Elgaar Parishad case: બોમ્બે હાઈકોર્ટે વરવર રાવને આપી રાહત, કહ્યું કે 28 ઓક્ટોબર સુધી આત્મસમર્પણ કરવાની જરૂર નથી

એલ્ગાર પરિષદ-માઓવાદી સંબંધ કેસમાં (Elgaar Parishad case) બોમ્બે હાઈકોર્ટે (Bombay High Court) ગુરુવારે કવિ-કાર્યકર્તા વરવર રાવને (Varavara Rao) રાહત આપી હતી. કોર્ટે તેના આત્મસમર્પણ (Surrender) માટે આપેલ સમયગાળો 28 ઓક્ટોબર સુધી વધારી દીધો છે. કોર્ટે એમ પણ કહ્યું કે ત્યાં સુધી તેણે તલોજા જેલ અધિકારીઓ સમક્ષ શરણાગતિ સ્વીકારવાની જરૂર નથી.

ન્યાયમૂર્તિ નીતિન જમાદાર અને જસ્ટિસ એસ વી કોટવાલની ખંડપીઠે ગુરુવારે રાવને શરણાગતિ આપવાનો સમયગાળો 28 ઓક્ટોબર સુધી વધાર્યો અને કહ્યું કે કોર્ટ 26 ઓક્ટોબરે વધુ સુનાવણી કરશે. ખંડપીઠે એમ પણ કહ્યું હતું કે તેમને જામીન આપવાની મુદ્દત વધારવાની સુનાવણી 26 ઓક્ટોબરે હાથ ધરવામાં આવશે. રાવ (82) ને હાઇકોર્ટે આ વર્ષે 22 ફેબ્રુઆરીએ તબીબી આધાર પર છ મહિના માટે જામીન આપ્યા હતા.

જામીનનો સમયગાળો વધારવાની વિનંતી કરવામાં આવી હતી

તેમણે 5 સપ્ટેમ્બરે શરણાગતિ સ્વીકારી લેવાની હતી અને ન્યાયિક કસ્ટડીમાં પરત ફરવાનું હતું. જોકે, રાવે તેમના એડવોકેટ આર સત્યનારાયણ અને એડવોકેટ આનંદ ગ્રોવર દ્વારા ગયા મહિને જામીન વધારવાની વિનંતી કરી હતી. રાવે જામીન પર જેલમાંથી બહાર રહેવા દરમિયાન પોતાના વતન હૈદરાબાદમાં રહેવાની પરવાનગી પણ માગી હતી. અરજીમાં વધુમાં જણાવાયું છે કે તે મુંબઈમાં ભાડાના ફ્લેટમાં રહે છે, જેના કારણે અન્ય ખર્ચ સાથે આવક તરીકે તેના પેન્શનના આધારે શહેરમાં રહેવું મુશ્કેલ બને છે.

NIA આ મામલાની તપાસ કરી રહી છે

રાષ્ટ્રીય તપાસ એજન્સી (NIA) એલ્ગર પરિષદ-માઓવાદી સંબંધ મામલે તપાસ કરી રહી છે. NIA એ તબીબી જામીન વધારવાની રાવની અરજી અને હૈદ્રાબાદ જવા દેવાની વિનંતીનો વિરોધ કરતા કહ્યું કે, તેમનો મેડિકલ રિપોર્ટ સૂચવતો નથી કે તેમને કોઈ ગંભીર બીમારી છે. રાવ હાઈકોર્ટ દ્વારા નિર્ધારિત જામીનની કડક શરતો હેઠળ મુંબઈમાં ભાડાના મકાનમાં પોતાની પત્ની સાથે રહે છે.

રાવ 28 ઓગસ્ટ 2018 થી ન્યાયિક કસ્ટડીમાં છે અને કેસની સુનાવણીની રાહ જોઈ રહ્યા છે. 22 ફ્રેબ્રુઆરી અને સોમવારે જસ્ટિસ એસ એસ શિંદે અને જસ્ટિસ મનીષ પીટાલેની ખંડપીઠે આદેશ આપ્યો હતો કે રાવની તબિયતના આધારે હોસ્પિટલમાંથી રજા આપવામાં આવે. ખંડપીઠે કહ્યું હતુ કે તેને હોસ્પિટલમાંથી રજા આપ્યા બાદ તરત જ જામીન પર મુક્ત કરવા જોઈએ.

આ પણ વાંચો :  Aryan Khan Drug Case: શાહરુખનનો મેનેજર અને આર્યનનો વકીલ કોર્ટ પહોંચ્યા, આર્યન સહિત 7 આરોપીઓના કોવિડ રિપોર્ટ નેગેટિવ