કેન્દ્રીય આરોગ્ય મંત્રી ડો, હર્ષવર્ધને બુધવારે લોકોને Co-Win નામની મોબાઇલ એપ ડાઉનલોડ કરવા અંગેની અંગેની જરૂરી માહિતી આપી હતી. તેમણે કહ્યું કે પ્લે સ્ટોરમાં હાલ ઉપલબ્ધ કોવિડ-19 ની રસીકરણ માટે જરૂરી સરકારી Co-Win એપ સરકારી એપને ભળતી છે.
આ અંગે ડો. હર્ષવર્ધને ટવીટ કરીને કહ્યું કે સરકારની સત્તાવાર એપ જેવી ભળતી આ એપ કેટલાક તોફાની તત્વો બનાવી રહ્યા છે. જે હાલ એપ સ્ટોર્સ પર છે. આ એપને ડાઉનલોડ ના કરો અને તેના પર કોઇ વ્યક્તિગત જાણકારી શેર ના કરો. કેન્દ્રીય આરોગ્ય અને પરિવાર મંત્રાલય સત્તાવાર રીતે એપ આવ્યા બાદ તેને એપ સ્ટોર પર મૂકશે.
કો-વિન( કોવિડ વેકસિન ઇન્ટેલીજન્સ નેટવર્ક) એપ એક એવું ડિજિટલ મંચ છે. જેમાં કેન્દ્ર દ્વારા કોવિડ -19ના રસીકરણની અને પૂરવઠા અને વિતરણનું વાસ્તવીક સમય પર ધ્યાન રાખશે. આ એપને મૂકવાની તૈયારી હાલ અંતિમ તબક્કામાં છે. તેને ગૂગલ પ્લે સ્ટોર કે અન્ય એપ સ્ટોર પર હાલ મૂકવામા આવી નથી.
આરોગ્ય મંત્રાલયે કહ્યું જે આ વચ્ચે રાજ્યો અને કેન્દ્રશાસિત પ્રદેશો અને આરોગ્ય સેવાના કર્મચારીઑ અને અગ્રીમ હરોળના લોકોના આંકડા એકત્ર કરવામા આવ્યા છે. આ લોકોને પ્રથમ પ્રાથમિકતા અંતર્ગત કોવિડ-19 રસીકરણ કરવામાં આવશે. આ આંકડાને કોવિન સોફ્ટવેરમાં અપલોડ કરવામા આવી રહ્યા છે, મંત્રાલયે આ પૂર્વે પત્રકાર પરિષદમા કહ્યું હતું કે કોવિન ડિજિટલ પ્લેટફોર્મ પરથી મફતમા ડાઉનલોડ કરી શકાશે, જે રસીકરણ સાથે જોડાયેલા આંકડા નોંધવામા મદદ કરશે, તેમજ જો કોઇ વ્યકિત કોરોનાની રસી મુકાવવા માંગે છે તો તેને આ એપ પર નોંધણી કરાવવી પડશે