Bulli Bai App: મુંબઈ કોર્ટે નીરજ બિશ્નોઈને 14 દિવસ જ્યુડિશિયલ કસ્ટડીમાં મોકલ્યો, રવિવારે દિલ્હી કોર્ટે પણ ફગાવી હતી જામીન અરજી
દિલ્હી કોર્ટે કહ્યું હતું કે આરોપીએ (નીરજ બિશ્નોઈ) એક ખાસ સમુદાયની ઘણી મહિલા પત્રકારોનું એક જાહેર મંચ પર અપમાન કરવાનો પ્રયત્ન કર્યો છે.
બુલ્લી બાઈ એપ (Bulli Bai App) કેસના આરોપી નીરજ બિશ્નોઈને 14 દિવસની ન્યાયિક કસ્ટડીમાં (Judicial Custody) મોકલવામાં આવ્યો છે. મુંબઈની કોર્ટે બુલી બાય એપના નિર્માતા નીરજ બિશ્નોઈને ન્યાયિક કસ્ટડીમાં મોકલી દીધો છે. અગાઉ આરોપીને 31 જાન્યુઆરી સુધી પોલીસ કસ્ટડીમાં મોકલવામાં આવ્યો હતો. આજે તેની પોલીસ કસ્ટડી પૂર્ણ થતાની સાથે જ કોર્ટમાં સુનાવણી હાથ ધરવામાં આવી હતી. મુંબઈની કોર્ટે હવે નીરજ બિશ્નોઈને (Neeraj Bishnoi) જ્યુડિશિયલ કસ્ટડીમાં મોકલી દીધો છે. છેલ્લી સુનાવણી દરમિયાન આ કેસના અન્ય આરોપી ઓમકારેશ્વર ઠાકુરને પણ ન્યાયિક કસ્ટડીમાં મોકલવામાં આવ્યો હતો.
અત્રે ઉલ્લેખનીય છે કે બુલ્લી બાઈ એપ દ્વારા લોકોને ફસાવવા અને પૈસા કમાવવા માટે દેશભરના લોકો સાથે જોડાવાનો પ્રયાસ કરવામાં આવી રહ્યો હતો. સમાચાર અનુસાર, આ એપ બનાવવા પાછળનો હેતુ દેશની મોટાભાગની ખાસ સમુદાયની મહિલાઓની હરાજી કરીને બદલામાં પૈસા કમાવવાનો હતો. આ એપ માઇક્રોસોફ્ટની ઓપન સોફ્ટવેર ડેવલપમેન્ટ સાઇટ GitHub પર બનાવવામાં આવી છે. આ કેસમાં અત્યાર સુધીમાં ઘણા લોકોની ઓળખ થઈ ગઈ છે, જ્યારે ઘણાની ઓળખ થઈ રહી છે.
નીરજ બિશ્નોઈને 14 દિવસની ન્યાયિક કસ્ટડીમાં મોકલવામાં આવ્યો
આરોપી નીરજ બિશ્નોઈએ આ એપ બનાવી હતી. મુંબઈની અદાલતે તેને 14 દિવસની ન્યાયિક કસ્ટડીમાં મોકલી દીધો હતો. જણાવી દઈએ કે રવિવારે દિલ્હીની એક કોર્ટે નીરજ બિશ્નોઈની જામીન અરજી ફગાવી દીધી હતી. કોર્ટે કહ્યું હતું કે જે દેશમાં મહિલાઓને દેવીનો દરજ્જો આપવામાં આવ્યો છે ત્યાં આ પ્રકારનું કૃત્ય બિલકુલ સ્વીકાર્ય નથી. કોર્ટે કહ્યું હતું કે જાહેર મંચ પર એક ચોક્કસ સમુદાયની લગભગ 100 મહિલા પત્રકારો સાથે દુર્વ્યવહાર અને અપમાન કરવા માટે આરોપીઓએ ટાર્ગેટ બનાવ્યો હતો.
દિલ્હી કોર્ટે જામીન અરજી ફગાવી દીધી હતી
દિલ્હી કોર્ટે કહ્યું હતું કે આરોપી નીરજે જાહેર મંચ પર એક ખાસ સમુદાયની અનેક મહિલા પત્રકારો સાથે દુર્વ્યવહાર અને અપમાન કરવાનો પ્રયાસ કર્યો છે. કોર્ટના મતે આરોપીનું આ કૃત્ય સાંપ્રદાયિક સૌહાર્દને પ્રતિકૂળ અસર કરશે. આ તમામ બાબતો સાથે કોર્ટે નીરજ બિશ્નોઈની જામીન અરજી ફગાવી દીધી હતી. આજે તેની પોલીસ કસ્ટડી પૂરી થયા બાદ મુંબઈની એક કોર્ટે તેને 14 દિવસની ન્યાયિક કસ્ટડીમાં મોકલી દીધો છે.