TRP કૌભાંડ મામલે રિપબ્લિક ટીવીના સીએફઓ મુંબઇ પોલીસ સામે હાજર થશે
રિપબ્લિક ટીવીના અર્ણબ ગોસ્વામીએ ગઈકાલે જણાવ્યુ હતુ કે આરોપોના મામલે તે મુંબઈ પોલીસ કમિશનર પરમ બીર સિંહ સામે દાવો કરશે. રિપબ્લિક ટીવીના સીએફઓ શિવા સુબ્રમણ્યમ સુંદરમ આજે મુંબઈ પોલીસ સમક્ષ હાજર થશે. આ ચૈનલ પર આરોપ છે કે તેને લોકોને ચૈનલની રેટિંગ્સ વધારવા માટે ચૂકવણી કરી હતી અને ગેરકાયદેસર રીતે વધારે આવક મેળવી હતી. ટેલિવિઝન વ્યૂઅરશિપને […]
રિપબ્લિક ટીવીના અર્ણબ ગોસ્વામીએ ગઈકાલે જણાવ્યુ હતુ કે આરોપોના મામલે તે મુંબઈ પોલીસ કમિશનર પરમ બીર સિંહ સામે દાવો કરશે. રિપબ્લિક ટીવીના સીએફઓ શિવા સુબ્રમણ્યમ સુંદરમ આજે મુંબઈ પોલીસ સમક્ષ હાજર થશે. આ ચૈનલ પર આરોપ છે કે તેને લોકોને ચૈનલની રેટિંગ્સ વધારવા માટે ચૂકવણી કરી હતી અને ગેરકાયદેસર રીતે વધારે આવક મેળવી હતી.
ટેલિવિઝન વ્યૂઅરશિપને નજર રાખતી એજન્સી- બીએઆરસી એ (Broadcast Audience Research Council) ગુરુવારે આ કૌભાંડના મામલે કરેલા ખુલાસા બાદ પહેલો સમન્સ રિપબ્લિક ટીવીની સીએફઓ સુંદરમને પાઠવવામાં આવેલો છે. આક્ષેપ છે કે અમુક ચેનલો દ્વારા ટીઆપરી સંખ્યાને ઉછાળવામાં આવી રહી છે.
મુંબઈ પોલીસ મુજબ પ્રારંભિક પૂછપરછમાંથી રિપબ્લિક ટીવીનું નામ બહાર આવ્યુ છે. સાથેજ અન્ય બે સ્થાનિક ચેનલો “ફકત મરાઠી” અને “બોક્સ સિનેમા” નું પણ નામ સામે આવ્યુ છે. હાલ આ મામલે બે નાની ચેનલોના માલિકો સહિત ચાર લોકોની ધરપકડ કરવામાં આવી છે. દરમિયાન, મુંબઈની સ્થાનિક અદાલતે શુક્રવારે ‘ટીઆરપી કૌભાંડ’ માં આરોપી ચાર લોકોને 13 ઓક્ટોબર સુધી પોલીસ કસ્ટડીમાં મોકલી દીધા છે.
પોલીસના જણાવ્યા અનુસાર, આ મહિનાની શરૂઆતમાં બીએઆરસી દ્વારા નિયુક્ત કંપની હંસા રિસર્ચ દ્વારા ફરિયાદ દાખલ કરવામાં આવી હતી, જે દર્શકોનો ટ્રેક કરવા માટે “પીપલ મીટર” સ્થાપિત કરે છે. કંપનીએ જણાવ્યું હતું કે કેટલાક ભૂતપૂર્વ કર્મચારીઓએ ગ્રાહકોને ટ્રેક કરવામાં આવ્યા હોવાની વિગતો શેર કરી હતી અને રેગ રેટિંગમાં મદદ કરી હતી.
મુંબઈ પોલીસે હવે ટીઆરપી કૌભાંડની તપાસ માટે મુંબઈ ક્રાઇમ બ્રાંચ Economic offence wing સાથે મળીને તપાસ શરૂ કરી છે. EOW નકલી ટીઆરપી દ્વારા મેળવેલા જાહેરાતની આવકના સંદર્ભમાં ગુનાની રકમ, fund diversion પર ધ્યાન આપશે. મુંબઇ EOW ના ડીસીપી પરાગ માનેરે નાણાકીય બાબતો પર ધ્યાન આપશે. તદુપરાંત, નિષ્ણાત ફોરેન્સિક ઓડિટર્સ રિપબ્લિક અને અન્ય બે ચેનલોની નાણાકીય બાબતો પર ફોરેન્સિક ઓડિટ્સ શોધશે. આ પૂરા મામલે ઇંડિયા ટૂડે ગ્રૂપનું નામ પણ મુબઈ પોલીસની લિસ્ટમાં શામિલ છે.
આ પણ વાંચોઃમુંબઈના ગોરેગાવના ડાન્સ બાર પર દરોડા, 20 લોકોની ધરપકડ
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
તમારા Telegram પર TV9 Gujarati ના સમાચાર વાંચવા માટે તુરંત આ પેજને Like કરો
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો