દેશમાં 3 કોરોના ટેસ્ટ લેબનું ઉદ્ઘાટન, એક-એક ભારતીયને બચાવવાનો છે: PM મોદી

દેશભરમાં વધતા કોરોના વાઈરસના કેસની વચ્ચે વડાપ્રધાન મોદીએ હાઈટેક ટેસ્ટિંગ લેબ્સ લોન્ચ કરી છે. આ દરમિયાન વડાપ્રધાને કહ્યું કે દેશના કરોડો નાગરિક કોરોના વૈશ્વિક મહામારીથી ખુબ બહાદુરીથી લડી રહ્યા છે. આ ટેસ્ટિંગ ફેસિલિટીથઈ પશ્ચિમ બંગાળ, મહારાષ્ટ્ર અને ઉત્તરપ્રદેશને કોરોનાની વિરૂદ્ધ લડાઈમાં વધુ તાકાત મળશે.

6 મહિના પહેલા દેશમાં એક પણ PPE કિટ મેન્યુફેક્ચરર નહતો. આજે 1200થી વધારે મેન્યુફેક્ચરર દરરોજ 5 લાખથી વધારે PPE કિટ બનાવી રહ્યા છે. એક સમયે ભારત N-95 માસ્ક પણ બહારથી મંગાવતા હતા. આજે ભારતમાં 3 લાખથી વધારે N-95 માસ્ક રોજ બનાવી રહ્યા છે. જાન્યુઆરી મહિનામાં આપણી પાસે કોરોનાના ટેસ્ટ માટે જ્યાં માત્ર એક સેન્ટર હતું, આજે લગભગ 1300 લેબ્સ દેશમાં કામ કરી રહી છે. ભારતમાં દરરોજ 5 લાખથી વધારે ટેસ્ટ થઈ રહ્યા છે. આગામી દિવસોમાં તેને 10 લાખ પ્રતિદિવસ કરવાના પ્રયત્નો થઈ રહ્યા છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો