Madhya Pradesh: માટીની ખાણમાંથી વ્યક્તિને મળ્યો 26.11 કેરેટનો હીરો, હરાજીમાં મળશે કરોડો રૂપિયા
ભાડાની જમીન પર નાનાપાયે ઈંટનો ભઠ્ઠો ચલાવતા શુક્લાએ પત્રકારોને જણાવ્યું હતું કે તેઓ અને તેમનો પરિવાર છેલ્લા 20 વર્ષથી હીરાની ખાણકામ સાથે સંકળાયેલા હતા, પરંતુ તેમને આટલો કિંમતી હીરો પહેલીવાર મળ્યો.
મધ્યપ્રદેશના (Madhya Pradesh) પન્ના (Panna) જિલ્લામાં નાનાપાયે ઈંટના ભઠ્ઠાનો વ્યવસાય કરતા વ્યક્તિને માટીની ખાણમાંથી 26.11 કેરેટનો હીરો મળ્યો છે. પન્ના જિલ્લા હીરા અધિકારી રવિ પટેલે મંગળવારે જણાવ્યું હતું કે હરાજીમાં આ હીરાની 1.20 કરોડ રૂપિયા સુધીની કિંમત મળી શકે છે. અધિકારીએ જણાવ્યું કે પન્નાના કિશોરગંજ નગરના રહેવાસી સુશીલ શુક્લા અને તેમના સહયોગીઓને સોમવારે કૃષ્ણા કલ્યાણપુર વિસ્તારની નજીક આવેલી ખાણમાંથી આ હીરો મળ્યો હતો.
તેમણે કહ્યું કે હીરાને એક-બે દિવસમાં હરાજી માટે મુકવામાં આવશે અને સરકારની રોયલ્ટી અને ટેક્સ બાદ કરીને આ રકમ ખાણિયાઓને આપવામાં આવશે. ભાડાની જમીન પર નાના પાયે ઈંટનો ભઠ્ઠો ચલાવતા શુક્લાએ પત્રકારોને જણાવ્યું હતું કે તેઓ અને તેમનો પરિવાર છેલ્લા 20 વર્ષથી હીરાની ખાણકામ સાથે સંકળાયેલા છે, પરંતુ તેમને આટલો કિંમતી હીરો પહેલીવાર મળ્યો હતો. તેણે કહ્યું કે તેણે આ ખાણ પાંચ ભાગીદારો સાથે ભાડે લીધી હતી.
હીરાની હરાજીમાં રૂ. 1.2 કરોડથી વધુની કમાણી થશે તેવી આશા વ્યક્ત કરતા શુક્લાએ કહ્યું હતું કે, “હરાજી બાદ મળેલા નાણાંનો હું બિઝનેસ વધારવા માટે ઉપયોગ કરીશ.” હીરાની ખાણો માટે પ્રખ્યાત પન્ના જિલ્લો મધ્ય પ્રદેશની રાજધાની ભોપાલથી 380 કિમી દૂર છે. જિલ્લામાં 12 લાખ કેરેટ હીરા હોવાનો અંદાજ છે.
માહિતી આપતાં ડાયમંડ ઓફિસર રવિ કુમાર પટેલે જણાવ્યું હતું કે પન્નાની છીછરી હીરાની ખાણોમાંથી મળેલો આ ચોથો સૌથી મોટો હીરો છે. આ પહેલા 1961માં પન્ના નામના મોહલ્લાના રહેવાસી રસૂલ મોહમ્મદને 44.33 કેરેટનો અત્યાર સુધીનો સૌથી મોટો હીરો મળ્યો હતો.આ હીરાને 2 દિવસ પછી યોજાનારી હરાજીમાં રાખવામાં આવશે.
આ પણ વાંચો – ખાલિસ્તાની સંગઠન શીખ ફોર જસ્ટિસ સામે કેન્દ્ર સરકારની કાર્યવાહી, SFJના સોશિયલ મીડિયા એકાઉન્ટ બ્લોક કરાયા
Latest News Updates
