Breaking News : RBIનો મોટો માસ્ટરસ્ટ્રોક, ફોરેક્સ પર કાબૂ, ડોલર સામે રૂપિયામાં 1.8 ટકાનો વધારો
Reserve Bank of Indiaના મહત્વના નિર્ણયોના કારણે ડોલર સામે રૂપિયામાં 1.8% નો જબરદસ્ત ઉછાળા બાદ તે 93.17 સુધી પહોંચ્યો, જે 2013 પછીનો સૌથી મોટો વધારો ગણાઈ રહ્યો છે અને બજારમાં સકારાત્મક સંકેત આપી રહ્યો છે.
ભારતીય ચલણ રૂપિયાએ ડોલર સામે તાજેતરમાં નોંધપાત્ર મજબૂતી દર્શાવી છે. થોડા સમય પહેલા ડોલર સામે નબળો પડ્યા બાદ હવે રૂપિયાની કિંમતમાં વધારો જોવા મળ્યો છે, જે બજારમાં સકારાત્મક સંકેત માનવામાં આવે છે. આંતરરાષ્ટ્રીય બજારમાં આ બદલાવને કારણે રોકાણકારો અને વેપારીઓમાં પણ નવી આશા જાગી છે.
ડોલર સામે રૂપિયો લગભગ 1.8 ટકાથી મજબૂત બની રૂ. 93.17 સુધી પહોંચ્યો છે. ખાસ વાત એ છે કે વર્ષ 2013ના સપ્ટેમ્બર પછી આ સૌથી મોટો ઉછાળો ગણાઈ રહ્યો છે. આ વધારાને કારણે આયાત-નિકાસના ક્ષેત્રમાં પણ અસર જોવા મળી શકે છે, ખાસ કરીને તે ક્ષેત્રોમાં જ્યાં ડૉલર પર વધુ નિર્ભરતા છે.
આ ફેરફાર પાછળ Reserve Bank of India (RBI) દ્વારા લેવામાં આવેલા મહત્વપૂર્ણ નિર્ણયોનો મોટો ફાળો માનવામાં આવે છે. RBIએ ફોરેક્સ માર્કેટના નિયમોમાં ફેરફાર કર્યા બાદ બજારમાં સ્થિરતા આવી છે અને રૂપિયાને ટેકો મળ્યો છે. ખાસ કરીને, રૂપિયા અંગેની અટકળોને નિયંત્રિત કરવા માટે સેન્ટ્રલ બેંકે કડક પગલાં લીધા છે.
RBIએ એક મહત્વપૂર્ણ નિર્ણય તરીકે રદ કરેલા ફોરેન એક્સચેન્જ કરારોને ફરીથી બુક કરવાની મંજૂરી નહીં આપવાનો નિર્ણય લીધો છે. આ પગલાંથી બજારમાં થતી અનિશ્ચિતતા અને અતિશય સટ્ટાબાજી પર અંકુશ મુકવાનો પ્રયાસ કરવામાં આવ્યો છે. પરિણામે, રૂપિયાની કિંમતને સ્થિર રાખવામાં મદદ મળી રહી છે.
વિશ્લેષકોનું માનવું છે કે RBIના આ પગલાં લાંબા ગાળે રૂપિયાને મજબૂત બનાવવામાં મદદરૂપ સાબિત થશે. આવનારા સમયમાં વૈશ્વિક પરિસ્થિતિ અને આંતરરાષ્ટ્રીય બજારની ગતિ પર પણ રૂપિયાની દિશા નિર્ભર રહેશે, પરંતુ હાલ માટે આ વધારો ભારતીય અર્થતંત્ર માટે સકારાત્મક સંકેત માનવામાં આવી રહ્યો છે.
શું તમે ક્યારેય વિચાર્યું છે કે કલાકમાં 60 મિનિટ કેમ હોય છે? જાણો હજારો વર્ષ જૂનું આ રહસ્ય
