વિદેશ મંત્રી એસ જયશંકર ઓસ્ટ્રેલિયા-ફિલિપાઈન્સના છ દિવસીય પ્રવાસની શરૂઆત કરશે, QUAD દેશોની ચોથી બેઠકમાં લેશે ભાગ
વિદેશ મંત્રી એસ જયશંકર ગુરુવારથી ઓસ્ટ્રેલિયા અને ફિલિપાઈન્સના છ દિવસીય પ્રવાસની શરૂઆત કરશે. 10 થી 13 ફેબ્રુઆરી દરમિયાન વિદેશ મંત્રી તરીકે જયશંકરની ઓસ્ટ્રેલિયાની મુલાકાત આ દેશની તેમની પ્રથમ મુલાકાત હશે.
વિદેશ મંત્રી એસ જયશંકર (Foreing Minister S Jaishankar) ગુરુવારથી ઓસ્ટ્રેલિયા અને ફિલિપાઈન્સના છ દિવસીય પ્રવાસની શરૂઆત કરશે. 10 થી 13 ફેબ્રુઆરી દરમિયાન વિદેશ મંત્રી તરીકે જયશંકરની ઓસ્ટ્રેલિયાની મુલાકાત આ દેશની તેમની પ્રથમ મુલાકાત હશે. તે જ સમયે, બ્રહ્મોસ ક્રૂઝ મિસાઇલની (Brahmos Cruise Missile) ત્રણ બેટરી ખરીદવા માટે દક્ષિણપૂર્વ એશિયાના દેશે ભારત સાથે યુએસડી 375 મિલિયનના કરાર પર હસ્તાક્ષર કર્યાના બે અઠવાડિયા પછી વિદેશ મંત્રીની 13થી 15 ફેબ્રુઆરી દરમિયાન ફિલિપાઇન્સની મુલાકાત થવા જઈ રહી છે. જયશંકરની બે દેશોની મુલાકાતની જાહેરાત કરતા, વિદેશ મંત્રાલયે કહ્યું કે, તેઓ ઓસ્ટ્રેલિયા, જાપાન અને યુએસના તેમના સમકક્ષો સાથે મેલબોર્નમાં 11 ફેબ્રુઆરીએ ચોથી QUAD બેઠકમાં (QUAD Meeting) ભાગ લેશે.
વિદેશ મંત્રાલયે જણાવ્યું હતું કે, ગયા વર્ષે ફેબ્રુઆરીમાં યોજાયેલી મંત્રીઓની ડિજિટલ બેઠક પછી પ્રાદેશિક વ્યૂહાત્મક મુદ્દાઓ અને મુક્ત, ખુલ્લા અને સમાવિષ્ટ ઇન્ડો-પેસિફિક ક્ષેત્રના તેમના સહિયારા વિઝન પર મંતવ્યોનું આદાનપ્રદાન કરવાની તક હશે. વિદેશ મંત્રાલયે એક નિવેદનમાં જણાવ્યું હતું કે, “ક્વાડ સભ્ય દેશોના વિદેશ પ્રધાનો ક્વાડ સહકારની સમીક્ષા કરશે અને 2021 માં યોજાનારી બે સમિટમાં સભ્ય દેશોના નેતાઓ દ્વારા જાહેર કરાયેલ સકારાત્મક અને રચનાત્મક એજન્ડા પર નિર્માણ કરશે.”
સમકાલીન પડકારો પર ચર્ચા કરવામાં આવશે
મંત્રાલયે જણાવ્યું હતું કે, “આનાથી કોવિડ-19 રોગચાળો, સપ્લાય ચેઇન, જટિલ તકનીકો, આબોહવા પરિવર્તન, ઇન્ફ્રાસ્ટ્રક્ચર જેવા સમકાલીન પડકારોનો સામનો કરવામાં મદદ મળશે.” ક્વાડ મીટિંગમાં ભાગ લેવા ઉપરાંત, જયશંકર ફેબ્રુઆરીના રોજ તેમના ઓસ્ટ્રેલિયન સમકક્ષ મેરિસ પેને સાથે મુલાકાત કરશે. તેઓ 12મા ભારત-ઓસ્ટ્રેલિયા ફોરેન મિનિસ્ટર્સ ફ્રેમવર્ક ડાયલોગની સહ-અધ્યક્ષતા પણ કરશે. મીટિંગમાં, મંત્રીઓ ભારત-ઓસ્ટ્રેલિયા વ્યાપક વ્યૂહાત્મક ભાગીદારીની પ્રગતિની સમીક્ષા કરશે અને પરસ્પર હિતના દ્વિપક્ષીય, બહુપક્ષીય અને પ્રાદેશિક મુદ્દાઓ પર ચર્ચા કરશે, એમ વિદેશ મંત્રાલયે જણાવ્યું હતું.
સાયબર ફ્રેમવર્ક સંવાદની બેઠક મળશે
તે જ દિવસે, જયશંકર સાથે વિદેશ મંત્રીઓની સાયબર ફ્રેમવર્ક ડાયલોગની ઉદ્ઘાટન બેઠકની સહ-અધ્યક્ષતા પણ કરશે. વિદેશ મંત્રાલયે કહ્યું કે, મંત્રીઓ સાયબર અને સાયબર-સક્ષમ ક્રિટિકલ ટેક્નોલોજી કોઓપરેશન અને જૂન 2020માં હસ્તાક્ષર કરાયેલ સબસિડિયરી એક્શન પ્લાન પર ભારત-ઓસ્ટ્રેલિયા ફ્રેમવર્ક એરેન્જમેન્ટના અમલીકરણ તરફ થયેલી પ્રગતિનું મૂલ્યાંકન કરશે. જયશંકર ઓસ્ટ્રેલિયન નેતાઓ, શિક્ષણવિદો અને બિઝનેસ લીડર્સ તેમજ ભારતીય ડાયસ્પોરા અને વિદ્યાર્થીઓને મળવાના છે. ઓસ્ટ્રેલિયા પ્રવાસ બાદ જયશંકર ત્રણ દિવસની ફિલિપાઈન્સની મુલાકાતે જશે. વિદેશ મંત્રાલયે જણાવ્યું હતું કે, “વિદેશ મંત્રી ફિલિપાઈન્સના વિદેશ મંત્રી, તેમના સમકક્ષ ટીઓડોરો અલ લોક્સિન જુનિયર સાથે વાતચીત કરશે.”
અહીં મંત્રી દ્વિપક્ષીય સહકાર પરના સંયુક્ત આયોગની બેઠક બાદથી દ્વિપક્ષીય સંબંધોમાં થયેલા વિકાસની સમીક્ષા કરશે. નવેમ્બર 2020 માં ડિજિટલ ફોર્મેટમાં આયોજિત આ બેઠક બંને નેતાઓની સહ-અધ્યક્ષતા હતી. વિદેશ મંત્રાલયે કહ્યું કે, પરસ્પર હિતના ક્ષેત્રીય અને આંતરરાષ્ટ્રીય મુદ્દાઓ પર પણ ચર્ચા કરવામાં આવશે. મંત્રાલયે જણાવ્યું હતું કે, આ મુલાકાતથી ઇન્ડો-પેસિફિક, ઓસ્ટ્રેલિયા અને ફિલિપાઇન્સમાં અમારા મુખ્ય ભાગીદારો સાથેના દ્વિપક્ષીય સંબંધોને વધુ વેગ મળવાની અપેક્ષા છે. ફિલિપાઈન્સ દક્ષિણપૂર્વ એશિયાઈ રાષ્ટ્રોના સંગઠન ASEANનું મુખ્ય સભ્ય પણ છે.
