Corona Latest Update: દેશમાં સતત ત્રીજા દિવસે કોરોનાના 20 હજારથી વધુ નવા કેસ, સક્રિય કેસ 1.40 લાખને પાર

Corona Latest Update: ભારતમાં કોરોના સંક્રમણ(Corona infection)ના કેસોમાં તેજી જોવા મળી રહી છે. આજે ફરી એકવાર કોવિડ(Covid) 20 હજારથી વધુ નવા કેસ નોંધાયા છે. જ્યારે છેલ્લા 24 કલાક દરમિયાન 56 દર્દીઓના મોત થયા છે. દેશમાં સક્રિય દર્દીઓની સંખ્યા ઝડપથી વધી રહી છે. કારણ કે દરરોજ ચેપના હજારો કેસ નોંધાઈ રહ્યા છે અને સાજા થવાનો દર નવા કેસો કરતા ઓછો છે. કોવિડ ડેટા અનુસાર, દેશમાં ચેપના સક્રિય દર્દીઓની સંખ્યા વધીને 1.40 લાખ થઈ ગઈ છે, જે કુલ કેસના 0.32 ટકા છે.

કેન્દ્રીય સ્વાસ્થ્ય મંત્રાલયના ડેટા અનુસાર, 56 દર્દીઓના મૃત્યુ પછી, ભારતમાં ચેપથી મૃત્યુ પામેલા લોકોની સંખ્યા હવે વધીને 5,25,660 થઈ ગઈ છે. જ્યારે છેલ્લા 24 કલાક દરમિયાન 20,044 કેસ નોંધાયા બાદ કુલ કેસોની સંખ્યા 4,37,30,071 પર પહોંચી ગઈ છે. મંત્રાલયના જણાવ્યા અનુસાર, શુક્રવારે 18,301 દર્દીઓ પણ કોરોનાથી સાજા થયા હતા, ત્યારબાદ દેશમાં સાજા થનારા લોકોની સંખ્યા હવે વધીને 4,30,63,651 થઈ ગઈ છે.

રસીકરણનો આંકડો 199.71 કરોડ 

તે જ સમયે, ઇન્ડિયન કાઉન્સિલ ઓફ મેડિકલ રિસર્ચ (ICMR) એ કહ્યું કે શનિવારે દેશભરમાં 4,17,895 લોકોએ તેમનો કોરોના ટેસ્ટ કરાવ્યો. ભારતમાં સેમ્પલ ટેસ્ટિંગનો આંકડો હવે 86.90 કરોડ (86,90,33,063) પર પહોંચી ગયો છે. કોરોના રસીકરણના આંકડાની વાત કરીએ તો, ભારત 200 કરોડના આંકડાને સ્પર્શવાની ખૂબ નજીક આવી ગયું છે. દેશમાં હાલમાં કુલ રસીકરણનો આંકડો 199.71 કરોડ છે. છેલ્લા 24 કલાક દરમિયાન 22,93,627 લોકોને કોરોનાની રસી આપવામાં આવી છે.

બીજી તરફ ભારતમાં મંકીપોક્સ (Monkeypox) નો પહેલો કેસ નોંધાયા બાદ ઓલ ઈન્ડિયા ઈન્સ્ટિટ્યૂટ ઓફ મેડિકલ સાયન્સ (AIIMS) ના નિષ્ણાતોએ જણાવ્યું હતું કે વાયરલ રોગનો ચેપ ઓછો છે. પણ તે બાળકો માટે જીવલેણ સાબિત થઈ શકે છે. AIIMS ના મેડિસિન વિભાગના ડૉ. પીયૂષ રંજને કહ્યું, “મંકીપોક્સનો ચેપ ઓછો છે. પણ તે બાળકોમાં જીવલેણ બની શકે છે. કોવિડ-19 ચેપમાં ચેપી દર ઘણો ઊંચો છે. પરંતુ ચેપગ્રસ્ત વ્યક્તિ સાથે લાંબા સમય સુધી સંપર્ક કર્યા પછી મંકીપોક્સ ફેલાય છે. તેથી કોવિડમાં ચેપનો દર ઊંચો છે અને એક ચેપગ્રસ્ત વ્યક્તિ ઘણા લોકોને ચેપ લગાવી શકે છે. પરંતુ મંકીપોક્સ ઓછો ચેપી છે.નોંધનીય છે કે વર્લ્ડ હેલ્થ ઓર્ગેનાઈઝેશન મુજબ, 1 જાન્યુઆરી, 2022 થી 22 જૂન 2022 વચ્ચે મંકીપોક્સ 50 દેશોમાં ફેલાયો છે. 

અત્યાર સુધીમાં 3,413 કેસની પુષ્ટિ થઈ છે. જ્યારે એક વ્યક્તિનું વાયરલ ચેપને કારણે મૃત્યુ થયું છે. આમાંના મોટાભાગના કેસો યુરોપિયન પ્રદેશ (86 ટકા) અને અમેરિકા (11 ટકા) માંથી આવ્યા છે. તો વૈશ્વિક સ્તરે ચેપ હજી પણ છૂટાછવાયા નોંધવામાં આવી રહ્યો છે.