મહારાષ્ટ્રના પૂણેમાં હડસપર વિસ્તારમાં રામટેકરી કચરા પ્રોસેસિંગ પ્લાન્ટમાં ભીષણ આગ લાગી છે. આગને પગલે ફાયર વિભાગની 11 ગાડીઓ ઘટનાસ્થળે પહોંચી છે અને આગ પર કાબૂ મેળવવાના પ્રયાસો શરૂ છે. આગ લાગતાં જ ઘટનાસ્થળે ભારે અફરાતફરી મચી ગઈ. આગની આ ઘટનામાં હજી સુધી કોઈને ઈજા થયાના સમાચાર નથી. પ્લાન્ટમાં આગ કયા કારણથી લાગી એ જાણી શકાયું નથી.
મહારાષ્ટ્રના પૂણેમાં એક જ અઠવાડિયામાં આગની આ બીજી મોટી ઘટના છે. આ પહેલા પૂણેમાં આ જ અઠવાડિયામાં સિરમ ઈન્સ્ટિટ્યૂટ ઓફ ઈન્ડિયાના એક પ્લાન્ટમાં આગ લાગી હતી. આ આગમાં એક મહિલા સહિત પાંચ શ્રમિકોના મૃત્યુ થયા હતા. આ ઉપરાંત મહારાષ્ટ્રમાં 22 જાન્યુઆરી શુક્રવારે નાસિક મહાનગરપાલિકાના મુખ્ય બિલ્ડિંગ રાજીવ ગાંધી ભવનમાં આગ લાગી હતી. જો કે આ ઘટનામાં કોઈ જાનહાનિ થઈ નહોતી. ફાયર વિભાગની 10 ગાડીઓએ આગ પર કાબૂ મેળવ્યો હતો. આમ એક જ અઠવાડિયામાં મહારાષ્ટ્રના બે મહાનગરોમાં આગની ત્રણ ઘટનાઓ સામે આવી છે.
આ પણ વાંચો: Subhash Chandra Bose Jayanti: PM મોદીના સંબોધનની 10 મહત્વની વાતો
Published On - 11:48 pm, Sat, 23 January 21