હવે નકસલવાદીઓનો વારો, ફંડ રોકીને પાયમાલ કરવા કેન્દ્રીય એજન્સીઓને સોપાઈ જવાબદારી
કેન્દ્ર સરકાર નકસલ પ્રભાવિત રાજ્યો સાથે મળીને, નક્સલવાદીઓ સામે આર પારની લડાઈની રણનીતિ પર કામ કરી રહી છે.
કાશ્મીરમાં આતંકવાદીઓ સામે ફંડિંગ મુદ્દે કડક કાર્યવાહી કર્યા પછી, ઘણી કેન્દ્રીય એજન્સીઓ ( Central agencies ) નક્સલવાદીઓને મળતા ફંડિંગને રોકવા અને જરૂરી તપાસ કરવા માટે હાથ મિલાવશે. સૂત્રોએ જણાવ્યું કે NIA, ED, CBI, CBDT, CBIC અને અન્ય સુરક્ષા એજન્સીઓ નક્સલ ફંડિંગ પર પ્રતિબંધ સાથે નક્સલવાદીઓને ખતમ કરવા માટે એક સંકલિત વ્યૂહરચના સાથે હાથ મિલાવશે.
એક અધિકારીએ જણાવ્યું કે નક્સલવાદીઓ વિરુદ્ધના આ ઓપરેશનમાં સ્થાનિક પોલીસ અને સ્થાનિક એજન્સીઓની પણ મુખ્ય ભૂમિકા છે. કેન્દ્ર સરકાર નકસલ પ્રભાવિત રાજ્યો સાથે મળીને નક્સલવાદીઓ સામે આર પારની લડાઈની રણનીતિ પર કામ કરી રહી છે. એજન્સીઓની માહિતી અનુસાર, હાલમાં નક્સલવાદીઓ માટે ફંડિંગનો મોટો સ્ત્રોત બહારનો છે, પરંતુ તેમને અન્ય સ્ત્રોતોમાંથી જે ફંડિંગ મળે છે અને હવાલા નેટવર્કની પણ તપાસ કરવામાં આવશે.
સૂત્રોએ જણાવ્યું કે કાશ્મીરમાં TMG (Terror monitoring,) રાજ્ય અને કેન્દ્રીય એજન્સી ( Central agencies ) ઉત્તમ સંકલન સાથે કામ કરી રહી છે. તેનું મુખ્ય કાર્ય આતંકવાદી અને કટ્ટરપંથી સંબંધિત પ્રવૃત્તિઓના નાણાકીય સ્ત્રોતની શોધ અને આતંકવાદીઓ પર હુમલો કરવાનું છે. કાશ્મીરમાં જેહાદી તત્વો સક્રિય થવાના કારણે તેના આવકના સ્ત્રોત સામે આવી રહ્યા છે. TMG માં CBI, NIA, ED, CBDT અને CBIC નો સમાવેશ થાય છે.
સૂત્રોનું કહેવું છે કે જમ્મુ-કાશ્મીર પોલીસ (Jammu and Kashmir Police )સહિત આ એજન્સીઓના સંકલિત અભિગમને કારણે આતંકવાદી ફંડિંગ (Terrorist funding) પર ઘણો અંકુશ આવ્યો છે. સ્થાનિક જરૂરિયાતોના આધારે નક્સલ વિસ્તારોમાં આ જ પદ્ધતિ અપનાવવામાં આવશે.
આ પણ વાંચોઃ
Viral video : વરમાળા દરમિયાન વરરાજાએ દુલ્હનને જીતવા માટે કર્યું કંઈક આવું, વીડિયો જોઈને તમે પણ હસીને લોટપોટ થઇ જશો
આ પણ વાંચોઃ