Farmer Protest: દિલ્હી પોલીસે ખેડૂતોના આંદોલનને રાજધાનીની બહાર રાખવા માટે એક વર્ષમાં 7 કરોડથી વધુનો ખર્ચ કર્યો
ગંભીર બાબત એ છે કે 7 કરોડથી વધુનો ખર્ચ કર્યા પછી પણ સરકારી તંત્ર 26 જાન્યુઆરી 2021ના રોજ દિલ્હીની સડકો અને લાલ કિલ્લાના સંકુલમાં જે લોહિયાળ તાંડવ સર્જાયું હતું તેને બચાવી શક્યું નથી
farmer protest: ખેડૂતોના હિત માટે બનાવેલા ત્રણ કાયદા પાછા ખેંચવાના આગ્રહ પર ખેડૂતોએ દિલ્હી(Delhi) સરહદો પર નિયંત્રણ રાખવા માટે સરકારના કરોડો રૂપિયા ખર્ચવા પડ્યા હતા. આંદોલનકારી (Farmer Protest) ખેડૂતોના પગલાં કોઈપણ ભોગે રાષ્ટ્રીય રાજધાની દિલ્હીની સરહદ (Delhi Border)પાર ન કરે તે સુનિશ્ચિત કરવાના પ્રયાસમાં. એ અલગ વાત છે કે આટલી મોટી રકમ ખર્ચીને પણ દિલ્હીના રસ્તાઓ પર ખેડૂતોની ટ્રેક્ટર રેલી (Tractor rally)માં પહોંચેલા કેટલાક તોફાની-અસામાજિક તત્વોએ પોતાની મનમાની કરી. એટલુ જ નહી રેલીમાં ઘૂસી આવેલા અસામાજિક તત્વોએ ગુંડા ગરદી કરવામાં પણ કોઈ કચાશ છોડી નોહતી.
ગંભીર બાબત એ છે કે 7 કરોડથી વધુનો ખર્ચ કર્યા પછી પણ સરકારી તંત્ર 26 જાન્યુઆરી 2021ના રોજ દિલ્હીની સડકો અને લાલ કિલ્લાના સંકુલમાં જે લોહિયાળ તાંડવ સર્જાયું હતું તેને બચાવી શક્યું નથી. વાસ્તવમાં ખેડૂતોના આંદોલન પર સાત કરોડ રૂપિયા ખર્ચવાની વાત આસાનીથી સામે આવી નથી. આ માટે દેશના ગૃહમાં સવાલ ઉઠ્યા હતા. સાંસદ એમ મોહમ્મદ અબ્દુલ્લાએ રાજ્યસભામાં આ અંગે પ્રશ્ન ઉઠાવ્યો હતો. પૂછવામાં આવ્યું કે વર્ષ 2020 થી અત્યાર સુધીમાં દિલ્હીની સરહદો પર ખેડૂતોના આંદોલન દરમિયાન પ્રદર્શનમાં કેટલા ખેડૂતોના મોત થયા છે?
આ અંગે સરકારને પ્રશ્ન પૂછવામાં આવ્યો હતો
મૃત્યુ પામેલા ખેડૂતો માટે સરકારે કોઈ વળતરની વ્યવસ્થા કરી છે? બીજો પ્રશ્ન એ હતો કે આંદોલન દરમિયાન વિરોધ સ્થળોએ પૂરી પાડવામાં આવેલી સુરક્ષા પાછળ કેટલો ખર્ચ થયો? જ્યારે સાંસદ કુમાર કેતકરે પૂછ્યું, “શું ગૃહ મંત્રાલયે પાણીની અછત, હવામાનની સ્થિતિને કારણે થયેલા મૃત્યુ અને વિરોધ કરી રહેલા ખેડૂતોની આત્મહત્યાના અન્ય પરિબળોની સાથે ડેટા એકત્રિત કર્યો છે? શું સંબંધિત મંત્રાલયે મૃતકના પરિવારોને આવક વળતર અને નોકરીની તકોના રૂપમાં સહાય પૂરી પાડવા માટે કોઈ નીતિ જાહેર કરી છે? આ તમામ પ્રશ્નોના જવાબ સંબંધિત મંત્રાલયના મંત્રીએ ગૃહમાં આપ્યા હતા.
પ્રશ્નોના જવાબમાં, કેન્દ્રીય ગૃહ રાજ્ય પ્રધાન નિત્યાનંદ રાયે જણાવ્યું હતું કે, “પોલીસ દ્વારા વિવિધ વિરોધ સ્થળોએ ખેડૂતોને સુરક્ષા પૂરી પાડવા માટે દિલ્હી પોલીસ દ્વારા કરવામાં આવેલા ખર્ચની વિગતો મંત્રાલયને ઉપલબ્ધ કરાવવામાં આવી છે. જે મુજબ દિલ્હી પોલીસે પ્રદર્શનની શરૂઆતથી લઈને 20 નવેમ્બર 2021 સુધી 7 કરોડ 38 લાખ 42 હજાર 914 રૂપિયાનો ખર્ચ કર્યો છે.
આ સમયગાળા દરમિયાન ખેડૂતોના મૃત્યુના આંકડા પર, મંત્રીએ તેમના જવાબમાં કહ્યું, “બંધારણની સાતમી અનુસૂચિ અનુસાર, પોલીસ અને જાહેર વ્યવસ્થા રાજ્ય સરકારનો વિષય છે. આ અંગેની માહિતી સંબંધિત રાજ્ય સરકારો દ્વારા જાળવવામાં આવે છે. ઉપરાંત, આવી ઘટનાઓ પર વળતરની બાબતો પર, ફક્ત સંબંધિત રાજ્ય સરકારો જ પગલાં લે છે.
