પશુપાલકો માટે ખુશીના સમાચાર! સાબરડેરીએ દુધના ખરીદ ભાવમાં ફરી એકવાર કર્યો વધારો

સાબરકાંઠા અને અરવલ્લી જીલ્લાના સાડા ચાર લાખ જેટલા પશુપાલકો માટે ખુશીના સમાચાર સાબરડેરીએ જાહેર કર્યા છે. આગામી 21 સપ્ટેમ્બરથી સાબરડેરી દ્રારા ખરીદ કરવામાં આવતા દુધના ભાવમાં પ્રતિકીલો ફેટે વધારો જાહેર કરવામાં આવ્યો છે.

છેલ્લા પાંચ માસમાં સાબરડેરી દ્રારા પાંચમી વાર ભાવ વધારો જાહેર કરવામાં આવ્યો છે.  જેમાં છેલ્લા બે માસમાં બીજી વાર ભાવ વધારો ઈન્ચાર્જ ચેરમેન જંયતિભાઇ પટેલે ભાવ વધારો જાહેર કર્યો હતો. પ્રતિ કિલો ફેટે નવા જાહેર કરાયેલા ભાવ વધારા પ્રમાણે આગામી 21સપ્ટેમ્બરથી ભેંસના દુધને પ્રતિકિલો ફેટે સાબરડેરી 700 રુપિયાના ભાવે ખરીદ કરશે.

જે અગાઉ 680 રુપિયા ભાવ હતો. આવી જ રીતે ગાયના દુધનો પ્રતિ કીલો ફેટે 290 રુપીયા હાલનો ભાવ હતો એ હવે 300 રુપિયા થશે. આમ હવે નવા ભાવની અમલવારી કરવામા આવશે અને જેને લઇને પશુપાલકોમાં આનંદ વ્યાપ્યો છે. સાબરડેરી દ્રારા છેલ્લે પહેલી ઓગષ્ટના રોજ થી ભાવને અમલ બનાવ્યા હતા અને ત્યાર બાદ ફરી એકવાર ભાવ વધારો કરાયો છે.

પશુઆહારમાં પણ છેલ્લાં કેટલાક સમયથી ભાવ વધારો થવાને લઇને પશુપાલકો પણ ચિંતીત હતા અને એ દરમ્યાન ફરી એકવાર પશુપાલકો માટે સારા સમાચાર સાંપડતા પશુપાલકોને રાહત સાંપડી છે. જોકે આ ભાવ વધારાને લઇને દુધના ખરીદદાર ગ્રાહકોને હાલમાં કોઇજ ભાવવધારાની અસર નહી પહોંચે એમ અગાઉ એનડીડીબી દ્રારા પણ કહેવાયુ છે.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]