YES Bank-DHFL Scam: મહારાષ્ટ્રના જાણીતા બિલ્ડર સંજય છાબરિયાની CBI એ કરી ધરપકડ

સેન્ટ્રલ ઇન્વેસ્ટિગેશન એજન્સી (CBI) એ મહારાષ્ટ્રના જાણીતા બિલ્ડર સંજય છાબરિયાની ધરપકડ કરી છે (Builder Sanjay Chhabria Arrested). સંજય છાબરિયાની યસ બેંક-ડીએચએફએલ કૌભાંડ (YES Bank-DHFL Scam) માં ધરપકડ કરવામાં આવી છે. સંજય છાબરિયા રેડિયસ ગ્રુપના પ્રમોટર છે. 15 ફેબ્રુઆરીના રોજ સીબીઆઈએ સંજય છાબરિયા અને તેમની કંપનીના 15 સ્થળો પર પણ દરોડા પાડ્યા હતા, જેમાં કેસ સાથે જોડાયેલા ઘણા મહત્વપૂર્ણ દસ્તાવેજો મળી આવ્યા હતા. CBIનો આરોપ છે કે સંજય છાબરિયા તપાસમાં સહકાર આપી રહ્યા નથી. સીબીઆઈ માર્ચ 2020થી આ કેસની તપાસ કરી રહી હતી.

યસ બેંક કૌભાંડ કેસમાં સીબીઆઈએ આ વર્ષે ફેબ્રુઆરીમાં મુંબઈ અને પુણે સહિત રેડિયસ ડેવલપર્સના 15 સ્થળો પર દરોડા પાડ્યા હતા. સીબીઆઈએ રેડિયસ ગ્રૂપના સંજય છાબરિયાના ઘરની પણ તપાસ કરી હતી. વાસ્તવમાં, રેડિયસ ડેવલપર્સેનું DHFL પાસે લગભગ રૂ. 3000 કરોડનું દેવું હતું. સૂત્રોના જણાવ્યા અનુસાર, આ દરોડા દ્વારા સીબીઆઈ એ લોકો પર કડક હાથે કાર્યવાહી કરી રહી છે જેમણે યસ બેંકમાંથી લોન લઈને લોન પરત ના કરી. બેંકમાંથી આપવામાં આવેલી લોન પાછી ના મળવાને કારણે બેંકની એનપીએ વધી ગઈ અને આરબીઆઈએ બેંકની કામગીરી પર નિયંત્રણો લાદવા પડ્યા હતા.

EDએ યસ બેંક કૌભાંડમાં ચાર્જશીટ પણ દાખલ કરી છે

વર્ષ 2020ની શરૂઆતમાં એન્ફોર્સમેન્ટ ડિરેક્ટોરેટ એટલે કે EDએ આ કૌભાંડમાં પૂર્વ મુખ્ય કાર્યકારી અધિકારી અને યસ બેંકના મેનેજિંગ ડિરેક્ટર રાણા કપૂર અને અન્ય આરોપીઓ વિરુદ્ધ ચાર્જશીટ પણ દાખલ કરી છે. EDએ તેની ચાર્જશીટમાં લખ્યું હતું કે રાણા કપૂરે નિયમોની અવગણના કરીને લોન આપી હતી, જેના બદલામાં અન્ય કંપનીઓ સાથે સંકળાયેલા આરોપીઓએ તેના પરિવાર સાથે સંબંધિત કંપનીઓમાં નાણાંનું રોકાણ કર્યું હતું. EDને આ કેસમાં મની લોન્ડરિંગના પુરાવા પણ મળ્યા હતા, જેની સંપૂર્ણ તપાસ કરવામાં આવી હતી. એજન્સીએ આરોપ લગાવ્યો છે કે કપૂરે યસ બેંક દ્વારા DHFLને નાણાકીય સહાય આપવા માટે વાધવાન સાથે ગુનાહિત કાવતરું ઘડ્યું હતું. એજન્સીના જણાવ્યા અનુસાર, કપૂરે પોતાની અને તેના પરિવારના સભ્યો માટે તેમની કંપનીઓ દ્વારા ગેરવાજબી લાભના બદલામાં આ કર્યું.

આ પણ વાંચોઃ

શિવસેના સાંસદ રાહુલ શેવાલે પર બળાત્કારનો આરોપ, મહિલાએ સાકીનાકા પોલીસ સ્ટેશનમાં નોંધાવી ફરિયાદ

આ પણ વાંચોઃ

Hanuman Chalisa Row: માસુમની ઈશ્વરને આજીજી! સાંસદ નવનીત રાણાની 8 વર્ષની પુત્રીએ કર્યો હનુમાન ચાલીસાનો પાઠ, માતા-પિતાની મુક્તિ માટે કરી પ્રાર્થના