Maharashtra Body Bag Scam: ઈકોનોમિક ઓફેન્સ વિંગે પૂર્વ મેયર વિરૂદ્ધ FIR દાખલ કરી, BMCના અધિકારીઓ સામે પણ કેસ

આર્થિક અપરાધ શાખાએ હવે કોરોના મહામારી દરમિયાન બોડી બેગ કૌભાંડ કેસમાં એફઆઈઆર નોંધી છે. કેન્દ્રીય તપાસ એજન્સી ED પહેલાથી જ આ કેસની તપાસ કરી રહી હતી. એજન્સીએ દરોડા પણ પાડ્યા હતા. હવે EOW એ ભૂતપૂર્વ મેયર કિશોરી પેડનેકર વિરુદ્ધ કેસ નોંધ્યો છે. મહામારીના મેયર અને BMCના અધિકારીઓએ મળીને આ કૌભાંડને અંજામ આપ્યો હતો. કિશોરી પેડનેકરની સાથે, EOW એ BMCના બે અધિકારીઓ અને એક કંપનીના માલિકને પણ આરોપી તરીકે નામ આપ્યા છે.

ઉદ્ધવ ઠાકરે જૂથના સેનાના નેતાઓ, BMC અને સપ્લાયર કંપની વેદાંત ઇનોટેકના માલિક વિરુદ્ધ FIR દાખલ કરવામાં આવી છે. કહેવાય છે કે 1500 રૂપિયાની ડેડ બોડી બેગ 6,700 રૂપિયામાં ખરીદી હતી. જેમાં કરોડો રૂપિયાનો વેડફાટ થયો હતો. કેસનો ખુલાસો થયા બાદ સતત કાર્યવાહી ચાલી રહી છે. ઇકોનોમિક ઓફેન્સ વિંગનો કેસ નોંધતા પહેલા EDએ પણ કાર્યવાહી કરી હતી. એજન્સીએ ઘણી જગ્યાએ દરોડા પણ પાડ્યા હતા.

ઉદ્ધવ ઠાકરેના નજદીકના લોકોની પણ પૂછપરછ

આર્થિક અપરાધ શાખાએ ફાઈવ સ્ટાર હોટલના કૌભાંડ મામલે પણ કેસ નોંધ્યો છે. EOWએ રવીન્દ્ર વાયકરને પૂછપરછ માટે બોલાવ્યા. વાયરકરની બે કલાક પૂછપરછ ચાલી રહી છે. કહેવાય છે કે વાયકર પૂર્વ સીએમ ઉદ્ધવ ઠાકરેની નજીક છે. તેમના ઘરનું નામ પણ માતોશ્રી છે. તેઓ ભૂતકાળમાં મંત્રી પણ રહી ચૂક્યા છે. એક મીડિયા રિપોર્ટ અનુસાર, તપાસ એજન્સી EDને તેની તપાસમાં જાણવા મળ્યું કે જ્યારે અન્ય લોકો 2000 રૂપિયામાં કોરોના ડેડ માટે બોડી બેગ મેળવી રહ્યા હતા, ત્યારે BMC તે જ કંપની પાસેથી 6,800 રૂપિયામાં બોડી બેગ ખરીદી રહી હતી. તેનો કોન્ટ્રાક્ટ પણ ભૂતપૂર્વ BMC મેયરની સૂચના પર કરવામાં આવ્યો હતો.

EDએ જૂનમાં પણ દરોડા પાડી લાખો જપ્ત કર્યા હતા

EDએ 21 જૂને સમગ્ર મહારાષ્ટ્રમાં દરોડા પાડ્યા હતા અને 68.65 લાખ રૂપિયા રોકડા જપ્ત કર્યા હતા. સમગ્ર મહારાષ્ટ્રમાં ફેલાયેલી 50 થી વધુ સ્થાવર મિલકતો (અંદાજિત બજાર કિંમત રૂ. 150 કરોડથી વધુ) જાહેર કરતા દસ્તાવેજો જપ્ત કરવામાં આવ્યા હતા. આ ઉપરાંત 15 કરોડની ફિક્સ ડિપોઝીટ, 2.46 કરોડની કિંમતની જ્વેલરી વસ્તુઓ તેમજ મોબાઈલ ફોન, લેપટોપ અને વિવિધ ગુનાહિત દસ્તાવેજો જેવા અનેક ઈલેક્ટ્રોનિક ઉપકરણો પણ જપ્ત કરવામાં આવ્યા છે.