Oxygen Express Trains : 421 ઓક્સિજન એક્સપ્રેસ ટ્રેનોએ દેશભરમાં 30 હજાર ટનથી વધારે ‘પ્રાણવાયુ’ પહોચાડ્યો

Oxygen Express Trains : દેશમાં કોરોના વાયરસની બીજી લહેર (2nd Wave of Corona) દરમિયાન દેશભરની હોસ્પિટલોમાં મેડીકલ ઓક્સિજનની તંગીને પહોંચી વળવા રેલવે દ્વારા ઓક્સિજન એક્સપ્રેસ ટ્રેનો ચલાવવાનો નિર્ણય લેવામાં આવ્યો હતો. કોરોના વિરૂદ્ધ લડાઈમાં ભારતીય રેલ્વે (Indian Railways) દ્વારા ઓક્સિજન એક્સપ્રેસ ટ્રેનો મારફતે મેડીકલ ઓક્સિજન પહોચાડી તબીબી ક્ષેત્રને મોટી મદદ પુરી પાડી છે, અને સમય પર ઓક્સિજન મળવાથી એનેક લોકોના જીવ બચ્યા છે.

421 ટ્રેનો દ્વારા 30,000 ટન ઓક્સિજન સપ્લાય કોરોના વાયરસની બીજી લહેર દરમિયાન ઓક્સિજન એક્સપ્રેસ ટ્રેનો (Oxygen Express Trains) દ્વારા 30 હજારથી વધુ મેટ્રિક ટન લિક્વિડ મેડિકલ ઓક્સિજન (LMO) વિવિધ રાજ્યો અને કેન્દ્રશાસિત પ્રદેશોમાં પહોંચાડવામાં આવ્યો છે. રેલવે મંત્રાલય (Ministry of Railways) દ્વારા જાહેર કરાયેલા એક સત્તાવાર નિવેદનમાં જણાવ્યા અનુસાર, ભારતીય રેલ્વે અત્યાર સુધીમાં દેશના વિવિધ રાજ્યોમાં 1734 થી વધુ ટેન્કરમાં 20,182 મેટ્રિક ટન LMO પરિવહન કરી ચુકી છે. અત્યાર સુધીમાં કુલ 421 ઓક્સિજન એક્સપ્રેસ ટ્રેનોએ તેમની યાત્રા પૂર્ણ કરી છે.

#OxygenExpress trains have crossed the milestone of 30,000 MT of Oxygen delivery in service to the Nation.

So far, 421 Oxygen Expresses have transported 1734 tankers of oxygen and brought relief to 15 States across 🇮🇳

📖 https://t.co/3qXHcsyeKf pic.twitter.com/x1orXqGffK

— Piyush Goyal (@PiyushGoyal) June 13, 2021

15 રાજ્યોમાં ઓક્સિજન પહોચાડવામાં આવ્યો આશરે 50 દિવસ પહેલા 24 એપ્રિલથી મહારાષ્ટ્રમાં 126 મેટ્રિક ટન ઓક્સિજનની ડિલિવરી સાથે ઓક્સિજન એક્સપ્રેસ ટ્રેનોની (Oxygen Express Trains) શરૂ થઈ હતી. રેલવે મંત્રાલય (Ministry of Railways) એ પોતાના નિવેદનમાં કહ્યું છે કે ઓક્સિજન એક્સપ્રેસ ટ્રેનો દ્વારા દેશના 15 રાજ્યોમાં ઓક્સિજન રાહત પહોંચાડવામાં આવી છે. આ રાજ્યોમાં ઉત્તરાખંડ, કર્ણાટક, મહારાષ્ટ્ર, મધ્યપ્રદેશ, આંધ્રપ્રદેશ, રાજસ્થાન, તામિલનાડુ, હરિયાણા, તેલંગાણા, પંજાબ, કેરળ, દિલ્હી, ઉત્તર પ્રદેશ, ઝારખંડ અને આસામનો સમાવેશ થાય છે.

ક્યાં રાજ્યમાં કેટલો ઓક્સિજન પહોચાડવામાં આવ્યો ? સત્તાવાર આંકડા મુજબ ઓક્સિજન એક્સપ્રેસ ટ્રેનો (Oxygen Express Trains) દ્વારા સૌથી વધુ 5,7૨૨ મેટ્રિક ટન ઓક્સિજન દિલ્હી પહોંચાડવામાં આવ્યો.મહારાષ્ટ્ર 614 માં, ઉત્તરપ્રદેશમાં લગભગ 3797 મેટ્રિક ટન અને મધ્યપ્રદેશમાં 656 મેટ્રિક ટન ઓક્સિજન પૂરો પાડવામાં આવ્યો હતો.

આ ઉપરાંત હરિયાણામાં 2354, રાજસ્થાનમાં 98, કર્ણાટકમાં 3782, ઉત્તરાખંડમાં 320, તામિલનાડુમાં 4941, આંધ્રપ્રદેશમાં 3664, પંજાબમાં 225, કેરળમાં 513, તેલંગાણામાં 2972, ઝારખંડમાં 38, 480 MT ઓક્સિજન આસામ પહોંચ્યું છે.