Maharashtra: યુવકે કર્યુ આ રીતે પ્રપોઝ, યુવતી એ તરત પાડી લગ્ન માટે ‘હા’, જાણો પુરી કહાની

કોઈપણ પ્રેમી યુગલ માટે લગ્ન જ આખરી મંઝીલ છે. અહીં સુધી પહોંચવા માટે મહારાષ્ટ્રના (Maharashtra) કોલ્હાપુરમાં એક પ્રેમીએ એવી યુક્તિ અપનાવી, જેના પછી તેની પ્રેમિકા લગ્નની ના ન પાડી શકી. યુવતી તેના પાર્ટનરની પ્રેમની અભિવ્યક્તિથી એટલી ખુશ હતી કે તે તરત જ લગ્ન માટે સંમત થઈ ગઈ. કોલ્હાપુરના સૌરભ કસબેકર અને સાંગલીની ઉત્કર્ષા એક જ એન્જિનિયરિંગ કોલેજમાં ભણ્યા હોવા છતાં ગયા વર્ષ સુધી એકબીજાના સંપર્કમાં નહોતા. જોકે, સૌરભ ઉત્કર્ષાને તેના કોલેજકાળથી ઓળખતા અને પસંદ પણ કરતા હતા.

પરીવારે પણ આપી મંજુરી

એન્જિનિયરિંગનો અભ્યાસ પૂરો થયા બાદ સૌરભના પરિવારે તેને લગ્ન વિશે પૂછ્યું કે, જો કોઈ છોકરી પસંદ હોય તો તે જણાવે. સૌરભે વિલંબ કર્યા વગર પરિવારના સભ્યોને ઉત્કર્ષા વિશે જણાવ્યું. સૌરભનો પરિવાર લગ્ન માટે સંમત થયો અને ઉત્કર્ષના ઘરે લગ્નનો પ્રસ્તાવ મોકલવાનું નક્કી થયું પણ સૌરભ ઉત્કર્ષને અનોખી રીતે લગ્ન માટે પ્રપોઝ કરવા માગતો હતો.

લગભગ 4 મહિના પહેલા સૌરભનો પરિવાર લગ્ન માટે ઉત્કર્ષાના પરિવારના સંપર્કમાં હતો. પરંતુ તેમણે સૌરભને શરૂઆતના તબક્કામાં કંઇક અલગ કરવાની પરવાનગી આપી ન હતી. જોકે, જ્યારે તેમને સૌરભના દિલની વાત ખબર પડી ત્યારે તેમણે મંજૂરી આપી દીધી.

અપનાવ્યો આ અનોખો આઈડિયા

આ પછી સૌરભે સાંગલી-કોલ્હાપુર હાઈવે પર હોર્ડિંગ્સ અને બેનર લગાવ્યા, જેના પર અંગ્રેજીમાં લખેલું હતું ‘મેરી મી ઉત્કર્ષા’ એટલે કે ઉત્કર્ષા મારી સાથે લગ્ન કરી લે. આ હોર્ડિંગ સાંગલી-કોલ્હાપુર રોડ પર કોલેજ જતા રસ્તા પર લગાવવામાં આવ્યું હતું, જે બાદમાં સોશિયલ મીડિયા પર વાયરલ થયું હતું. કોલેજના સ્ટુડન્ટ્સે આ તસવીર અને વીડિયો અલગ-અલગ જગ્યાએ શેર કર્યો હતો, જેના પછી સૌરભની વાત બની ગઈ. ઉત્કર્ષાને તેની પ્રપોઝ કરવાની આ અનોખી રીત ગમી અને તે લગ્ન માટે રાજી થઈ ગઈ. હાલ બંને પરિવારમાં લગ્નની તૈયારીઓ ચાલી રહી છે. ઉત્કર્ષા અને સૌરભ હવે લગ્ન પહેલા પ્રી વેડિંગ શૂટ માટે ગોવા જઈ રહ્યા છે. હવે આ ઇઝહાર-એ-ઇશ્ક સમગ્ર જિલ્લામાં ચર્ચાનો વિષય બન્યો છે. આ કપલ 27 મેના રોજ લગ્ન કરવા જઈ રહ્યું છે.