Maharashtra : મુખ્યમંત્રી એકનાથ શિંદેએ મહારાષ્ટ્રના ખેડૂતો માટે કરી આ મોટી જાહેરાત

મુખ્યમંત્રી એકનાથ શિંદેએ(Eknath Shinde ) ગુરુવારે મહારાષ્ટ્રના ખેડૂતો માટે મોટી રાહતની જાહેરાત કરી છે. સીએમ શિંદેએ વરસાદ (Rain )અને પૂરથી (Flood ) પ્રભાવિત ખેડૂતો માટે 755 કરોડની રકમની જાહેરાત કરી હતી. આ એવા ખેડૂતો છે કે જેઓ પૂરથી પ્રભાવિત છે પરંતુ તેના માટે નિર્ધારિત શરતોને પૂર્ણ કરવામાં સક્ષમ નથી. આવા 5 લાખ ખેડૂતોને રાહત મળશે. આ જાહેરાત કરતા પહેલા સીએમ શિંદેની અધ્યક્ષતામાં કેબિનેટ સબ-કમિટીની બેઠક યોજાઈ હતી. આ બેઠકમાં ભારે ચર્ચા વિચારણા બાદ આ નિર્ણય લેવામાં આવ્યો છે.

મંત્રાલયમાં આયોજિત આ બેઠકમાં નાયબ મુખ્યમંત્રી દેવેન્દ્ર ફડણવીસ, ગ્રામીણ વિકાસ મંત્રી ગિરીશ મહાજન અને અધિક મુખ્ય સચિવ (નાણા) મનોજ સૈનિક, સહાય અને પુનર્વસન વિભાગના અગ્ર સચિવ અસીમ કુમાર ગુપ્તા, કૃષિ વિભાગના અગ્ર સચિવ એકનાથ દાવલી અને અન્ય અધિકારીઓ હાજર રહ્યા હતા.

755 કરોડની સહાય : શરતો પણ હળવી

આ બેઠકમાં લેવાયેલા નિર્ણય અનુસાર, જૂન અને ઓગસ્ટ 2022 વચ્ચે અતિવૃષ્ટિથી પ્રભાવિત એવા ખેડૂતોને રાહત આપવામાં આવી છે, જેમણે પૂરગ્રસ્તની યોગ્ય શરતોમાં આવતા ન હતા. આવા લગભગ 5 લાખ ખેડૂતોને મદદ કરશે.

વધુ ખેડૂતોને મદદ થાય, તેથી વધુ નાણાં માટે બજેટ

કુદરતી આફતમાંથી રાહત આપવા માટે અત્યાર સુધીમાં લગભગ 4500 કરોડ રૂપિયાનું ફંડ વહેંચવામાં આવ્યું છે. SDRFની શરતો અનુસાર જો રાહત આપવામાં આવી હોત તો 1500 કરોડ રૂપિયાનો ખર્ચ થયો હોત. પરંતુ શરતોથી આગળ વધીને વધુને વધુ ખેડૂતોને મદદ કરવાના નિર્ણયને કારણે અસરગ્રસ્ત ખેડૂતો માટે વધુ રકમની વ્યવસ્થા કરવામાં આવી હતી. સીએમ શિંદેએ રાહતની જાહેરાત કરતા આ માહિતી આપી હતી.

અનેક ગામોમાં અતિવૃષ્ટિને કારણે પાકને ઘણું નુકસાન થયું છે. પરંતુ તે ખેડૂતોની શરતને પહોંચી વળવા સક્ષમ ન હતા. આવા ખેડૂતોને રાહત આપવાની દરખાસ્તો ઔરંગાબાદ, અમરાવતી, સોલાપુર જેવા જિલ્લાના જિલ્લા મેજિસ્ટ્રેટ દ્વારા મોકલવામાં આવી હતી. ઔરંગાબાદ, જાલના, પરભણી, હિંગોલી, બીડ, લાતુર 4 લાખ 38 હજાર 489 હેક્ટર વિસ્તાર ઉસ્માનાબાદ જિલ્લા માટે, 36 હજાર 711.31 હેક્ટર યવતમાલ જિલ્લામાં, 74 હજાર 446 હેક્ટર સોલાપુર જિલ્લામાં એટલે કે કુલ 5 લાખ 49 હજાર 646 હેક્ટર વિસ્તાર પ્રભાવિત થયો છે.

આ અસરગ્રસ્ત જિલ્લાઓને ફાયદો, જાણો કોને કેટલો ફાયદો મળશે?

ઔરંગાબાદ- 12679 (હેક્ટર વિસ્તાર)

જાલના – 678

પરભણી – 2545.25

હિંગોલી-96677

બીડ – 48.80

લાતુર-213251

ઉસ્માનાબાદ-112609.95

યવતમાલ-36711.31

સોલાપુર- 74446