જમશેદપુરમાં ટાટા સ્ટીલ પ્લાન્ટમાં મોટો બ્લાસ્ટ, લાગી ભીષણ આગ
આ અકસ્માતનો જે વીડિયો સામે આવ્યો છે, તેમાં દૂર દૂરથી ધુમાડાના ગોટેગોટા જોઈ શકાય છે. ધુમાડા પરથી અંદાજ લગાવી શકાય છે કે આગ કેટલી ભીષણ લાગી છે. હાલમાં ફાયર વિભાગ, આરોગ્ય વિભાગ અને જિલ્લા વહીવટી તંત્રના ઉચ્ચ અધિકારીઓના વાહનો મોટી સંખ્યામાં ઘટનાસ્થળે હાજર છે.
ઝારખંડમાં (Jharkhand) ટાટા સ્ટીલના (Tata Steel Plant) જમશેદપુર (Jamshedpur) પ્લાન્ટના કોક વિભાગમાં જોરદાર વિસ્ફોટ થયો છે. બ્લાસ્ટ બાદ પ્લાન્ટની અંદર પણ મોટી આગ ફાટી નીકળી હતી. અકસ્માતમાં અનેક લોકો ઘાયલ થયા હોવાના અહેવાલ છે. જો કે હજુ સુધી કોઈના મોત અંગે કોઈ માહિતી નથી. કહેવામાં આવી રહ્યું છે કે કથિત રીતે બેટરી વિસ્ફોટના કારણે પ્લાન્ટમાં આગ લાગી હતી. પાંચ ફાયર ફાઈટર ઘટનાસ્થળે આગ પર કાબુ મેળવવાનો પ્રયાસ કરી રહ્યા છે.
Fire breaks out at #TataSteel plant in #Jamshedpur #Tv9News pic.twitter.com/izoS9EigTB
— Tv9 Gujarati (@tv9gujarati) May 7, 2022
ઘાયલોને તાત્કાલિક સારવાર માટે મોકલવામાં આવ્યા: મુખ્યમંત્રી હેમંત સોરેન
પ્લાન્ટમાં આગની માહિતી મળ્યા બાદ મુખ્યમંત્રી હેમંત સોરેને પ્રશાસનને જરૂરી સૂચનાઓ આપી છે. સીએમ હેમંત સોરેને ટ્વીટ કરીને કહ્યું છે કે, જમશેદપુરના ટાટા સ્ટીલ પ્લાન્ટમાં બ્લાસ્ટની જાણ થઈ છે. જિલ્લા વહીવટીતંત્ર, ટાટા સ્ટીલ મેનેજમેન્ટ સાથે સંકલનમાં, ઘાયલોની ઝડપી સારવાર માટે પગલાં લઈ રહ્યું છે.
जमशेदपुर में टाटा स्टील प्लांट में ब्लास्ट होने की खबर मिली है। जिला प्रशासन, टाटा स्टील प्रबंधन के साथ सामंजस्य बनाकर घायलों के त्वरित इलाज हेतु कार्यवाई कर रही है।@DCEastSinghbhum
— Hemant Soren (@HemantSorenJMM) May 7, 2022
આકાશમાં ધુમાડાના ગોટેગોટા
આ અકસ્માતનો જે વીડિયો સામે આવ્યો છે, તેમાં દૂર દૂરથી ધુમાડાના ગોટેગોટા જોઈ શકાય છે. ધુમાડા પરથી અંદાજ લગાવી શકાય છે કે આગ કેટલી ભીષણ લાગી છે. હાલમાં ફાયર વિભાગ, આરોગ્ય વિભાગ અને જિલ્લા વહીવટી તંત્રના ઉચ્ચ અધિકારીઓના વાહનો મોટી સંખ્યામાં ઘટનાસ્થળે હાજર છે. પ્લાન્ટની અંદર ફસાયેલા લોકોને બચાવવા માટે રેસ્ક્યુ ટીમ કામ કરી રહી છે.
#WATCH Jharkhand | A fire broke out in a Coke plant of Tata Steel Factory in Jamshedpur due to an alleged blast in a battery. Five fire tenders at the spot, 2 labourers reportedly injured. pic.twitter.com/Y7cBhVSe1A
— ANI (@ANI) May 7, 2022
મીડિયા રિપોર્ટ્સ અનુસાર બ્લાસ્ટ બાદ સમગ્ર વિસ્તારમાં ગભરાટનો માહોલ છે, કારણ કે પ્લાન્ટમાંથી ગેસ લીકેજની પણ વાત છે. અંદર રહેલા કર્મચારીઓને બહાર કાઢીને સીધા હોસ્પિટલમાં મોકલવામાં આવી રહ્યા છે. આગ બપોરે 12 વાગ્યાની આસપાસ શરૂ થઈ હતી. અકસ્માત બાદની તાજેતરની સ્થિતિ અંગે હાલમાં વહીવટીતંત્ર દ્વારા કોઈ માહિતી આપવામાં આવી નથી.