Exclusive : મહારાષ્ટ્રમાં કુણબી લોકોને મળશે પ્રમાણપત્ર, સીએમ શિંદેએ સરકારને સોંપ્યો રિપોર્ટ, જાણો શું હતુ રિપોર્ટમાં

મુખ્યમંત્રી એકનાથ શિંદે જાહેરાત કરી છે કે આવતીકાલથી તેઓ એવા તમામ લોકોને કુણબી પ્રમાણપત્ર આપશે જેમના કુણબી હોવાના રેકોર્ડ મળી આવ્યા છે. શિંદે કમિટીએ રાજ્ય સરકારને રિપોર્ટ સોંપ્યો છે. આ રિપોર્ટમાં કુણબી જ્ઞાતિના 11 હજાર 530 રેકોર્ડ મળી આવ્યા છે. આવતીકાલે કેબિનેટ સમક્ષ રિપોર્ટ આવશે. આ પછી મહેસૂલ મંત્રી તમામ જિલ્લા મેજિસ્ટ્રેટ સાથે વાત કરશે અને આવતીકાલે જ કુણબી પ્રમાણપત્ર આપવામાં આવશે. આ અંગેનો એક્સલૂસિવ રિપોર્ટ TV9 મરાઠીએ મુક્યો છે. તેમાં ઘણી મહત્વની બાબતો નોંધાયેલી છે.

શું છે શિંદે કમિટીના રિપોર્ટમાં?

• જિલ્લા મેજિસ્ટ્રેટે જિલ્લાના રેકર્ડની ચકાસણી કરીને 6 નવેમ્બર પહેલા રિપોર્ટ રજૂ કરવાનો આદેશ આપ્યો હતો.
• આખરી જિલ્લાવાર રિપોર્ટ આવતા હજુ થોડો સમય લાગશે.
• શિંદે કમિટી વધુ રેકોર્ડ તપાસવા ફરી હૈદરાબાદ જશે
• આ સમિતિ અંતિમ અહેવાલ તૈયાર કરવા જ્ઞાતિના વિદ્વાનો અને નિષ્ણાતોની મદદ લેશે
• શિંદે સમિતિને કુણબી જ્ઞાતિના 11 હજાર 530 રેકોર્ડ મળ્યા.

શિંદે સમિતિનો અહેવાલ

• 1 કરોડ 73 લાખ 70 હજાર 659 દસ્તાવેજોની ચકાસણી કરવામાં આવી હતી
• મળેલા રેકોર્ડને લેન્ડ આર્કાઈવ્સની વેબસાઈટ પર અપલોડ કરવામાં આવશે
• આથી મરાઠા સમુદાય માટે પ્રમાણપત્રની નકલો મેળવવાનું સરળ બનશે
• નિઝામ યુગના રેકોર્ડ્સ હોવાથી 9 મોદી લિપિ નિષ્ણાતોની મદદ લેવામાં આવી હતી
• મરાઠવાડાના 8 જિલ્લામાં બેઠકો થઈ, કામ ચાલુ રહેશે
• મોટાભાગના દસ્તાવેજો 1967 પહેલાના છે, જે મોદી, ઉર્દૂ, ફારસી ભાષાઓમાં છે.
• ભાષાશાસ્ત્રીઓની મદદથી હજુ કામ ચાલુ છે, કુણબી સંદર્ભોના આંકડાઓ વધી રહ્યા છે.

ક્યાં અને કેટલી એન્ટ્રીઓ મળી ?

• છત્રપતિ સંભાજીનગરમાં 23,13,946 એન્ટ્રી ચેક કરવામાં આવી હતી. જેમાં કુણબી જ્ઞાતિના 932 રેકર્ડ મળી આવ્યા હતા.
• જાલનામાં 19,74,391 એન્ટ્રીઓ તપાસવામાં આવી હતી. જેમાંથી કુણબી જ્ઞાતિના 2,764 રેકોર્ડ મળી આવ્યા હતા.
• હિંગોલીમાં 11,39,340 એન્ટ્રીઓની તપાસ કરવામાં આવી હતી. જેમાં કુણબી જ્ઞાતિના 1762 રેકોર્ડ મળી આવ્યા હતા.
• નાંદેડમાં 15,13,792 એન્ટ્રીઓ તપાસવામાં આવી હતી. જેમાં કુણબી જ્ઞાતિના 389 રેકર્ડ મળી આવ્યા હતા.

શિંદે સમિતિનો અહેવાલ

• પરભણીમાં, 20,73,560 એન્ટ્રીઓની તપાસ કરવામાં આવી હતી. જેમાં કુણબી જ્ઞાતિના 1,466 રેકોર્ડ મળી આવ્યા હતા.
• લાતુરમાં 20,73,464 એન્ટ્રીઓની તપાસ કરવામાં આવી હતી. જેમાં 364 કુણબી જ્ઞાતિઓ જોવા મળી હતી.
• ધારાશિવમાં 40,49,131 એન્ટ્રીઓ તપાસવામાં આવી હતી. જેમાં કુણબી જ્ઞાતિના 459 રેકર્ડ મળી આવ્યા હતા.
• બીડમાં 22,33,035 એન્ટ્રીઓ તપાસવામાં આવી હતી. જેમાં કુણબી જ્ઞાતિના 3,394 રેકોર્ડ મળી આવ્યા હતા.
• કુલ 1 કરોડ 73 લાખ 70 હજાર 659 દસ્તાવેજોની ચકાસણી કરવામાં આવી હતી. જેમાં કુણબી જ્ઞાતિના 11 હજાર 530 રેકોર્ડ મળી આવ્યા હતા.

આ પણ વાંચો : રાષ્ટ્રીય એકતા દિવસ 2023 : વલ્લભભાઈ પટેલ કેવી રીતે બન્યા સરદાર અને લોખંડી પુરુષ, જાણો તેમના વિશેની 10 રસપ્રદ વાત