Maharashtra માં કોરોનાની નવી લહેર, વર્ધામાં પણ સ્કૂલ અને કોલેજો બંધ કરાઇ

Maharashtra માં કોરોનાની નવી લહેર બાદ અમરાવતી અને યવતમાલમાં ફરીથી લોકડાઉનની ઘોષણા કરવામાં આવી છે.  જ્યારે આ પ્રતિબંધને અન્ય જિલ્લાઓમાં પણ લાગુ કરવામાં આવી રહ્યા છે. હવે વર્ધાની તમામ શાળા કોલેજોને આગામી આદેશો સુધી બંધ રાખવા જણાવાયું છે. શુક્રવારે વર્ધાના જિલ્લા કલેકટર પ્રેરણા એચ. દેશભારતારે  આ આદેશ જાહેર કર્યો છે. આ દરમ્યાન  મહારાષ્ટ્રના આરોગ્ય વિભાગે કહ્યું છે કે યાવતમાલ, અમરાવતી અને સાતારા જિલ્લામાં કોરોનાના કોઈ નવા કેસ મળ્યા નથી.

Maharashtra  માં 75 દિવસ બાદ ગુરુવારે કોરોના વાયરસના ચેપના 5000 થી વધુ નવા કેસ નોંધાયા છે. રાજ્યના આરોગ્ય વિભાગે જણાવ્યું કે, કોવિડ -19 ચેપ 5,427 લોકોમાં જોવા મળ્યો છે, આ સાથે કુલ કેસ 20,81,520 સુધી પહોંચી ગયો છે. નિવેદનમાં કહેવામાં આવ્યું છે કે કોરોના વાયરસને કારણે 38 ચેપગ્રસ્ત લોકોનાં મોત નીપજ્યાં છે, ત્યારબાદ મૃત્યુઆંક 51,669 પર પહોંચી ગયો છે.

પૂર્વી મહારાષ્ટ્રના યાવતમાલ જિલ્લા વહીવટીતંત્ર કોરોના વાયરસના વધતા જતા કેસોથી ચિંતિત છે, ગુરુવાર રાતથી 10 દિવસ માટે લોકડાઉન કરવાનો આદેશ આપ્યો છે. દિવસ અગાઉ શનિવારે સવારે 8 થી સોમવારે સવારે 8 વાગ્યા દરમિયાન એક જ વિદર્ભ ક્ષેત્રના અમરાવતી જિલ્લામાં વીક એન્ડ લોકડાઉનની જાહેરાત કરવામાં આવી હતી. યવતમાલના જિલ્લા મેજિસ્ટ્રેટ એમ.ડી.સિંહે જણાવ્યું હતું કે આ સમયગાળા દરમિયાન શાળાઓ, કોલેજો, કોચિંગ વર્ગો બંધ રહેશે અને કોઈ ધાર્મિક કાર્ય કરવા દેવામાં આવશે નહીં જ્યારે લગ્નમાં ફક્ત 50 વ્યક્તિઓને જ મંજૂરી આપવામાં આવશે.