ભારત ક્રૂડ ઓઈલની જરૂરિયાતના લગભગ 85 ટકા કરે છે આયાત, જેમાંથી મોટા ભાગની આ દેશોમાંથી થાય છે સપ્લાય

ભારતના કાયદેસરના ઉર્જા વ્યવહારોનું (Energy Transactions) રાજનીતિકરણ થવું જોઈએ નહીં અને જે દેશો તેલની બાબતમાં આત્મનિર્ભર છે અથવા જેઓ પોતે રશિયા પાસેથી તેલ આયાત કરે છે તે પ્રતિબંધિત વેપારની હિમાયત કરી શકતા નથી. સરકારી સૂત્રોએ શુક્રવારે આ માહિતી આપી હતી. ભારતની તેના સ્ટેન્ડ માટે ટીકા થઈ રહી છે કે, તેણે રાહત દરે રશિયા પાસેથી ક્રૂડ ઓઈલ (Crude Oil) ખરીદવા માટે ખુલ્લા રસ્તા રાખ્યા છે. આ પછી આ ટિપ્પણી સામે આવી છે.

સૂત્રોએ જણાવ્યું કે, યુક્રેનના સંઘર્ષને કારણે ક્રૂડ ઓઈલના ભાવમાં થયેલા વધારાથી ભારત સામે પડકારો વધી ગયા છે. તેનાથી સ્વાભાવિક રીતે જ સ્પર્ધાત્મક દરે તેલ મેળવવાનું દબાણ વધ્યું છે. તેમણે કહ્યું કે, રશિયા ભારતને બહુ ઓછી માત્રામાં ક્રૂડ ઓઈલની નિકાસ કરે છે, જે દેશની જરૂરિયાતના એક ટકાથી પણ ઓછું છે. સૂત્રોએ જણાવ્યું કે, આયાત માટે સરકારો વચ્ચે કોઈ કરાર નથી.

સૂત્રોએ જણાવ્યું કે, ભારત તેની ઉર્જા જરૂરિયાતોને પહોંચી વળવા માટે આયાત પર ખૂબ નિર્ભર છે. ક્રૂડ ઓઈલની જરૂરિયાતના લગભગ 85 ટકા (5 મિલિયન બેરલ પ્રતિ દિવસ) આયાત કરવી પડે છે. મોટાભાગની આયાત પશ્ચિમ એશિયામાંથી આવે છે (ઇરાક 23 ટકા, સાઉદી અરેબિયા 18 ટકા, સંયુક્ત આરબ અમીરાત 11 ટકા). સૂત્રોએ કહ્યું કે, અમેરિકા પણ ભારત માટે (7.3 ટકા) ક્રૂડ ઓઈલનો મહત્વનો સ્ત્રોત બની ગયો છે.

યુએસથી આયાત વધવાની ધારણા

સૂત્રો અનુસાર ચાલુ વર્ષમાં અમેરિકાથી આયાતમાં નોંધપાત્ર વધારો થવાની ધારણા છે. એવી ધારણા છે કે, આયાત લગભગ 11 ટકા વધી શકે છે. તે જ સમયે, તેનો બજાર હિસ્સો 8 ટકા હશે. “ભૌગોલિક-રાજકીય વિકાસએ આપણી ઊર્જા સુરક્ષા માટે નોંધપાત્ર પડકારો ઉભા કર્યા છે.” કેટલાક કારણોસર અમારે ઈરાન અને વેનેઝુએલામાંથી સોર્સિંગ બંધ કરવું પડ્યું છે. વૈકલ્પિક સ્ત્રોતો ઘણી વખત ઊંચી કિંમતે આવે છે.

વધુમાં જણાવ્યું હતું કે, ભારત સ્પર્ધાત્મક ઉર્જા સ્ત્રોતો પર ધ્યાન આપવાનું ચાલુ રાખશે. અમે તમામ નિર્માતાઓ તરફથી આવી ઓફરોનું સ્વાગત કરીએ છીએ. ભારતીય વેપારીઓ પણ શ્રેષ્ઠ વિકલ્પ શોધવા વૈશ્વિક ઉર્જા બજારોમાં કામ કરે છે. યુક્રેન પર લશ્કરી કાર્યવાહી બાદ પશ્ચિમી પ્રતિબંધોને કારણે રશિયાએ ભારતને ડિસ્કાઉન્ટ દરે ક્રૂડ ઓઈલ વેચવાની ઓફર કરી છે. વિદેશ મંત્રાલયના પ્રવક્તા અરિંદમ બાગચીએ ગુરુવારે રશિયા પાસેથી રાહત દરે તેલ ખરીદવાની સંભાવનાને નકારી કાઢી ન હતી અને કહ્યું હતું કે, તેલનો મોટો આયાતકાર હોવાના કારણે તે હંમેશા તમામ શક્યતાઓ પર વિચાર કરે છે.

ભારતને માત્ર રશિયા જ તેલ સપ્લાય નથી કરતું

મીડિયા સાથેની વાતચીતમાં તેમણે કહ્યું કે, ‘ભારત તેની જરૂરિયાતના મોટાભાગના તેલની આયાત કરે છે. તેની જરૂરિયાતો આયાત દ્વારા પૂરી થાય છે. તેથી જ અમે વૈશ્વિક બજારમાં તમામ શક્યતાઓને જોવાનું ચાલુ રાખીએ છીએ. કારણ કે આ સ્થિતિમાં આપણે આપણી તેલની જરૂરિયાતો માટે આયાતનો સામનો કરી રહ્યા છીએ. બાગચીએ કહ્યું કે, રશિયા ભારતને તેલનો મોટો સપ્લાયર રહ્યો નથી. તેમણે કહ્યું, ‘હું રેખાંકિત કરવા માંગુ છું કે, ઘણા દેશો તે કરી રહ્યા છે. ખાસ કરીને યુરોપમાં અને આ ક્ષણે હું તેના પર છોડી દઉં છું.’ જ્યારે બાગચીને પૂછવામાં આવ્યું કે, રૂપિયા-રુબલ કરારના આધારે ખરીદી કરી શકાય છે, ત્યારે તેમણે કહ્યું કે તે ઓફરની વિગતોથી વાકેફ નથી.

આ પણ વાંચો: GATE 2022 Answer Key 2022: IIT ખડગપુરે GATE પરીક્ષાની ફાઈનલ આન્સર કી થઈ જાહેર, આ રીતે કરો ચેક

આ પણ વાંચો: Pakistan: PM ઈમરાન ખાનની ખુરશીના પાયા હલ્યા, પાર્ટીના 15 સહયોગી છોડી શકે છે ઈમરાનનો સાથ