ચીની એપ TikTok પર પ્રતિબંધ, આ ભારતીય એપને થયો મોટો ફાયદો, 72 કલાકમાં 5 લાખ ડાઉનલોડ!

ભારત અને ચીનની વચ્ચે વિવાદ ચાલી રહ્યો છે અને ત્યારે જ ભારત સરકારે એક મોટો નિર્ણય લીધો છે. ભારત સરકારે ચીની કંપનીઓના 59 એપ્સ પર દેશમાં પ્રતિબંધ લગાવી દીધો છે. આથી હવે લોકો આ એપ્સનો વિકલ્પ શોધી રહ્યાં છે. આ સમયે ભારતીય કંપનીઓને ફાયદો થઈ રહ્યો છે. ટિકટોક ચાઈનીઝ એપ છે અને ભારતમાં તેની પર પ્રતિબંધ છે. આથી તેના વિકલ્પ તરીકે લોકો ચિંગારી(Chingari) એપ્લિકેશનને પસંદ કરી રહ્યાં છે.

આ પણ વાંચો :  Tik Tokથી વધુ ફિચર્સ ધરાવતા ભારતીય એપ Chingariને લોકો કરી રહ્યાં છે પસંદ, જાણો આ એપ વિશે

ચિંગારી એપના 72 કલાકમાં 5 લાખ વખત ડાઉનલોડ કરવામાં આવ્યું

ટિકટોક એપ પર પ્રતિબંધનો આદેશ સરકારે આપ્યો હોવાથી સ્વદેશી એપ ચિંગારીનું ભવિષ્ય બદલાય ગયું છે. છેલ્લાં 72 કલાકમાં આ એપને 5 લાખ વખત ડાઉનલોડ કરવામાં આવ્યું છે. આ સિવાય આનંદ મહિન્દ્રા અને કેન્દ્ર સરકારના પ્રિંસિપલ ઈકોનોમિક એડવાઈઝર સંજીવ સાન્યાલે પણ સોશિયલ મીડિયામાં આ એપ્લિકેશનના વખાણ કર્યા છે. આ એપનો ભારતમાં વ્યાપક રીતે ઉપયોગ કરી શકાય તે માટે તેને અલગ અલગ 8 ભારતીય ભાષામાં લોંચ કરવામાં આવ્યું છે. જેમાં હિંદી, અંગ્રેજી, ગુજરાતી, મરાઠી, પંજાબી, કન્નડ, મલયાલમ, તમિલ અને તેલુગુનો સમાવેશ થાય છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

ઉલ્લેખનીય છે કે ભારત સરકારે સુરક્ષાનું કારણ આપીને 59 ચાઈનીઝ એપ્લિકેશન પર પ્રતિબંધ લગાવી દીધો છે. આ સમયે ચિંગારી એપના ડાઉનલોડના વધારો થયો છે. આ એપ્લિકેશનને 25 લાખથી વધારે લોકોએ ડાઉનલોડ કર્યું છે. આ એપ્લિકેશન બેંગલુરુનું એક સ્ટાર્ટઅપ છે. ચિંગારી એપ્લિકેશન વર્ષ 2018થી પ્લેસ્ટોર પર છે અને 90 ટકા યૂઝર્સ ભારતીય જ છે.  આ એપમાંથી વીડિયોને સીધા જ વોટસએપ સ્ટેટસ તરીકે પણ શૅર કરી શકાય છે. આ સિવાય જે પણ ટ્રેન્ડિંગ ન્યૂઝ, મનોરંજન, ફની વીડિયો, ગીત, સ્ટેટસ વીડિયો, શાયરી અને મીમ્સ પણ મજા લોકો માણી શકે છે.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]