Rahul Gandhi In Jacket: રાહુલ ગાંધીની ચાલી રહેલી પદયાત્રા વચ્ચે નીતનવા સમાચારો રાહુલ ગાંધીને લઈને આવતા રહે છે. યાત્રાનો ધ્યેય ભારત જોડો હોઈ શકે છે પરંતુ આ યાત્રાથી કોઈને સૌથી વધારે મેકઓવર કરવાનો મોકો મળ્યો હોય કે પછી ઈમેજ બનાવવાનો મોકો મળ્યો હોય તો તે છે રાહુલ ગાંધી. લાંબી દાઢીથી લઈ મોંઘી દાટ ટી શર્ટની ચર્ચા વચ્ચે રાહુલ ગાંધીને ઠંડી નથી લાગતી અને અત્યારે જે રાહુલ ગાંધીને જોઈ રહ્યા છો તે મરી ચુક્યા છે વગેરે જેવા અનેક એવા નિવેદનો આવ્યા કે જેને સમજવા મુશ્કેલ થઈ પડ્યા.
થોડા દિવેસો પહેલા જ જે રાહુલ ગાંધીને ઠંડી નોહતી લાગતી, ઠંડીએ મનનો વહેમ લાગતી હતી તે આજે અચાનક વરાળ બનીને ઉડી ગયો હતો. ટી-શર્ટ ના ભાઈ… હવે જેકેટ ચાલે છે. ‘ભારત જોડો યાત્રા’ દરમિયાન રાહુલ ગાંધી જેકેટમાં જોવા મળ્યા હતા ત્યારથી સોશિયલ મીડિયા પર અત્યારે આવી જ કેટલીક વાતો ચાલી રહી છે. તમને જણાવી દઈએ કે, પૂર્વ કોંગ્રેસ અધ્યક્ષે પોતાની આખી યાત્રા દરમિયાન કડકડતી ઠંડીમાં પણ માત્ર ટી-શર્ટ પહેરીને સોશિયલ મીડિયા પર ઘણી હેડલાઈન્સ બનાવી છે. લોકોએ તેને ઘણી વખત ઠંડીથી બચવાની સલાહ પણ આપી હતી. જેના પર રાહુલ ગાંધીએ કહ્યું- તેમને ઠંડી નથી લાગતી. પરંતુ શુક્રવારે જ્યારે ‘ભારત જોડો યાત્રા’ જમ્મુ-કાશ્મીરના કઠુઆ પહોંચી તો રાહુલ ગાંધી જેકેટ પહેરેલા જોવા મળ્યા.
જમ્મુ-કાશ્મીરમાં કોંગ્રેસની ‘ભારત જોડો યાત્રા’ તેના અંતિમ પડાવ પર પહોંચી ગઈ છે. ગુરુવારે સાંજે રાહુલ ગાંધી ટોર્ચલાઇટ સરઘસ સાથે લખનપુરમાં પ્રવેશ્યા હતા. જોકે, શુક્રવારે જ્યારે યાત્રા કઠુઆ પહોંચી ત્યારે રાહુલ ગાંધી જેકેટ પહેરેલા જોવા મળ્યા હતા.
હવે રાહુલ ગાંધીના નવા લુકને લઈને સોશિયલ મીડિયા પર વિવિધ પ્રકારની વાતો થઈ રહી છે. લોકો કહે છે કે ટી-શર્ટ નથી ભાઈ… હવે જેકેટ ચાલે છે. રાહુલ ગાંધીએ કહ્યું કે તેમના પૂર્વજો આ ભૂમિના હતા. તેમને એમ લાગી રહ્યું છે કે તે ઘરે પાછા ફરી રહ્યા છે. જણાવી દઈએ કે રાહુલ ગાંધીની આ મુલાકાતનો આજે 125મો દિવસ છે. તે 30 જાન્યુઆરીએ શ્રીનગરના લાલ ચોક ખાતે સમાપ્ત થશે.
બધાને માત્ર એક જ સવાલ છે કે આટલી ઠંડીમાં રાહુલ ગાંધી માત્ર ટી-શર્ટ પહેરીને કેવી રીતે જોવા મળે છે. શું રાહુલ ગાંધીને ઠંડી નથી લાગતી? જ્યારે રાહુલ ગાંધીને તેમની ટી-શર્ટ વિશે પૂછવામાં આવ્યું તો તેમણે મજાકિયા જવાબ આપ્યો હતો.
કોંગ્રેસ આજે તેનો સ્થાપના દિવસ ( Congress Foundation Day) ઉજવી રહી છે. વિપક્ષી પાર્ટી ભાજપ પણ સવાલ કરી રહી છે કે રાહુલ જણાવે કે તેઓ શું લે છે જેથી તેમને ઠંડી ન લાગે. સ્થાપના દિવસ નિમિત્તે રાહુલ ગાંધી ટી-શર્ટમાં જ કોંગ્રેસ કાર્યાલય પહોંચ્યા હતા. જ્યારે રાહુલ ગાંધીને ટી-શર્ટ વિશે પૂછવામાં આવ્યું હતું કે આજે પણ તમે ટી-શર્ટમાં છો? જેના જવાબમાં રાહુલ ગાંધીઅ કહ્યું કે, ‘ટી-શર્ટ ચાલી રહી છે અને જ્યાં સુધી ચાલશે ત્યાં સુધી ચલાવીશ.’
Published On - 4:02 pm, Fri, 20 January 23