રાજસ્થાનના ગંગાપુર સિટી જિલ્લામાં અતિક્રમણ હટાવવા ગયેલા SDM સાથે ગેરવર્તણુક કરવામાં આવી. આ સમગ્ર ઘટના ગંગાપુર સિટી જિલ્લાના તોડાભીમની છે. SDM સુનીતા મીના તેમની ટીમ સાથે અતિક્રમણ હટાવવા આવ્યા હતા. આ દરમિયાન કેટલાક લોકોએ તેનો વિરોધ શરૂ કર્યો. વીડિયોમાં જોવા મળે છે કે SDMએ એક વૃદ્ધને ધક્કો માર્યો અને તે નીચે પડી ગયા. SDM હોવા છતાં તેમનું આ વર્તન યોગ્ય ન હતું.
આ પછી એક મહિલાએ SDM પર વળતો હુમલો કર્યો. મહિલાએ SDMના વાળ પકડીને તેમને જમીન પર પટકાવી દીધા. SDM સાથે કોઈ મહિલા પોલીસકર્મી ન હતી, તેથી પોલીસકર્મીઓ ખૂબ જ સાવધાનીપૂર્વક લડાઈને અટકાવવાનો પ્રયાસ કરતાં હતા. વીડિયોમાં જોવા મળી રહ્યું છે કે SDM પર ગુસ્સે થયેલી મહિલાએ તેના વાળ પકડી લીધા અને પછી તેને જમીન પર પછાડી દીધા. આ દરમિયાન ઘણા લોકો દરમિયાનગીરી કરતા રહ્યાં પરંતુ કોઈ ફાયદો થયો નહીં. કોઈક રીતે બંને છૂટા પડી ગયા.
હવે આ વીડિયો સોશિયલ મીડિયા પર વાયરલ થઈ રહ્યો છે અને લોકો કહી રહ્યાં છે કે જો અધિકારીઓ આ રીતનું વર્તન કરવા લાગશે તો લોકો પાસે કોઈ વિકલ્પ બચશે નહીં. એકે લખ્યું કે આજકાલ ઓફિસરો પણ પોતાને ભગવાન માનવા લાગ્યા છે, ભલે નિવૃત્તિ પછી કોઈ તેમના ફોનનો જવાબ ન આપે. એકે લખ્યું કે આ ખોટું છે આ રીતે, કોઈએ ગ્રામવાસીઓ પર વર્ચસ્વ ન રાખવું જોઈએ અને ન તો ગ્રામજનોએ કાયદો પોતાના હાથમાં લેવો જોઈએ.
આપને જણાવી દઈએ કે તાજેતરમાં જ જાહેર કરાયેલી R.A.S. ટ્રાન્સફર લિસ્ટમાં સુનીતા મીણાની તોડાભીમથી બદલી કરવામાં આવી છે. તેમના સ્થાને બરાનમાં તૈનાત પૂજા મીના તોડાભીમના નવા SDM બન્યા છે. પૂજાએ ચાર્જ ન લીધો હોવાના કારણે સુનીતા મીના હજુ પણ અહીં ચાર્જ સંભાળી રહ્યાં છે.
દેશ ના તમામ રાજ્યના સમાચાર વાંચવા માટે અહીં ક્લિક કરો