ચીને પેંગોંગ ત્સો વિસ્તારમાં કર્યુ નવું નિર્માણ, સેટેલાઈટ ઈમેજમાં દેખાયા PLAના ટેન્ટ

લદ્દાખની વાસ્તવિક નિયંત્રણ રેખાની પાસે છેલ્લા કેટલાક દિવસથી ભારતીય સેનાની સાથે થયેલી ઝડપ પછી હવે ચીની સેના પાછળ હટી ગઈ છે પણ તેને પેંગોંગ ત્સો વિસ્તારમાં ઘણા નવા નિર્માણ કર્યા છે. આ જાણકારી નવા સેટેલાઈટ ઈમેજથી પ્રાપ્ત થઈ છે.

આ મહિનાના શરૂઆતમાં બંને દેશ ગલવાન ઘાટીમાં વિવાદાસ્પદ પેટ્રોલ પોસ્ટ 14થી પાછળ હટી ગયા હતા. જ્યાં 15 જૂને થયેલી હિંસક ઝડપમાં 20 ભારતીય જવાન શહીદ થયા હતા અને અજ્ઞાત સંખ્યામાં ચીની જવાન માર્યા ગયા હતા. ગલવાન ઘાટીમાં બંને તરફ 3 કિલોમીટરનો બફર ઝોન બનાવવામાં આવ્યો પણ પેંગોંગ ત્સો વિસ્તારમાં તણાવ ચાલુ રહ્યો.

સેટેલાઈટ ઈમેજમાં જોવા મળી રહ્યું છે કે ફોક્સહોલ પોઈન્ટ પર ચીની નિર્માણ થઈ રહ્યું છે. ત્યાં PLAએ ઘણા તારપોલિન ટેન્ટ લગાવ્યા છે. એક વરિષ્ઠ સંરક્ષણ નિષ્ણાંતે પુષ્ટી કરતાં કહ્યું કે એ સ્પષ્ટ છે કે આ ચીની ટેન્ટ છે, કારણ કે PLAનો ટેન્ટ લાલ તારપોલિનનો છે અને તે ચીનની તરફ છે. તે સિવાય PLA સ્કાયર ટેન્ટ અને ભારત ઈગ્લૂ અને રાઉન્ટ શેપ ટેન્ટનો ઉપયોગ કરે છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

સેટેલાઈટ ઈમેજમાં ભારતીય ટેન્ટોની બે મોટી સ્થાપનાઓ પણ દેખાય છે. ઉપરનું સફેદ ક્લસ્ટર ઈગ્લૂ આકારનું છે અને નીચે લીલા ક્લસ્ટર ગોળ શેપનું છે. ભારત અને ચીનની વચ્ચે LAC લદ્દાખમાં પહાડી ઠંડા રણમાં છે. જેમાં 135 કિલોમીટર લાંબા પેંગોંગ ત્સો પણ સામેલ છે.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]