Mumbai Corona Update: કોરોનાનો કહેર યથાવત, મુંબઈમાં સતત બીજા દીવસે નોંધાયા 8000 થી વધુ કેસ

મુંબઈમાં (Mumbai) કોરોના સંકટ (Corona Cases) યથાવત છે, મુંબઈમાં ફરી 8000 થી વધુ નવા દર્દીઓ મળી આવ્યા છે.છેલ્લા 24 કલાકમાં મુંબઈમાં 8,082 નવા દર્દીઓ મળી આવ્યા છે, જેનાથી મુંબઈની ચિંતામાં વધારો થયો છે. ગઈકાલે મુંબઈમાં 8,063 નવા કોરોના દર્દીઓ મળી આવ્યા હતા. પરિણામે મુંબઈમાં (Mumbai) લોકડાઉનનું સંકટ દિવસેને દિવસે ઘેરું થતું જાય છે. જ્યારે શનિવારે મુંબઈમાં 6,347 દર્દીઓ મળી આવ્યા હતા, જેમાં છેલ્લા કેટલાક દિવસોમાં થોડી રાહત હતી, પરંતુ હવે ફરીથી સંખ્યામાં વધારો થતાં ગભરાટ વધી ગઈ છે.

મુંબઈમાં આજે બે કોરોના દર્દીઓના મોત થયા છે. કોરોનાની બીજી લહેર બાદ હવે મહારાષ્ટ્રમાં (Maharashtra ) ત્રીજી લહેરના વાદળો છવાઈ રહ્યા છે. દર્દીઓની સંખ્યા દિવસેને દિવસે વધી રહી હોવાથી ચિંતા વધી રહી છે. બીજી તરફ, કોરોનાનું નવું સ્વરૂપ એટલે કે ઓમીક્રોનના દર્દીઓ પણ વધી રહ્યા છે. મંત્રીઓ કહે છે કે આ બેવડા સંકટને કારણે રાજ્ય હવે લોકડાઉનની આરે છે.

31મી જાન્યુઆરી સુધી ધોરણ 1 થી 9 સુધી બંધ રહેશે શાળાઓ 

મુંબઈના મેયર કિશોરી પેડનેકરે કહ્યું છે કે કોરોનાના કેસ વધી રહ્યા છે, જેમાં બાળકો પણ સંક્રમિત થઈ રહ્યા છે. બાળકોના સંક્રમણને ધ્યાનમાં રાખીને 4 જાન્યુઆરીથી 31 જાન્યુઆરી સુધી શાળા બંધ રાખવાનો નિર્ણય લેવામાં આવ્યો છે, પરંતુ વર્ગો ઓનલાઈન ચાલશે. તેમણે જણાવ્યું હતું કે, 15 થી 18 વર્ષના જે બાળકોને રસી આપવાની હોય, તેમનું રસીકરણ શાળા દ્વારા રસી કેન્દ્રમાં કરવામાં આવશે.

કોરોનાને ધ્યાનમાં રાખીને થાણેની સ્કુલો પણ બંધ

મુંબઈ મ્યુનિસિપલ કોર્પોરેશન (BMC) દ્વારા લેવામાં આવેલા નિર્ણય બાદ હવે થાણે મ્યુનિસિપલ કોર્પોરેશને પણ શાળાઓને લઈને મહત્વનો નિર્ણય લીધો છે. થાણે જિલ્લામાં પણ ધોરણ 1 થી 9 અને 11 સુધી શાળાઓ બંધ રહેશે. પરંતુ ઓનલાઈન વર્ગો ચાલુ રહેશે. એટલે કે શાળાઓ માત્ર ધોરણ 10 અને 12 ના વિદ્યાર્થીઓ માટે જ શરૂ રહેશે. આ આદેશ હાલમાં 31 જાન્યુઆરી સુધી અમલમાં છે. આ બંને નગરપાલિકાઓ (મુંબઈ, થાણેની શાળાઓ બંધ) એ વધતા કોરોના અને ઓમિક્રોન સંક્રમણને ધ્યાનમાં રાખીને સોમવારે યોજાયેલી એક મહત્વપૂર્ણ બેઠકમાં આ નિર્ણય લીધો હતો.

દરમિયાન, પાલઘર જિલ્લાના જિલ્લા મેજિસ્ટ્રેટે પણ નર્સરી અને કેજી બાળકો માટે શાળાઓ બંધ કરવાનો નિર્ણય લીધો છે. એટલે કે, પાલઘરમાં કિન્ડરગાર્ટન અને નર્સરી શાળાઓને તાત્કાલિક આદેશો સાથે આગામી આદેશો સુધી બંધ કરી દેવામાં આવી છે.

આ પણ વાંચો :  મહારાષ્ટ્રમાં વિદ્યાર્થીને અપાઈ ખોટી રસી, નાસિકમાં સામે આવ્યો કોવેક્સિનને બદલે કોવિશિલ્ડ આપવાનો કિસ્સો