એક જાણકાર વ્યક્તિએ કહ્યું કે નેવી અને એરફોર્સને પણ એક કોમન પ્લેટફોર્મનો ફાયદો છે. લોજિસ્ટિક્સ અને જાળવણીમાં સિનર્જી ઉપરાંત, ભારતીય નૌકાદળના પાઇલટ્સને “ઝડપી ઇન્ડક્શન” માટે IAF ના રાફેલ પર પણ તાલીમ આપી શકાય છે. માર્ચમાં, નેવી એ જ સુવિધા પર F18sનું પરીક્ષણ કરશે.

ભારત તાત્કાલિક તૈનાત માટે ચાર કે પાંચ એરક્રાફ્ટ લીઝ પર માંગી શકે

વિક્રાંત 15 ઓગસ્ટ સુધીમાં કાર્યરત થવાની સંભાવના છે, અને જો રાફેલ એમ પસંદ કરવામાં આવે છે, તો ભારત તાત્કાલિક તૈનાત માટે ચાર કે પાંચ એરક્રાફ્ટ લીઝ પર માંગી શકે છે. વિક્રમાદિત્ય હાલમાં જૂના મિગ-29ના બે સ્ક્વોડ્રનથી સજ્જ છે.પરીક્ષણ માટે મોકલવામાં આવેલ રાફેલ M એ ભારતના વિશિષ્ટ ઉન્નતીકરણો સાથે ફાઇટરનું નવીનતમ સંસ્કરણ છે. તે પરમાણુ ક્ષમતા માટે સક્ષમ છે, મીટીઅર એર-ટુ-એર મિસાઈલ, SCALP એર-ટુ-સર્ફેસ મિસાઈલ અને હેમર પ્રિસિઝન ગાઈડેડ એમ્યુનિશન લઈ શકે છે.

આ પણ વાંચો : Big Decision: ચૂંટણી પંચે સંસદીય અને વિધાનસભા ચૂંટણીમાં ઉમેદવારોની ખર્ચ મર્યાદામાં વધારો કર્યો