Travel Diary : ચૈત્ર નવરાત્રીમાં ભારતના આ પ્રખ્યાત દુર્ગા મંદિરોની અવશ્ય મુલાકાત લો

2 એપ્રિલથી ચૈત્રી નવરાત્રીનો(Navratri ) પ્રારંભ થઈ રહ્યો છે. આ તહેવાર નવ(Nine ) દિવસ સુધી ઉજવવામાં આવે છે. ભક્તો આ તહેવારની(Festival ) તૈયારીઓ ઘણા દિવસો અગાઉથી જ શરૂ કરી દે છે. આ દરમિયાન દરેક જગ્યાએ સકારાત્મક ઉર્જા હોય છે અને શાંતિનું વાતાવરણ રહે છે. નવરાત્રિ દરમિયાન ઘણા ભક્તો મા દુર્ગાના મંદિરે પણ જાય છે. જો તમે પણ નવરાત્રિમાં મા દુર્ગાના મંદિરની મુલાકાત લેવાનું વિચારી રહ્યા છો, તો અહીં ભારતના પ્રખ્યાત દુર્ગા મંદિરોની સૂચિ છે, જ્યાં તમે જઈ શકો છો. તમે આ પ્રખ્યાત મંદિરોમાં મા દુર્ગાના દર્શન કરવા જઈ શકો છો.

વૈષ્ણો દેવી મંદિર, કટરા

ભારતના સૌથી પવિત્ર અને સૌથી વધુ મુલાકાત લેવાયેલા મંદિરોમાંનું એક કટરામાં આવેલું વૈષ્ણો દેવી મંદિર છે. વિશ્વભરમાંથી મોટી સંખ્યામાં હિન્દુ શ્રદ્ધાળુઓ વૈષ્ણોદેવીના દર્શન કરવા આવે છે. જમ્મુ-કાશ્મીરના કટરા જિલ્લામાં સ્થિત આ મંદિરમાં આખું વર્ષ ભીડ રહે છે. નવરાત્રિ દરમિયાન ખાસ કરીને ભક્તો અહીં દર્શન માટે આવે છે. એવું માનવામાં આવે છે કે દેવી દુર્ગા અહીં ગુફાની અંદર ખડકોના રૂપમાં નિવાસ કરે છે.

નૈના દેવી મંદિર

હિમાચલ પ્રદેશના બિલાસપુરમાં આવેલું નૈના દેવી મંદિર એ ભારતનું બીજું મંદિર છે જેની તમારે નવરાત્રી દરમિયાન મુલાકાત લેવી જ જોઈએ. પૌરાણિક કથા અનુસાર, એવું કહેવાય છે કે નૈના દેવી તે સ્થાન છે જ્યાં સતીની આંખો પડી હતી અને વિશ્વભરમાંથી લોકો આ મંદિરના દર્શન કરવા આવે છે.

ત્રિપુરા સુંદરી મંદિર, ઉદયપુર (ત્રિપુરા)

હિંદુ પૌરાણિક કથાઓ અનુસાર, આ મંદિર તે જગ્યા પર બનેલું છે જ્યાં સતીનો જમણો પગ પડ્યો હતો. ત્રિપુરાના ઉત્તર-પૂર્વીય રાજ્યમાં સ્થિત, આ મંદિરમાં દર વર્ષે મોટી સંખ્યામાં ભક્તો આવે છે જેઓ દેવી દુર્ગાની પૂજા કરવા માટે આ સ્થાન પર આવે છે.

મંગલા ગૌરી મંદિર, ગયા

આ મંદિરમાં સતીના પગલાં પડ્યા હતા. આ મંદિર હિન્દુઓ માટે ધાર્મિક મહત્વ ધરાવે છે. આખા વર્ષ દરમિયાન યાત્રાળુઓ મંદિરની મુલાકાત લે છે. ખાસ કરીને નવરાત્રિ દરમિયાન અહીં ભક્તો આવે છે. અહીં આ તહેવાર ભવ્ય રીતે ઉજવવામાં આવે છે.

કામાખ્યા મંદિર, ગુવાહાટી

ગુવાહાટીમાં નીલાચલ પહાડીઓ પર સ્થિત કામાખ્યા મંદિરમાં નવરાત્રીની ભવ્ય ઉજવણી કરવામાં આવે છે. તે સૌથી પ્રાચીન મંદિરોમાંનું એક માનવામાં આવે છે. નવરાત્રિ અને દુર્ગા પૂજાની ભવ્ય ઉજવણી ઉપરાંત આ સ્થળે અંબુબાચી મેળો પણ ઉજવવામાં આવે છે.

આ પણ વાંચો :

Hair Care Tips : જો તમે ફ્રિઝી વાળથી છુટકારો મેળવવા માંગતા હોવ તો અજમાવો આ ઉપાય

ટામેટાના બીજ ખાવાથી કિડની સ્ટોનની ગંભીર સમસ્યા થઇ શકે છે, જાણો બીજા નુકશાન વિશે