મહારાષ્ટ્રમાં સિનેમા હોલ આજથી શરતો સાથે ખુલશે, થિયેટરો 50 % બેઠક ક્ષમતા સાથે ખોલવાની મળી પરવાનગી

મહારાષ્ટ્રમાં સિનેમા હોલ, થિયેટરો 50 % બેઠક ક્ષમતા સાથે આજથી ખુલશે.મહારાષ્ટ્ર સરકારે સિનેમા હોલ, થિયેટરોને ફરીથી ખોલવાની મંજૂરી આપી દીધી છે. આદેશ જારી કરતાં રાજ્ય સરકારે કહ્યું કે આ મલ્ટીપ્લેક્સ ફક્ત કન્ટેનમેન્ટ ઝોનની બહારના વિસ્તારોમાં ખોલવામાં આવશે.કેન્દ્રીય ગૃહ મંત્રાલયના અનલોક 6 ગાઈડલાઈનને ધ્યાનમાં રાખતા, મહારાષ્ટ્ર સરકારે બુધવારે સિનેમા હોલ, થિયેટરો, મલ્ટિપ્લેક્સને 50% બેઠકની ક્ષમતા સાથે ગુરુવારથી ખોલવાની મંજૂરી આપી છે. કોરોનાને કારણે લૉકડાઉન દરમિયાન મલ્ટિપ્લેક્સ અને થિયેટરો છેલ્લા આઠ મહિનાથી બંધ હતા. આદેશ મુજબ મહારાષ્ટ્રમાં 5 નવેમ્બરથી કન્ટેનમેન્ટ ઝોનની બહારની યોગ સંસ્થાઓ, ઇન્ડોર ગેમ્સ અને સ્વીમિંગ પૂલને પણ ખોલવાની મંજૂરી છે.