Breaking News : વી.ડી. સતીશન બનશે કેરલમના નવા મુખ્યમંત્રી, કે.સી. વેણુગોપાલનું પત્તુ કપાયુ

કેરળ એટેલે કે કેરલમના નવા મુખ્યમંત્રી વી.ડી. સતીસન બનશે. કોંગ્રેસ પાર્ટીએ ગુરુવારે સત્તાવાર રીતે તેમના નામની જાહેરાત કરી. આ જાહેરાત સાથે, છેલ્લા 11 દિવસથી ચાલી રહેલા સસ્પેન્સનો આખરે અંત આવ્યો છે. સતીસનની પસંદગી સ્પષ્ટપણે દર્શાવે છે કે કોંગ્રેસના મહાસચિવ કે.સી. વેણુગોપાલને રેસમાંથી બહાર કરવામાં આવ્યા છે. ગુરુવારે અગાઉ, કોંગ્રેસ પ્રમુખ મલ્લિકાર્જુન ખડગેએ કેરળના મુખ્યમંત્રી પદના ઉમેદવારની જાહેરાત કરતા પહેલા પાર્ટીના ટોચના નેતાઓ સાથે અંતિમ પરામર્શ કર્યો હતો.

વી.ડી. સતીસન બનશે કેરળના નવા મુખ્યમંત્રી

ખડગે સાથે થયેલી ચર્ચામાં એઆઈસીસીના પ્રભારી મહાસચિવ દીપા દાસમુન્શી અને બે વરિષ્ઠ નિરીક્ષકો – અજય માકન અને મુકુલ વાસનિકનો સમાવેશ થતો હતો. આ ત્રણેય નેતાઓએ તાજેતરમાં જ તમામ નવા ચૂંટાયેલા ધારાસભ્યો સાથે તેમની પસંદગીઓનું મૂલ્યાંકન કરવા માટે વાતચીત કરી હતી.

પરિણામો 4 મેના રોજ જાહેર થયા હતા

કેરળ વિધાનસભા ચૂંટણીના પરિણામો 4 મેના રોજ જાહેર થયા હતા. જોકે, 11 દિવસ પછી પણ કોંગ્રેસ પાર્ટીએ હજુ સુધી મુખ્યમંત્રી પદ માટે પોતાનો ઉમેદવાર નક્કી કર્યો નથી. બુધવારે સાંજે રાહુલ ગાંધીએ ખડગે સાથે 30 મિનિટની મુલાકાત કરી હતી, જેમાં પાર્ટીના મુખ્યમંત્રી પદના ઉમેદવાર અંગે ચર્ચા કરવામાં આવી હતી. ત્યારબાદ, ગુરુવારે સવારે રાહુલે AICC મહાસચિવ કે.સી. વેણુગોપાલ સાથે મુલાકાત કરી હતી. આજે મોડી રાત્રે કેરળ કોંગ્રેસ વિધાનસભા પક્ષની બેઠક પણ યોજાવાની છે.

EPFO New Rules : EPFO કરવા જઈ રહ્યો મોટો બદલાવ, 7 કરોડ કર્મચારીઓ પર થશે સીધી અસર, જાણો ડિટેલ, આ સ્ટોરી વાંચવા અહીં ક્લિક કરો