Relationship Tips: તમે રિલેશનશિપમાં હોવ છો, ત્યારે તમે તે સંબંધની શરૂઆત ઘણી અપેક્ષાઓ સાથે કરો છો. સંબંધોમાં જેમ જેમ સમય પસાર થાય છે તેમ તેમ આ અપેક્ષાઓ પણ વધતી જાય છે. તમારો સંબંધ ત્યારે જ સફળ થાય છે જ્યારે તમે તેને પરિપક્વતા સાથે સંભાળો અને એકબીજાને સમજો. નિષ્ણાતોના મતે સંબંધોમાં અપેક્ષાઓ રાખવી સામાન્ય બાબત છે, પરંતુ કેટલીકવાર આ અપેક્ષાઓ સંબંધ (Relationship) તોડવાનું પણ કામ કરી શકે છે. સતત લડાઈ અને ઝઘડા સંબંધ ગૂંગળામણ અનુભવવા લાગે છે. સંબંધોમાં પાર્ટનરને ખુશ રાખવા માટે પણ આ જ અપેક્ષાઓ કામ આવી શકે છે. જાણો સંબંધમાં શું અપેક્ષાઓ હોય છે.
કહેવાય છે કે ખુશામત તો ખુદા પણ ગમે છે, દરેક સાથીદાર એવુ ઇચ્છે છે કે તેનો સાથી કે તેની પાર્ટનર તેના વખાણ કરે પછી ભલે એ તેની સુંદરતાના હોય કે, આદતના હોય, કે ભોજનના હોય, આ પ્રશંસા પ્રેમ સંબધને બેટરીની જેમ ચાર્જ કરવાનું કામ કરે છે, આ નાનકડી એવી પ્રશંસાથી તમે તમારા સાથીના દિલ પર રાજ કરી શકો, તેથી દરેક વ્યક્તીએ પોતાના સંબંધમાં મધુરતા જાળવવા માટે આ કામ ચોક્કસ કરવું જોઇએ.
સામાન્ય રીતે સંબંધના અમુક સમયગાળા બાદ પાર્ટનર એક બીજાને પ્રેમની અભિવ્યક્તિ કરવાનું ટાળે છે, આના કારણે જીવનસાથીને પ્રેમનો અભાવ વર્તાય છે, આથી સમયે સમયે અને પ્રસંગે પ્રસંગે એક બીજાને ભેટની આપ લે કરવી, એક બીજને ગમે તેવી પ્રવૃતિ, સરપ્રાઇઝ આપવી આ બાધાથી નિરસ થયેલા જીવનમાં પ્રેમનો નવો સંચાર થાય છે, તેથી અભિવ્યક્તિ ખુબ જરૂરી છે.
સંબંધ ગમે તે હોય, તેમાં એ અપેક્ષા ચોક્કસ હોય છે તે દરેકને પુરતુ માન અને આદર મળે. પછી તે પ્રેમની હોય કે મિત્રતા. જ્યારે તમે તમારા જીવનસાથીનો આદર કરો છો, ત્યારે તેનો સ્પષ્ટ અર્થ એ છે કે તમે તેમની જરૂરિયાતો અને અપેક્ષાઓને પણ માન આપો છો. સુખી સંબંધ માટે સન્માન હોવું જરૂરી છે.
રિલેશનશિપમાં પાર્ટનર પાસેથી તેના પાર્ટનર સાથે મહત્તમ સમય પસાર કરવાની અપેક્ષા રાખવામાં આવે છે. જે જરૂરી પણ છે. સારા સંબંધો બનાવવા માટે સમય પસાર કરવાની ખાતરી કરો. આની મદદથી તમે તેમને બતાવી શકશો કે તેઓ તમારા માટે કેટલા મહત્વપૂર્ણ છે.
તમારા સંબંધને સ્થિર રહેવા દો. જો કોઈ ઝઘડો થાય અથવા સંબંધ તૂટી જવાની આરે આવે, તો દરેક પાર્ટનર પોતાના પાર્ટનર પાસેથી પ્રયાસની અપેક્ષા રાખે છે. આ કેટલીક અપેક્ષાઓ છે જે સાથી પોતાના સંબંધમાં રાખે છે. જો તમે સંબંધમાં ઝુકાવ રાખશો તો સંબંધ મજબૂત થશે.