Breaking News: દુર્ગા વિસર્જન દરમિયાન મોટી દુર્ઘટના, ટ્રેક્ટર નદીમાં ખાબક્તા 10ના મોત

મધ્યપ્રદેશના ખંડવા જિલ્લામાં ગુરુવારે દશેરાના દિવસે એક મોટો અકસ્માત સર્જાયો. મૂર્તિ વિસર્જનથી પરત ફરી રહેલા લોકોને લઈ જતી એક ટ્રેક્ટર-ટ્રોલી નદીમાં પડી ગઈ. આ અકસ્માતમાં દસ લોકોના મોત થયા છે, જ્યારે ઘણા લોકો હજુ પણ ગુમ છે. પોલીસ અને વહીવટીતંત્ર બચાવ કામગીરી હાથ ધરી રહ્યું છે. આ ઘટના પંઢાણા પોલીસ સ્ટેશન વિસ્તારમાં જમાલી નજીક આબના નદીમાં બની હતી. નદીમાં ગુમ થયેલા લોકોના સંબંધીઓ સહિત મોટી સંખ્યામાં લોકો ઘટનાસ્થળે એકઠા થયા છે.

આ દુ:ખદ ઘટના પંઢાણા પોલીસ સ્ટેશન વિસ્તારમાં આવેલા અરદલા કલાન ગામમાં બની હતી. નવરાત્રિ પૂર્ણ થયા પછી, ગ્રામજનો આબના નદીમાં મૂર્તિ વિસર્જન કરવા ગયા હતા. વિસર્જન પછી પરત ફરતી વખતે, પુલ પર ચઢતી વખતે તેમનું ટ્રેક્ટર-ટ્રોલી આબના નદીમાં પડી ગયું. ટ્રેક્ટર-ટ્રોલી 20 થી 22 લોકોને લઈ જઈ રહી હતી. ટ્રેક્ટર નદીમાં ખાબક્તા ઘટનાસ્થળે લોકોની ચીસાચીસ અને બુમાબૂમ શરૂ થઈ ગઈ હતી. વિસર્જન માટે નદી કિનારે ભારે ભીડ હોવાથી, લોકો ઘટનાસ્થળે દોડી આવ્યા હતા.

14 લોકો ગુમ થયા, 10 લોકોના મોત

આ સમય દરમિયાન કેટલાકને બચાવી લેવામાં આવ્યા, તો અંદાજિત 14 જેટલા લોકો ગુમ થયા છે. પ્રાપ્ત વિગતો અનુસાર પોલીસ અને વહીવટીતંત્રની ટીમો ઘટનાસ્થળે પહોંચી. તેમણે બચાવ કામગીરી શરૂ કરી અને ગુમ થયેલા લોકોની શોધ શરૂ કરી. અત્યાર સુધીમાં નદીમાંથી 10 લોકોના મૃતદેહ મળી આવ્યા છે, જેમાં મોટાભાગના બાળકો છે. બાળકોના મૃત્યુના જાણ થતા પરિવારોમાં આક્રંદ અને માતમ છવાયો છે.

પોલીસ અને વહીવટી અધિકારીઓ હાજર

પોલીસે મૃતદેહોનો કબજો લઈ પોસ્ટમોર્ટમ માટે મોકલી આપ્યા છે. પોલીસ અને વહીવટી અધિકારીઓ હજુ પણ ઘટનાસ્થળે હાજર છે. નદીમાંથી બચાવાયેલા લોકોને નજીકની હોસ્પિટલમાં દાખલ કરવામાં આવ્યા છે અને તેમની સારવાર ચાલી રહી છે. સ્થાનિક લોકોએ જણાવ્યું હતું કે મૂર્તિ વિસર્જન પછી ટ્રેક્ટર-ટ્રોલી પુલ પાર કરી રહી હતી ત્યારે અચાનક પલટી ગઈ અને નદીમાં પડી ગઈ.

રામાયણ બાદ હવે મહાભારત પર ફિલ્મ બનશે, જોન અબ્રાહમ બનશે દુર્યોધન