કૃણાલ પંડ્યાની પુછપરછ બાદ અધિકારીઓએ 1 કરોડ રુપિયાની ઘડિયાળો જપ્ત કરી, DRIએ કસ્ટમ વિભાગને સોંપવામાં આવ્યો કેસ

યુએઇ થી આઇપીએલ ચેમ્પિયન બનીને ભારત પરત ફરી રહેલા મુંબઇ ઇન્ડિયન્સના ઓલ રાઉન્ડર ખેલાડી કૃણાલ પંડ્યાને માટે સંજોગો સારા રહ્યા નથી. ભારતીય જમીન પર ઉતરતા વેંત જ કૃણાલ પંડ્યાને મંબઇ એરપોર્ટ પર રોકી દેવામાં આવ્યો હતો. ડાયરેક્ટોરેટ ઓફ રેવન્યુ ઇન્ટેલીજન્સ એટલે કે ડીઆરઆઇ ના અધિકારીઓએ કૃણાલને તેની લકઝરી ઘડિયાળોના માટે સવાલ જવાબ કર્યા હતા, જે તે યુએઇએ થી લઇને આવ્યો હતો. 

સુત્રોથી બતાવવામાં આવી રહ્યુ છે કે કૃણાલ ગેરકાયદેસર રીતે ડાયમંડ થી ઝડેલી ઘડીયાળોને યુએઇ થી ભારત લાવી રહ્યો હતો. જેમાં બે રોલેક્સ મોડલની ઘડીયાળો હતી. સુત્રો મુજબ આ ઘડીયાળોની કુલ કિંમત એક કરોડ રુપીયા જેટલી છે. લકઝરી ઘડીયાળોને લઇને કૃણાલ પંડ્યાની ત્રણ કલાક સુધી પુછપરછ કરી હતી. જેના પછી એરપોર્ટ અધીકારીઓએ તે તમામ ઘડીયાળોને જપ્ત કરી લઇને પંડ્યાને રિલીઝ કરી દીધો હતો. બતાવી દઇએ મુંબઇ ઇન્ડિયન્સની ટીમ સાંજે સાડા ચાર વાગ્યે ચાર્ટર્ડ ફ્લાઇટ થી યુએઇ થી મુંબઇ પહોંચી હતી. 

કૃણાલ પંડ્યાનો કેસ  અને જપ્ત કરાયેલ લકઝરી ઘડીયાળોને હવે કસ્ટમ ડિપાર્ટમેન્ટને સોંપી દેવાંાં આવ્યો છે. સુત્રોની વાતને માનીએ તો કૃણાલ પંડ્યાને  આ ઘડીયાળો ત્યારે જ મળશે જ્યારે તે કસ્ટમ ડ્યુટી અને ફાઇન ભરશે. ઘડીયાળો પર લાગવા વાળી કસ્ટમ ડ્યુટી કિંમતના 38.5 ટકા સુધી લાગી શકશે.