પૃથ્વી પર સ્વર્ગનો અહેસાસ કરાવતા આ સુંદર દેશોની વિઝા વગર પણ યાત્રા કરી શકાય છે, જાણો કેવી રીતે

સરકાર તરફથી પર્યટકો માટે મહત્વની માહિતી જાહેર કરવામાં આવી છે.  દુનિયાના ઘણા દેશો એવા છે જ્યાં ભારતીય પાસપોર્ટ ઉપર વિઝા વગર યાત્રા કરી શકાય છે.  એક-બે નહીં પણ 43 દેશ એવા છે જે ભારતીઓને વિઝા ઓન અરાઈવલની સુવિધા આપે છે. જ્યારે 36 એવા દેશ જે ભારતીય પાસપોર્ટ રાખનારાને ઈ-વિઝાની સુવિધા આપે છે.  હાલ કોરોના વાયરસના કારણથી ઘણા દેશોએ યાત્રા પર પ્રતિબંધ લગાવી રાખ્યો છે પરંતુ આ પ્રતિબંધ હટયા પછી વગર વિઝાએ વિદેશયાત્રાનો આનંદનો ચોક્કસ લેવો જોઈએ. ધરતી ઉપર સ્વર્ગની અનુભૂતિ કરાવતા આ દેશ અને તેની ખાસિયતથી અમે આપને વાકેફ  કરવા જઈ રહ્યા છે.

મોરિશિયસ ભારતીય પાસપોર્ટ ધારકોને વિઝા વિના પ્રવેશ આપે છે અને 90 દિવસ માટે માન્ય છે. હિંદ મહાસાગરના ટાપુ ઉપર વસેલ મોરિશિયસ તેના દરિયાકિનારા અને ખડકો માટે જાણીતું છે. નેશનલ પાર્ક , વોટર પાર્ક અને બોટનિકલ ગાર્ડન અહીંના મુખ્ય આકર્ષણ છે.

ભુતાન 

ભારતનો પડોશી દેશ ભુતાન પ્રવાસીઓનું પ્રિય સ્થળ છે. ભારતીયોને ભૂતાનની મુલાકાત લેવા વિઝાની જરૂર હોતી નથી. પાસપોર્ટ અથવા કોઈપણ અન્ય માન્ય ID પર્યાપ્ત છે.

 બારબાડોસ 

બારબાડોસ એ પ્રકૃતિના ખોળામાં એક સુંદર દેશ છે. અહીં ભારતીયોને વિઝા વગર ફરવાની સુવિધા છે.ઉત્તર અમેરિકાના કેરેબિયન ક્ષેત્રમાં બાર્બાડોસ એક ટાપુ દેશ છે. તેની લંબાઈ 34 કિલોમીટર  છે.

 ડોમિનિકા 

ડોમિનિકા એ વિશ્વનો સૌથી સુંદર દેશ પણ છે. આ દેશ કેરેબિયન સમુદ્રમાં સ્થિત છે. ડોમિનીકા એ એક પર્વતીય કેરેબિયન ટાપુ રાષ્ટ્ર છે, જે કુદરતી ગરમ ઝરણા અને ઉષ્ણકટિબંધીય વરસાદી જંગલો ધરાવે છે.  આ ઉપરાંત સર્બિયા, ગ્રેનેડા અને હૈતી સહિતના પૃથ્વી ઉપર સ્વર્ગનો અહેસાસ કરાવતા પ્રવાસન સ્થળો છે. જ્યાં ફરવા જવા માટે ફક્ત પાસપોર્ટ અને ફ્લાઈટ ટિકિટની જરૂર પડશે. કુદરતી સૌબદારયા અને પ્રાચીન સંસ્કૃતિઓની ઝાંખી કરાવતા આ દેશની મુલાકાત લેવાનું કોરોનાની વિદાય બાદ જરૂર પ્લાન કરી શકાય.