સનાતનની વાત કરવા પર ધમકી મળે છે…હિન્દુ રાષ્ટ્ર પર પણ બોલ્યા ધીરેન્દ્ર શાસ્ત્રી, જુઓ Exclusive Interview

બાગેશ્વર ધામના પીઠાધીશ્વર ધીરેન્દ્ર કૃષ્ણ શાસ્ત્રી આજકાલ ખૂબ જ ચર્ચામાં છે. સોમવારે તેમણે કહ્યું હતું કે, જો તમે બધા તેમને સાથ આપો તો તેઓ ભારતને હિન્દુ રાષ્ટ્ર બનાવી દેશે. ત્યારથી ચમત્કારિક શક્તિઓ સાથે, તેઓ હિન્દુ રાષ્ટ્રના નિવેદન માટે હેડલાઇન્સમાં છે. TV9 Bharatvarsh એ બાગેશ્વર ધામના પીઠાધીશ્વર ધીરેન્દ્ર કૃષ્ણ શાસ્ત્રી સાથે Exclusive વાતચીત કરી. ધીરેન્દ્ર કૃષ્ણ શાસ્ત્રી સાથેની વાતચીતના અંશો.

આ પણ વાંચો: દિલ્હી-NCRમાં ફરી એકવાર ધરા ધ્રૂજી, જાણો કેમ આવી રહ્યા છે ભૂકંપના આંચકા અને નેપાળ સાથે શું છે કનેક્શન?

પ્રશ્ન – હિન્દુ રાષ્ટ્ર આખરે કેવી રીતે હોઈ શકે?

જવાબ – અમે કહ્યું કે આપણે બધા સાથે હોય. ભારત આપણું હિન્દુ રાષ્ટ્ર હોય. અમે ભગવાનને પ્રાર્થના કરી છે. સનાતનીઓને પ્રાર્થના કરી છે. જ્યારે 50થી વધુ ઇસ્લામિક દેશો હોઈ શકે છે, ત્યારે શું એક હિન્દુ રાષ્ટ્ર ન હોઈ શકે? અમે ધર્મનિરપેક્ષ છીએ અને બંધારણ સાથે છીએ. અમને બંધારણથી કોઈ વાંધો નથી. આપણા વડવાઓએ બંધારણનો સ્વીકાર કર્યો છે. અમે એવો નિર્ણય નથી લઈ રહ્યા કે અમે તેને હિંદુ રાષ્ટ્ર બનાવીશું. અમે એવું નથી કહી રહ્યા કે અમે હિન્દુ રાષ્ટ્ર બનાવીશું. આપણે સાથે મળીને હિંદુ રાષ્ટ્ર આપીશું.

પ્રશ્ન- શું મુસ્લિમો અને ખ્રિસ્તીઓ પણ તેમાં રહેશે?

જવાબ– તે ક્યાં જશે? જો તેઓ ભારતમાં રહેવા માંગતા હોય તો તેઓ સાથે રહેશે. તેમના પૂર્વજ તો સનાતની જ છે.

પ્રશ્ન – તમને જાનથી મારી નાખવાની ધમકીઓ પણ મળી છે!

જવાબ – ધમકી છે. જ્યારે પણ સનાતનની વાત થાય છે, તો આવુ ચાલતુ રહે છે. સાધુ સંત કે તુમ રખવાલે, તુમ રક્ષક કાહુ કો ડરના. અમને અમારા ઈષ્ટ પર વિશ્વાસ હતો. જ્યાં સુધી જીવન છે ત્યાં સુધી એવું જ રહેશે. અમને કાયદાની સાથે સાથે મધ્યપ્રદેશ સરકારમાં પણ વિશ્વાસ છે.

પ્રશ્ન – ઘણા જાદુગરો સામે આવ્યા છે? માઈન્ડ રીડ કરી રહ્યા છે.

જવાબ – કાચ અને મણી વચ્ચે ધરતી અને આસમાનનો તફાવત છે. કાચ મણી કરતાં વધુ ચમકી શકે છે. પણ મણી જેવા ચમત્કારો કરી શકતું નથી. માઈન્ડ રીડરની એક મર્યાદા હોય છે. તેમને ક્લૂની જરૂર પડે છે..એક વ્યક્તિની જરૂર પડે છે. પરંતુ તેઓ ચમત્કાર કરી શકતા નથી. તે મંત્ર વિદ્યાથી તેઓ બીજા કોઈના ઊંડાણમાં જઈ શકતા નથી.

મંત્ર વિદ્યાથી જે લીલા ચમત્કારો બાગેશ્વર ધામ બતાવી રહ્યું છે. તે અનેક સંતો કરી રહ્યા છે. ઘણી વખત અમે સમય પહેલા પર્ચી તૈયાર કરીને રાખીએ છીએ. અમે પત્રકારને જ કહીએ છીએ કે તે ઉપાડીને લાવો. તેમની જ પર્ચી નીકળશે. આ શક્ય નથી. આ બાલાજીની કૃપાથી જ થઈ રહ્યું છે.

પ્રશ્ન – શંકરાચાર્યજીએ કહ્યું જોશી મઠની તિરાડો ભરી દો, આ અંગે તમારું શું કહેવું છે?

જવાબ– આપણા સનાતનના શંકરાચાર્યજી વડાપ્રધાન છે. તેઓ પૂજનીય છે. અમે સંતો વિશે ટિપ્પણી કરી શકતા નથી.