Breaking News: બંગાળમાં મોટો ઉલટફેર: શું મમતા બેનર્જીનો યુગ સમાપ્ત થયો? ભવાનીપુરમાં શુભેન્દુ અધિકારીએ મુખ્યમંત્રીને હરાવીને રચ્યો ઈતિહાસ
પશ્ચિમ બંગાળના ચૂંટણી પરિણામોમાં ભારતીય જનતા પાર્ટીએ અભૂતપૂર્વ પ્રદર્શન કરીને 200નો આંકડો પાર કરી લીધો છે. સૌથી મોટો ધડાકો ભવાનીપુર બેઠક પર થયો છે, જ્યાં શુભેન્દુ અધિકારીએ મુખ્યમંત્રી મમતા બેનર્જીને 15 હજારથી વધુ મતોથી હરાવીને ભાજપનો વિજયધ્વજ લહેરાવ્યો છે.
પશ્ચિમ બંગાળ વિધાનસભા ચૂંટણીના પરિણામોમાં ભાજપે મમતા બેનર્જીના મજબૂત ગઢ ગણાતી ભવાનીપુર બેઠક પર કબજો કરી લીધો છે. શરૂઆતના રાઉન્ડમાં કાંટાની ટક્કર રહ્યા બાદ શુભેન્દુ અધિકારીએ જે સરસાઈ મેળવી તે અંત સુધી જાળવી રાખી હતી. બંગાળમાં પ્રથમવાર ભાજપ સરકાર બનાવવા તરફ આગળ વધી રહ્યું છે.
રાઉન્ડ મુજબ મતોની રસાકસી
મતગણતરી દરમિયાન વારંવાર ચિત્ર બદલાતું જોવા મળ્યું હતું:
- 16મો રાઉન્ડ: શુભેન્દુ અધિકારીએ મમતા બેનર્જી પર ૫૬૩ મતોની સામાન્ય સરસાઈ મેળવી હતી.
- 17મો રાઉન્ડ: આ સરસાઈ વધીને 6,235 મતો સુધી પહોંચી ગઈ હતી.
- 18મો રાઉન્ડ: શુભેન્દુ અધિકારી 11,003 મતોથી આગળ નીકળી ગયા હતા.
- 19મો રાઉન્ડ: સરસાઈનો આંકડો 15,000 સુધી પહોંચી ગયો હતો.
ફાઈનલ પરિણામ અને હારનું અંતર
20 રાઉન્ડની મતગણતરીના અંતે સત્તાવાર આંકડાઓ સામે આવ્યા છે:
- શુભેન્દુ અધિકારી: 73,463 મતો મેળવી વિજેતા જાહેર થયા.
- મમતા બેનર્જી: તેમને 58,349 મતો મળ્યા.
- આમ, શુભેન્દુ અધિકારીએ મમતા બેનર્જીને 15,114 મતોથી કારમી હાર આપી છે.
બંગાળમાં ભાજપનું શાસન
પશ્ચિમ બંગાળના ઈતિહાસમાં આ એક મોટો રાજકીય બદલાવ છે. રાજ્યમાં ભાજપ પ્રથમવાર પોતાની સરકાર બનાવવા જઈ રહ્યું છે. ગત ચૂંટણીમાં ભાજપ પાસે 77 બેઠકો હતી, જે હવે 200ને પાર કરી ગઈ છે. ટીએમસી અને ભાજપ વચ્ચેની લડાઈમાં અંતે ભાજપનો ગ્રાફ સતત ઉપર રહ્યો છે.
એક નવા યુગની શરૂઆત
ભવાનીપુર જેવી બેઠક પર મમતા બેનર્જીની હાર એ માત્ર એક બેઠકની હાર નથી, પરંતુ બંગાળના રાજકારણમાં એક મોટા સંકેત સમાન છે. શુભેન્દુ અધિકારી આ જીત સાથે રાજ્યના સૌથી કદાવર નેતા તરીકે ઉભરી આવ્યા છે.
